Agam 06 Ang 06 Gnatadharma Sutra Shwetambar Agam Guna Manjusha

SR No.: 003256
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 116
Language: Prakrit
Classification: Book_Devnagari, Agam, Canon, & agam_gyatadharmkatha
File Size: 11 MB

Page 107

AGRO555555555555555
(६) णायाधम्मकहाओ प.स.
१८ अ. सुसमा [१६]
Prerro55555
乐乐乐步听听听听听听听听听听听听听听听听听听听 听听听听听听听听听听听听听听听听听听听听听5C
2 विहरति । तते णं से चिलाए दासचेडे विजयस्स चोरसेणावतिस्स अग्गअसिलट्ठिग्गाहे जाते यावि होत्था । जाहे वि य णं से विजए चोरसेणावती गामघायं वा जाव पंथकोट्टि वा काउं वच्चति ताहे वि य णं से चिलाते दासचेडे सुबहुं पि कूवियबलं हयमहिय जाव पडिसेहेति, २त्ता पुणरवि लद्धटे कयकज्जे अणहसमग्गे सीहगुहं चोरपल्लिं हव्वमागच्छति । तते णं से विजए चोरसेणावती चिलायं तक्करं बहूओ चोरविजाओ य चोरमंते य चोरमायाओ य चोरनिगडीओ य सिक्खावेति । तते णं से विजए चोरसेणावई अन्नया कयाइ कालधम्मुणा संजुत्ते यावि होत्था । तते णं तातिं पंच चोरसयातिं विजयस्स चोरसेणावइस्स महया २ इड्डीसक्कारसमुदएणं णीहरणं करेंति, २ बहूतिं लोइयातिं मयकिच्चातिं करेंति, २ जाव विगयसोया जाया यावि होत्था । तते णं ताइं पंच चोरसयाइं अन्नमन्नं सद्दावेति, २ त्ता एवं वयासी एवं खलु अम्हं देवाणुप्पिया ! विजए चोरसेणावती कालधम्मुणा संजुत्ते, अयं च णं चिलाते तक्करे विजएणं चोरसेणावइणा बहूओ चोरविज्जाओ य जाव सिक्खाविए, तं सेयं खलु अम्हं देवाणुप्पिया ! चिलायं तक्करं सीहगुहाए चोरपल्लीए चोरसेणावइत्ताए अभिसिचित्तए त्ति कट्ट अन्नमन्नस्स एयमढें पडिसुणेति, २ त्ता चिलायं सीहगुहाए चोरपल्लीए चोरसेणावइत्ताए अभिसिंचंति । तते णं से चिलाते चोरसेणावती जाते अहम्मिए जाव विहरति । तते णं से चिलाए चोरसेणावती चोरणायगे जाव कुडंगे यावि होत्था। सेणं तत्थ सीहगुहाए चोरपल्लीए पंचण्हं चोरसयाण य एवं जहा विजओ तहेव सव्वं जाव रायगिहस्सणगरस्सदाहिणपुरथिमिल्लं जणवयं जाव णित्थाणं निद्धणं करेमाणे विहरति । १३८. तते णं से चिलाते चोरसेणावती अन्नदा कयाइ विपुलं असण-पाण-खाइम-साइमं उवक्खडावेइ, २ त्ता ते पंच चोरसए आमंतेइ । तओ पच्छा पहाए कयबलिकम्मे भोयणमंडवंसि तेहिं पंचहिं चोरसएहिं सद्धिं विपुलं असण-पाण-खाइम-साइमं सुरं च जाव पसण्णं च आसाएमाणे विसाएमाणे परिभाएमाणे परिभुजेमाणे विहरति, जिमियभुत्तुत्तरागते ते पंच चोरसते विपुलेणं असण-पाण-खाइम-साइमेणं धूव-पुप्फ-गंधमल्लालंकारेणं सक्कारेति सम्माणेति, २ त्ता एवं वयासि एवं खलु देवाणुप्पिया ! रायगिहे णगरे धणे णामं सत्थवाहे अड्डे० । तस्स णं धूया भद्दाए अत्तया पंचण्हं पुत्ताणं अणुमग्गजातिया सुंसुमा णामं दारिया होत्था अहीणा जाव सुरूवा । तं गच्छामो णं देवाणुप्पिया ! धणस्स सत्थवाहस्स गिहं विलुपामो, तुम्भं विपुले धणकणग जाव सिलप्पवाले, ममं सुंसुमा दारिया। तते णं ते पंच चोरसया चिलायस्स [चोरसेणावतिस्स एयम8] पडिसुणेति । तते णं से चिलाते चोरसेणावती तेहिं पंचेहिं चोरसएहिं सद्धिं अल्लं चम्मं दुरुहति, २ पच्चावरण्हकालसमयंसिपंचहिं चोरसएहिं सद्धिं सण्णद्ध जाव गहियाउहपहरणे माइयगोमुहिएहिंफलएहिं, णिक्कट्ठाहिं असिलट्ठीहि, अंसगतेहिं तोणेहिं, सज्जीवेहिं धणूहिं, समुक्खित्तेहिं सरेहि, समुल्लालियाहिं दाहाहिं, ओसारियाहिं ऊरुघंटियाहिं, छिप्पतूरेहिं वज्जमाणेहि, महता २ उक्किट्ठिसीहणाय जाव समुद्दरवभूयं करेमाणा सीहगुहातो चोरपल्लीतो पडिनिक्खमंति, २त्ता जेणेव रायगिहे नगरे तेणेव उवागच्छंति, २ रायगिहस्स अदूरसामंते एगं महंगहणं अणुपविसंति, २ दिवसं खवेमाणा चिट्ठति । तते णं से चिलाए चोरसेणावती अडरत्तकालसमयंसि निसंतपडिनिसंतंसि पंचहिं चोरसएहिं सद्धिं माइयगोमुहितेहिं फलएहिं जाव मूझ्याहिं ऊरुघंटियाहिं जेणेव रायगिहे पुरथिमिल्ले दुवारे तेणेव उवागच्छइ, २ उदगवत्थिं परामुसति, २ त्ता चोक्खे परमसुइभूए आयंते तालुग्घाडणिविजं आवाहेति, २ त्ता रायगिहस्स दुवारकवाडे उदएणं अच्छोडेति, २ कवाडे विहाडेति, २ रायगिह अणुपविसति, २त्ता महता २ सद्देणं उग्घोसेमाणे २ एवं वयासी एवं खलु अहं देवाणुप्पिया ! चिलाए णामं चोरसेणावती पंचहिं चोरसएहिं सद्धिं सीहगुहातो चोरपल्लीतो इह हव्वमागते, धणस्स सत्थवाहस्स गिहं घाउकामे, तं जेणं णवियाए माउयाए दुद्धं पाउकामे से णं निग्गच्छउत्ति कट्ट जेणेव धणस्स सत्थवाहस्स गिहे तेणेव उवागच्छइ, २ धणस्स गिहं विहाडेति । तते णं से धणे चिलाएणं चोरसेणावतिणा पंचहिं चोरसएहिं सद्धिं गिह घातिजमाणं पासति, २त्ता भीते तत्थे तसिए उव्विग्गे पंचहि पुत्तेहिं सद्धिं एगंतं अवक्कमति । तते णं से चिलाए चोरसेणावती धणस्स सत्थवाहस्स गिहं घाएति, २ त्ता सुबहुं धण-कणग जाव सावतेनं सुसुमं च दारियं गेण्हति, २त्ता रायगिहातो पडिणिक्खमति, २ त्ता जेणेव सीहगुहा तेणेव पहारेत्थ गमणाए। १३९. तते णं से धणे सत्थवाहे जेणेव सए गिहे तेणेव उवागच्छति, २ सुबहुं धण-कणगं सुसुमं च
दारियं अवहरियं जाणित्ता महत्थं महग्धं महरिहं पाहुडं गहाय जेणेव णगरगुत्तिया तेणेव उवागच्छइ, २ तं महत्थं महग्धं महरिहं पाहुडं उवणेति, २ त्ता एवं वयासी एवं MORO59595555555$$$$$$$ श्री आगमगुणमंजूषा - ६८६
F FFFFF
FFFFFFOROR
明明明明明明明明明明明明明明明明明明明明明明明明明明明明明明明明明明明明明明明明明明听听听听听听TO