Agam 06 Ang 06 Gnatadharma Sutra Shwetambar Agam Guna Manjusha

SR No.: 003256
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 116
Language: Prakrit
Classification: Book_Devnagari, Agam, Canon, & agam_gyatadharmkatha
File Size: 11 MB

Page 102

(६) णायाधम्मकहाओ प. सु.
/ १६ अ. अवरकंका (११)
D
पंडुसेणे पंडुसेणे । तते णं तस्स दारगस्स अम्मापितरो णामधेज्जं करेति पंडुसेणे त्ति बावत्तरिं कलातो जाव भोगसमत्थे जाते जुवराया जाव विहरति । थेरा समोसढा, परिसा निग्गया, पंडवा वि निग्गया, धम्मं सोच्चा एवं वयासी जं णवरं देवाणुप्पिया ! दोवतिं देविं आपुच्छामो, पंडुसेणं च कुमारं रज्जे ठावेमो, ततो पच्छा देवाणुप्पियाणं अंतिए मुंडे भवित्ता जाव पव्वयामो । अहासुहं देवाणुप्पिया ! तते गं ने पंच पंडवा जेणेव सए गिहे तेणेव उवागच्छंति. २ ना दोवति देवि सदावेति, २त्ता एवं वयासी एवं खलु देवाणुप्पिए! अम्हेहिं थेराणं अंतिए धम्मे णिसंते जाव पव्वयामो, तुमं देवाणुप्पिए! किं करेसि ? तते णं सा दोवती देवी ते पंच पंडवे एवं वयासी-जति णं तुब्भे देवाणुप्पिया ! संसारभउव्विग्गा जाव पव्वयह, ममं के अण्णे आलंबे वा जाव भविस्सति ? अहं पि य णं संसारभउव्विग्गा देवापि सद्धिं जाव पव्वतिस्सामि । तते णं ते पंच पंडवा पंडुसेणस्स अभिसेओ जाव राया जाते जाव रज्जं पसासेमाणे विहरति । तते णं ते पंच पंडवा दोवती य देवी अन्नया कयाइ पंडुसेणं रायाणं आपुच्छंति । तते णं से पंडुसेणे राया कोटुबियपुरिसे सहावेति, २ त्ता एवं वयासी खिप्पामेव भो ! देवाणुप्पिया ! निक्खमणाभिसेयं जाव उवट्ठवेह, २ पुरिससहस्सवाहिणीओ सिबियाओ उवडवेह जाव पच्चोरुहंति, २ जेणेव थेरा [भगवंतो तेणेव उवागच्छंति. उवागच्छिता थेरे भगवंते तिक्खुत्तो आयाहिण-पयाहिणं करोति, करित्ता वंदंति नमसंति, वंदित्ता नमंसित्ता एवं वदासी] आलित्ते णं जाव समणा जाया चोद्दस पुव्वाइं अहिनंति, २ त्ता बहूणि वासाणि छट्ठट्ठमदसमदुवालसेहिं मासद्धमासखमणेहिं अप्पाणं भावेमाणा विहरंति । १२९. तते णं सा दोवती देवी सीयातो पन्चोरुहति, २ ता जाव पव्वतिया, सुव्वताए अज्जाए सिस्सिणियत्ताए दलयंति, एक्कारस अंगाई अहिज्जति, २ त्ता बहूणि वासाणि छट्ठट्ठमदसमदुवालसेहिं मासद्धमासखमणेहिं अप्पाणं भावेमाणा विहरति । १३०. तते णं ते थेरा भगवंतो अन्नया कयाइ पंडुमहुरातो णयरीतो सहसंबवणाओ उज्जाणातो पडिणिक्खमंति, २ बहिया जणवयविहारं विहरति । ते णं काले णं ते णं समए णं अरिहा अरिट्ठनेमी जेणेव सुरद्वाजणवए तेणेव उवागच्छति, २ सुरद्वाजणवयंसि संजमेणं तवसा अप्पाणं भावेमाणे विहरति, तणं बहुजणो अन्नमन्नस्स एवमातिक्खति ४ एवं खलु देवाणुप्पिया ! अरहा अरिट्ठनेमी सुरद्वाजणवए जाव विहरति । तते णं ते जुहिट्टिलपामोक्खा पंच अणगारा बहुजणस्स अंतिए एयम सोच्चा अन्नमन्नं सद्दावेति, सद्दावेत्ता एवं वयासी एवं खलु देवाणुप्पिया ! अरहा अरिट्ठनेमी पुव्वाणुपुव्विं जाव विहरति । तं सेयं खलु अम्हं थेरा आपुच्छित्ता अरहं अरिट्ठनेमिं वंदणाए गमितए । अन्नमन्नस्स एयमहं पडिसुर्णेति, २ त्ता जेणेव थेरा भगवंतो तेणेव उवागच्छंति, २ त्ता थेरे भगवंते वंदंति णमंसंति, २ त्ता एवं वयासी इच्छामो णं तुब्भेहिं अब्भणुन्नाया समाणा अरहं अरिट्ठनेमिं जाव गमित्तए। अहासुहं देवाणुप्पिया ! तते णं ते जुहिट्ठिलपामोक्खा पंच अणगारा थेरेहिं अब्भणुन्नाता समाणा थेरे भगवंते वंदंति णमंसंति, २ थेराणं अंतियातो पडिणिक्खमंति, २ त्ता मासंमासेणं अणिक्खित्तेणं तवोकम्मेण गामागा दूतिज्जमाणा जाव जेणेव हत्थकप्पे नयरे तेणेव उवागच्छंति, २ त्ता हत्थकप्पस्स बहिया सहसंबवणे उज्जाणे जाव विहरंति । तते णं तं जुहिडिलवज्जा चत्तारि अणगारा मासखमणपारणए पढमाए पोरिसीए सज्झायं करेति, बीयाए एवं जहा गोयमसामी, णवरं जुहिट्ठिलं आपुच्छंति जाव अडमाणा बहुजणसद्दं णिसामेति, एवं खलु देवाणुप्पिया ! अरहा अरिट्ठनेमी उज्जितसेलसिहरे मासिएणं भत्तेणं अपाणएणं पंचहिं छत्तीसेहिं अणगारसएहिं सद्धिं कालगते जाव पहीणे । तते णं ते वाचत्तारि अणगारा बहुजणस्स अंतिए [एयम] सोच्चा णिसम्मा हत्थकप्पातो पडिणिक्खमंति, २ त्ता जेणेव सहसंबवणे उज्जाणे, जेणेव जुि अणगारे तेणेव उवागच्छंति, २ भत्तपाणं पच्चुवेक्खंति, २ गमणागमणस्स पडिक्कमंति, २ त्ता एसणमणेसणं आलोएंति. २ भत्तपाणं पडिदंसेंति, २ त्ता एवं वयासी एवं खलु देवाणुप्पिया ! जाव कालगते, तं सेयं खलु अम्हं देवाणुप्पिया ! इमं पुव्वगहियं भत्तपाणं परिट्ठवेना सेत्तुज्जं पव्वयं सणियं सणियं दुरुहित्तए, संलेहणाझोसणाझोसियाणं कालं अणेवेक्खमाणाणं विहरित्तए त्ति कट्टु अण्णमण्णस्स एतमट्टं पडिसुणेति, २ तं पुब्वगहियं भत्तपाणं एगंते परिट्ठवेति, २ त्ता जेणेव सेतुज्ने पव्वए तेणेव उवागच्छंति, २ त्ता सेतुज्जं पव्वयं दुरुहंति, २ जाव कालं अणवकखमाणा विहरंति । तते णं ते जुहिट्ठिलपामोक्खा पंच अणगारा सामाइयमाझ्याई चोद्दस पुव्वाई [अहिज्जित्ता, ] बहूणि वासाणि सामण्णपरियागं पाउणित्ता, दोमासियाए संलेहणाए अत्ताणं झोसित्ता, जस्सट्टाए कीरति णग्गभावे जाव तमट्ठमारा
श्री आगमगणमंजषा ६८
UGG C 9 5 5 5 5 5 5 5 5 5 5 5