Agam 06 Ang 06 Gnatadharma Sutra Shwetambar Agam Guna Manjusha

SR No.: 003256
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 116
Language: Prakrit
Classification: Book_Devnagari, Agam, Canon, & agam_gyatadharmkatha
File Size: 11 MB

Page 14

४२
546
(4)
() 65
रज्जलाभो ते देवाणुप्पिए !, भोगलाभो ते देवाणुप्पिए !, एवं खलु तुमं देवाणुप्पिए नवण्हं मासाणं बहुपडिपुन्नाणं अद्घट्टमाण य रातिदियाणं वितिक्कंताणं अम्हं कुलकेउं कुलकेउं कुलदीवं कुलपव्वयं कुलवडिंसयं कुलतिलकं कुलकित्तिकरं कुलवित्तिकरं कुलणंदिकरं कूलजसकरं कुलाधारं कुलपायवं कुलविवर्द्धणकरं सुकुमालपाणिपायं जाव दारयं पयाहिसि । से वि य णं दारए उम्मुक्कबालभावे विण्णयपरिणयमेते जोव्वणगमणुपत्ते सूरे वीरे विक्कते वित्थिण्णविपुलबलवाहणे रज्जवती राया भविस्सति, तं ओराले णं तुमे देवाणुप्पिए सुमिणे दिट्ठे जाव आरोग्गतुट्ठिदीहाउकल्लाणमंगलकारए णं तुमे देवी! सुमिणे दिट्ठे त्ति कट्टु भुज्जो अणुवहति । ११. तते णं सा धारिणी देवी सेणिएणं रण्णा एवं वुत्ता समाणी हट्टतुट्ठा जाव हियया करतलपरिग्गहियं जाव अंजलि कट्टु एवं वदासी- एवमेयं देवाणुप्पिया ! तहमेयं देवाप्पिया ! अवितहमेयं देवाणुप्पिया ! असंदिद्धमेयं देवाणुप्पिया ! इच्छियमेयं देवाणुप्पिया ! पडिच्छियमेयं देवाणुप्पिया ! इच्छियपडिच्छियमेयं देवाणुप्पिया ! सच्चेणं समजंतुभे वदह त्ति कट्टु तं सिमिणं सम्मं पडिच्छति, पडिच्छित्ता सेणिएणं रण्णा अब्भणुण्णाता समाणी णाणामणिकणगरयणभत्तिचित्तातो भद्दासणातो अति, अत्ता जेणेव सए सयणिज्जे तेणेव उवागच्छति, उवागच्छिता सयंसि सयणिज्जंसि णिसीयइ, णिसीइत्ता एवं वदासी-मा मे से उत्तमे पहाणे मंगल्ले सुमिणे अन्नेहिं पावसिमिणेहिं पडिहम्मिहिति त्ति कट्टु देवय-गुरुजणसंबद्धाहिं पसत्थाहिं धम्मियाहिं कहाहिं सिमिणजागरियं पडिजागरमाणी पडिजागरमाणी विहरति । १२. तते णं सेणिए राया पच्चूसकालसमयंसि कोडुंबियपुरिसे सहावेति, सद्दावेत्ता एवं वदासी- खिप्पामेव भो देवाणुप्पिया ! बाहिरियं उवट्ठाणसालं अज्ज सविसेसं परमरम्मं गंधोदगसित्तसुइयसम्मज्जितोवलित्तं पंचवण्णसरससुरभिमुक्कपुप्फपुंजोवयारकलियं कालागरुपवरकुंदुरुक्कतुरुक्क धूवडज्झतमघमघेतगंधुद्धयाभिरामं सुगंधवरगंधियं गंधवट्टिभूतं करेह कारवेह य, करेत्ता कारवेत्ता य एयमाणत्तियं पच्चप्पिणह। तते णं ते कोडुंबियपुरिसा सेणिएणं रण्णा एवं वुत्ता समाणा हट्टतुट्ठा जाव पच्चप्पिणंति । तते णं से सेणिये राया कल्लं पाउप्पभाताए रयणीए, फुल्लुप्पलकमलकोमलुम्मिलियंमि अह पंडरे पभाते, रत्तासोगपगास-किंसुय- सुयमुह-गुंजद्धबंधुजीवग-पारावयचलणणयण-परहुतसुरत्तलोयण-जासुमणकुसुम-जलितजलण- तवणिज्जकलस- हिंगुलुय-निगररूवाइरेगरेहंतसस्सिरीए दिवारे अह उदिते, तस्स दिणकरपरंपरोयारपरद्वंमि अंधयारे, बालातवकुंकुमेण खचिते व्व जीवलोए, लोयणविसयाणुतासविगसंतविसददंसियंसि लोए, कमलागरसंडबोहए उट्टियंमि सूरे सहस्सरस्सिमि दिणयरे तेयसा जलंते सयणिज्जातो उट्ठेति, उट्ठेत्ता जेणेव अट्टणसाला तेणेव उवागच्छति, उवागच्छित्ता अट्टणसालं अणुपविसति, अणुपविसित्ता अणेगवायामजोग वग्गण- वामद्दण-मल्लजुज्झ करणेहिं संते परिस्संते, सयपाग-सहस्सपागेहिं सुगंध-वरतेल्लमादिएहिं पीणणिज्जेहिं दीवणिज्जेहिं दप्पणिज्जेहिं मणिज्जेहिं विहणिज्जेहिं सव्विदियगायपल्हायणिज्जेहिं अब्भंगेहिं अब्भंगिए समाणे, तेल्लचम्मंसि पडिपुण्ण-पाणिपायसुकुमालकोमलतलेहिं पुरिसेहिं छेएहिं दक्खेहिं पट्टेहिं कुसलेहिं मेहावीहिं णिउणेहिं णिउणसिप्पोवगतेहिं जियपरिस्समेहिं अब्भंगणपरिमद्दणुव्वलणकरण गुणणिम्माएहिं अट्ठिसुहाए मंससुहाए तयसुहाए रोमसुहाए चउव्विहाए संवाहणाए संवाहिए समाणे अवगयपरिस्समे णरिदे अट्टणसालातो पडिणिक्खमति, पडिणिक्खमित्ता जेणेव मज्जणघरे तेणेव उवागच्छति, उवागच्छित्ता मज्जणघरं अणुपविसति, अणुपविसित्ता समत्तजालाभिरामे विचित्तमणिरयणकोट्टिमतले रमणिज्जे ण्हाणमंडवंसि णाणामणिरयणभत्तिचित्तंसि ण्हाणपीढंसि सुहणिसण्णे सुहोदगेहिं गंधोदगेहिं पुप्फोदगेहिं सुद्धोदएहि य पुणो पुणो कल्लाणग-पवरमज्जणविहीए मज्जिए, तत्थ कोउयसतेहिं बहुविहेहिं कल्लाणपवरमज्जणावसाणे पम्हलसुकुमालगंधकासाइलूहियंगे, अहतसुमहग्घदूसरयणसुसंवृते सरससुरभि गोसीसचंदणाणुलित्तगत्ते सु मालावण्णगविलेवणे आविद्धमणिसुवण्णे कप्पितहारद्धहारतिसरयपालंबपलंबमाणकडिसुत्तसुकयसोहे पिणद्धगेवेज्ज-अंगुलेज्जगललियं गयललियकयाभरणे णाणामणिक डगतुडियथंभियभुए अहियरूवसस्सिरीए कुंडलुज्जोवियाणणे मउडदित्तसिरए हारोत्थयसुकतरइयवच्छे मुद्दियापिंगलंगुलीए पालंबपलंबमाणसुकयपङउत्तरिज्जे पाणामणिकणगरयणविमलमहरिहणिउणोवियमिसि - मिसितविरइयसुसिलिट्ठविसिठ्ठलट्ठसंठियपसत्यआविद्धवीरवलए, किं बहुणा ? कप्परुक्खए विवसुअलंकियविभूसिए णरिदे सकोरेंटमल्लदामेणं छत्तेणं धरिज्जमाणेणं चउचामरवालवीइयंगे मंगलजयसद्दकयालोए अणेगगणणायग-दंडणायग55 श्री आगमगुणमंजूषा ५९३
SONOR