Agam 06 Ang 06 Gnatadharma Sutra Shwetambar Agam Guna Manjusha

SR No.: 003256
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 116
Language: Prakrit
Classification: Book_Devnagari, Agam, Canon, & agam_gyatadharmkatha
File Size: 11 MB

Page 21

(६) णायाधम्मकहाओ पढमो सुयक्खंधो १ अज्झयणं उक्खिते पिट्ठको [१०]
उवक्खडावेत्ता मित्त - णाति णियग-सयण संबंधि- परिजणं बलं च बहवे गणणायग जाव आमंतेति, ततो पच्छा पहाता कयबलिकम्मा कयकोउय जाव सव्वालंकारभूसिता महतिमहालयंसि भोयणमंडवंसि तं विपुलं असणं पाणं खाइमं साइमं मित्त-नाति० गणणायग जाव सद्धिं आसाएमाणा परिभाएमाणा परिभुंजमाणा एवं चणं विहरंति, जिमितभुत्तत्तरागता वि य णं समाणा आयंता चोक्खा परमसूइभूया तं मित्त-नाति - नियग-सयण-संबंधि० गणणायग० विपुलेणं पुप्फ-गंधमल्लालंकारेणं सक्कारेति सम्मार्णेति, सक्कारेत्ता सम्माणेत्ता एवं वदासी जम्हा णं अम्हं इमस्स दारगस्स गब्भत्थ चेव समाणस्स अकालमेहेसु दोहले पादुब्भूते, तं होउ णं अम्हं दारए मेहे णामेणं मेहे २, तस्स दारगस्स अम्मापियरो अयमेयारूवं गोण्णं गुणनिप्फण्णं णामधेज्जं करेति मेहा ति । तते णं से मेहकुमारे पंचधातीपरिग्गहिते, तंजहां खीरधातीए, मंडणधातीए, मज्जणधातीए, कीलावणधातीए, अंकधातीए, अन्नाहिं य बहूहिं खुज्नाहिं चिलाइयाहिं वामणि- वडभिबब्बरि-बउसि - जोणिय - पल्हवि इसिणि थारुगिणि-लासिय-लउसिय-दमिलि-सिंहलि- आरवि पुलिदि-पक्कणि-वहलि-मुरुंडि - सबरी - पारसीहिं णाणादेसी हिं विदेसपरिमंडियाहिं इंगिय- चिंतिय-पत्थियवियाणियाहिं सदेसणेवत्थगहिय - वेसाहिं णिउणकुसलाहिं विणीयाहिं चेडियाचक्कवालवरिसधरकंचुज्जमहयरगवंदपरिक्खित्ते, हत्थातो हत्थं साहरेज्जमाणे, अंकातो अंकं परिभुज्जमाणे, परिगिज्जमाणे, उवलालिज्जमाणे, रम्मंसि मणिकोट्टिमतलंसि परंगिज्नमाणे २, णिव्वायणिव्वाघायंसि गिरिकंदरमल्लीणे व चंपगपायवे सुहंसुहेणं वडइ, तते णं तस्स मेहस्स कुमारस्स अम्मापियरो अणुपुव्वेणं नामकरणं च पजेमणगं च पचकमणगं च चोलोवणयणं च महया महया इड्डीसक्कारसमुदएणं करेंसु । तए णं तं मेहं कुमारं अम्मापियरो सातिरेगट्ठवासजातगं चेव गब्भट्टमे वासे सोहणं सि तिहि करण - मुहुत्तंसि कलायरियस्स उवणेति । तए णं से कलायरिए मेहं कुमारं लेहाइयाओ गणितप्पहाणाओ सउणरुतपज्जवसाणाओ बावत्तरिं कलाओ सुत्तओ य अत्थओ य करणओ य सेहावेति सिक्खावेति, तंजहा - लेहं १, गणियं २, रूवं ३, नहं ४, गीयं ५, वाइयं ६, सरगयं ७, पोक्खरगयं ८, समतालं ९, जूयं १०, जणवायं ११, पासयं १२, अट्ठावयं १३, पोरेकव्वं १४, दगमट्टियं १५, अन्नविहिं १६, पाणविहिं १७, वत्थविहिं १८, विलेवणविहिं १९, सयणविहिं २०, अज्जं २१, पहेलियं २२, मागहियं २३, गाहं २४, गीतियं २५, सिलोगं २६, हिरण्णजुत्तिं २७, सुवण्णजुत्तिं २८, चुन्नजुत्तिं २९, आभरणविहिं ३०, तरुणीपडिकम्मं ३१, इत्थी लक्खणं ३२, पुरिसलक्खणं ३३, हयलक्खणं ३४, गयलक्खणं ३५, गोणलक्खणं ३६, कुक्कुडलक्खणं ३७, छत्तलक्खणं ३८, दंडलक्खणं ३९, असिंलक्खणं ४०, मणिलक्खणं ४१, कागणिलक्खणं ४२, वत्थुविज्जं ४३, खंधारमा ४४, नगरमाणं ४५, वूहं ४६, पडिवूहं ४७, चारं ४८, पडिचारं ४९, चक्कवूहं ५०, गरुलवूहं ५१, सगडवूहं ५२, जुद्धं ५३, निजुद्धं ५४, जुद्धा तिजुद्धं ५५, अट्ठिजुद्धं ५६, मुट्ठिजुद्धं ५७, बाहुजुद्धं ५८, लयाजुद्धं ५९, ईसत्थं ६०, छरुप्पवायं ६१, धणुव्वेयं ६२, हिरन्नपागं ६३, सुवण्णपागं ६४, सुत्तखेडं ६५, वट्टखेडं ६६, नालियाखेडं ६७, पत्तच्छेज्नं ६८, कडच्छेज्जं ६९, सज्जीवं ७०, निज्जीवं ७१, सउणरूयमिति ७२ । २१. तते णं से कलायरिए मेहं कुमारं लेहाइयाओ गणियप्पहाणाओ सउणरुतपज्जवसाणाओ बावत्तरी कलाओ सुत्तओ य अत्थओ य करणओ य सेहावेति सिक्खावेति, सेहावेत्ता सिक्खावेत्ता अम्मापिऊणं उवणेति। तते णं मेहस्स कुमारस्स अम्मापितरो तं कलायरियं मधुरेहिं वयणेहिं विपुलेण य गंध-मल्लालंकारेणं सक्कारेति सम्माणेति, सक्कारेत्ता सम्माणेत्ता विपुलं जीवियारिहं पीतिदाणं दलयंति, पीतिदाणं दलइत्ता पडिविसज्जेति । २२. तते से मेहे कुमारे बावत्तरिकलापंडिए णवंगसुत्तपडिबोहिए अट्ठारस - विहिप्पगारदेसीभासाविसारए गीयरई गंधव्वनट्टकुसले हयजोही रहजोही बाहुजोही बाहुप्पमद्दी अलं भोगसमत्थे साहसिए वियालचारी जाते यावि होत्था । तते णं तस्स मेहस्स कुमारस्स अम्मापियरो मेहं कुमारं बावत्तरिकलापंडितं जाव वियालचारी जायं पासंति, पासित्ता पासायवडेंसए कारेंति अब्भुग्गयमूसिय पहसिए विव मणिकणगरयणभत्तिचित्ते वाद्भुतविजयवेजयतीपडागछत्ताइछत्तकलिए तुंगे गगणतलमभिलंघमाणसिहरे जालंतररयणपंजरुम्मिल्लिए व्व मणिकणगधूभियाए वियसितसयपत्तपुंडरीए तिलयरयणद्धचंदच्चिए नाणामणिमयदामालंकिते अंतो बहिं च सण्हे तवणिज्जरुइरवालुयापत्थरे सुहफासे सस्सिरीयरूवे पासादीए जाव पडिरूवे, एगं च णं महं भवणं कारेति अणेगखंभसयसन्निविट्टं लीलट्ठिय सालभंजियागं HO श्री आगमगुणमंजूषा - ६०० 原纸50
KOKO
फफफफफफफ