Agam 06 Ang 06 Gnatadharma Sutra Shwetambar Agam Guna Manjusha

SR No.: 003256
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 116
Language: Prakrit
Classification: Book_Devnagari, Agam, Canon, & agam_gyatadharmkatha
File Size: 11 MB

Page 100

AORO$$$$$$$$$$$$$
(६) णायाधम्मकहाओ प. सु.
/१६ अ. अवरकका [९]
5955555555pxox
MOC明明听听听听听听听听听听听听听听听听听听听听 明明明明明明明明明明明明明明明听听听听听听听听听听听听CE
णं ते णं समए णं मुणिसुव्वते अरहा चंपाए पुण्णभद्दे समोसढे । कविले वासुदेवे धम्मं सुणेति । तते णं से कविले वासुदेवे मुणिसुव्वयस्स अरहतो धम्मं सुणेमाणे . कण्हस्स वासुदेवस्स संखसई सुणेति । तते णं तस्स कविलस्स वासुदेवस्स इमेयारूवे अज्झत्थिते चितिए पत्थिए मणोगए संकप्पे समुप्पज्जित्था किं मण्णे धायइसंडे दीवे भारहे वासे दोच्चे वासुदेवे समुप्पण्णे जस्स णं अयं संखसद्दे ममं पिव मुहवायपूरिते वियंभति ? कविला वासुदेवभद्दा ! ति मुणिसुव्वते अरहा कविलं वासुदेवं एवं वयासी से णूणं ते कविला वासुदेवा ! मम अंतिए धम्मं णिसामेमाणस्स संखसई आकण्णित्ता इमेयारूवे अज्झत्थिते [चितिए पत्थिए मणोगए संकप्पे समुप्पज्जित्था] किं मन्ने जाव वियंभति, से णूणं कपिला वासुदेवा ! अढे समढे ? हंता ! अत्थि । तं नो खलु कविला ! एयं भूयं वा भव्वं वा भविस्सं वा जं णं एगखेत्ते एगजुगे एगसमएणं दुवे अरहंता वा चक्कवट्टी वा बलदेवा वा वासुदेव वा उप्पज्जिसु वा उप्पज्जति वा उप्पज्जिस्संति वा । एवं खलु वासुदेवा ! जंबूदीवाओ दीवाओ भारहाओ वासाओ हत्थिणाउराओ जगराओ पंडुस्स रण्णो सुण्हा पंचण्हं पंडवाणं भारिया दोवती देवी तव पउमनाभस्स रण्णो पुव्वसंगतिएणं देवेणं अवरकंक णयरिं साहरिया । तते णं से कण्हे वासुदेवे पंचहिं पंडवेहिं सद्धिं अप्पछढे छहिं रहेहिं अवरकंकं रायहाणिं दोवतीए देवीए कूवं हव्वमागते । तते णं तस्स कण्हस्स वासुदेवस्स पउमणाभेणं रण्णा सद्धिं संगामं संगामेमाणस्स अयं संखसद्दे तव मुहवायाइद्धे इव वियंभति । तए णं से कपिले वासुदेवे मुणिसुव्वयं वंदति नमंसइ, २ त्ता एवं वयासी गच्छामि णं अहं भंते ! कण्हं वासुदेवं उत्तमपुरिसं सरिसपुरिसं पासामि । तए णं मुणिसुव्वते अरहा कविलं वासुदेवं एवं वयासी नो खलु देवाणुप्पिया ! एयं भूयं वा भव्वं वा भविस्सं वा जण्णं अरहंता वा अरहंतं पासंति, चक्कवट्टी वा चक्कवट्टि पासंति, बलदेवा वा बलदेवं पासंति, वासुदेवा वा वासुदेवं पासंति । तहवि य णं तुमं कण्हस्स वासुदेवस्सलवणसमुई मज्झं मज्झेणं वीतिवयमाणस्स सेयापीयाइं धयग्गाइं पासिहसि। तते णं से कविले वासुदेवे मुणिसुव्वयं वंदति नमसइ, २ त्ता हत्थिखधं दुरुहति, २ सिग्धं तुरियं चवलं चंडं जइणं जेणेव वेलाउले तेणेव उवागच्छति, २त्ता कण्हस्स वासुदेवस्स लवणसमुदं मझमज्झेणं वीतिवयमाणस्स सेयापीयाई धयग्गाई पासति, २ त्ता एवं वयइ एसणं मम सरिसपुरिसे उत्तमपुरिसे कण्हे वासुदेवे लवणसमुई मज्झमज्झेणं वीतिवयति त्ति कट्ट पंचजन्नं संखं परामुसति, २त्ता मूहवायपूरियं करेति । तते णं से कण्हे वासुदेवे कविलस्स वासुदेवस्स संखसई आकन्नेति, २ पंचयन्नं जाव पूरियं करेति । तते णं दो वि वासुदेवा संखसद्दसामायारिं करेति । तते णं से कविले वासुदेवे जेणेव अवरकंका तेणेव उवागच्छति, २ अवरकंकं रायहाणिं संभग्गतोरणं पासति, २ त्ता पउमणाभं एवं वयासी किं णं देवाणुप्पिया ! एसा अवरकंका संभग्ग जाव सन्नि वईया ? तते णं से पउमणाभे कविलं वासुदेवं एवं वयासी- एवं खलु सामी ! जंबुद्दीवातो दीवातो भारहातो वासातो इहं हव्वमागम्म कण्हेणं वासुदेवेणं तुब्भे परिभूय अवरकंका जाव सन्निवाडिया । तते णं से कपिले वासुदेवे पउमणाभस्स अंतिए एयमढे सोच्चा पउमणाभं एवं वयासी हं भो पउमणाभा अप्पत्थियपत्थिया दुरंतपंतलक्खणा हीणपुण्णचाउद्दस सिरि-हिरि-धितिपरिवज्जिया! किं णं तुम जाणसि मम सरिसपुरिसस्स कण्हस्स वासुदेवस्स विप्पियं करेमाणे ? आसुरुते जाव पउमणाभं णिव्विसयं आणवेति, पउमणाभस्स पुतं अवरकंकाए रायहाणीए महया २ रायाभिसेएणं अभिसिंचति, जाव पडिगते । १२६. तते णं से कण्हे वासुदेवे लवणसमुदं मज्झंमज्झेणं वीतिवयति, २ ते पंच पंडवे एवं वदासी गच्छह णं तुब्भे देवाणुप्पिया ! गगं महानदि उत्तरह जाव ताव अहं सुट्ठियं लवणाहिवतिं पासामि । तते णं ते पंच पंडवा कण्हेणं वासुदेवेणं एवं वुत्ता समाणा जेणेव गंगा महानदी तेणेव उवागच्छंति, २ एगट्ठियाए मग्गणगवेसणं करेति, २ एगट्ठियाए गंगं महानदिं उत्तरंति, २ ता अण्णमण्णं एवं वदंति पभू णं देवाणुप्पिया ! कण्हे वासुदेवे गंगं महाणदिं बाहाहिं उत्तरित्तए, उदाहु णो पभू उत्तरित्तए त्ति कटु एगट्ठियं णूमेति, २ कण्हं वासुदेवं पडिवालेमाणा २ चिट्ठति । तते णं से कण्हे वासुदेवे सुट्ठियं लवणाहिवतिं पासति, २ जेणेव गंगा महाणदी तिणेव उवागच्छति, २त्ता एगट्ठियाए सव्वतो समंता मग्गणगवेसणं करेति, २त्ता एगट्ठियं अपासमाणे एगाए बाहाए रहं सतुरंगं ससारहिं गेण्हति, २ एगाए बाहाए गंगं महाणदिं बासढि जोयणाई अद्धजोयणं च वित्थिण्णं उत्तरिउ पयत्ते यावि होत्था । तते णं से कण्हे वासुदेवे ॥ गंगाए महाणदीए बहुमज्झदेसभागं संपत्ते समाणे संते तंते परितंते बद्धसेए जाते यावि होत्था । तते णं तस्स कण्हस्स वासुदेवस्स इमेयारूवे अज्झत्थिते जावडा OFFFFFF555555555555FFFFFFF[ श्री आगमगुणमंजूषा - ६७९555555555555555555555555 FOTO
$$$$$$$$$$$$听听听听听听听听听听听听听听听听听听听听听听听听听听听听听听听听听听听听听