Page Text
________________
KGRO
[ ५६ ]
(५) भगवई ५ सतं उद्देसक १.२ उस्सप्पिणीए वि भाणितव्वो । [ सु. २२-२७. लवणसमुद्द- धायइसंड - कालोयसमुद्द - पुक्खरदेसु सूरियउदयऽत्थमणपभिउस्सप्पिणीपज्जवसाणा परूवणा) २२. लवणे णं भंते ! समुद्दे सूरिया उदीचि - पाईणमुग्गच्छ ज चेव जंबुद्दीवस्स वत्तव्वता भणिता स च्चेव सव्वा अपरिसेसिता लवणसमुद्दस्स वि भाणितव्वा, नवरं अभिलावो इमो जाणितव्वो 'जता णं भंते! लवणे समुद्दे दाहिणड्डे दिवसे भवति तदा णं लवणे समुद्दे पुरत्थिम-पच्चत्थिमेणं राती भवति ?' एतेणं अभिलावेणं नेतव्वं जदा णं भंते! लवणसमुद्दे दाहिणड्डे दिवसे पढमा ओसप्पिणी पडिवज्जति तदा णं उत्तरडे वि पढमा ओसप्पिणी पडिवज्जइ ? जदा णं उत्तरड्ढे पढमा ओसप्पिणी पडिवज्जइ तदा णं लवणसमुद्दे पुरत्थिम-पच्चत्थिमेणं नेवत्थि ओसप्पिणी, णेवत्थि उस्सप्पिणी समणाउसो ! ? हंता गोयमा ! जाव समणाउसो ! १२३. धायतिसंडे णं भंते! दीव सूरिया उदीचि-पादीणमुग्गच्छ जहेव जंबुद्दीवस्स वत्तव्वता भाणिता स च्चेव धायइसंडस्स वि भाणितव्वा, नवरं इमेणं अभिलावेणं सव्वे. आलावा भाणितव्वा जता णं भंते ! धायतिसंडे दीवे दाहिणड्डे दिवसे भवति तदा णं उत्तरडे वि ? जदा णं उत्तरडे वि तदा णं धायइसंडे दीवे मंदराणं पव्वताणं पुरत्थिम-पच्चत्थिमेणं राती भवति ? हंता, गोयमा ! एवं जाव राती भवति । २४. जदा णं भंते ! धायइसंडे दीवे मंदराणं पव्वताणं पुरत्थिमेणं दिवसे भवति तदा पच्चत्थिमेण वि ? जदा णं पच्चत्थिमेण वि तदा णं धायइसंडे दीवे मंदराणं पव्वयाणं उत्तरदाहिणेणं राती भवति ? हंता, गोयमा ! जाव भवंति । २५. एवं एते अभिलावेणं नेयव्वं जाव जदा णं भंते! दाहिणड्डे पढमा ओसप्पिणी तदा णं उत्तरडे, जदा णं उत्तरडे तया णं धायइसंडे दीवे मंदराणं पव्वयाणं पुरत्थिम-पच्चत्थिमेणं वत्थि ओसप्पिणी जाव समणाउसो ! ? हंता, गोयमा ! जाव समणाउसो ! । २६. जहा लवणसमुद्दस्स वत्तव्वता तहा कालोदस्स वि भाणितव्वा, नवरं कालोदस्स नामं भाणितव्वं । २७. अब्भिंतरपुक्खरद्धे णं भंते! सूरिया उदीचि पाईणमुग्गच्छ जहेव धायइसंडस्स वत्तव्वता तहेव अब्भिंतरपुक्खरद्धस्स वि भाणितव्वा । नवरं अभिलावो जाणेयव्वो जाव तदा णं अब्भितरपचक्खद्धे मंदराणं पुरित्थमपच्चत्थिमेणं नेवत्थि ओसप्पिणी नेवत्थि उस्सप्पिणी, अवट्ठिते णं तत्थ काले पन्न समणाउसो ! । सेवं भंते ! सेवं भंते! त्ति । ★ ★ ★ पंचमसतस्स पढमओ उद्देसओ ॥५१॥ बिइओ उद्देसओ 'अणिल' [सु. १. बितिओसस्सुवुग्धाओ ] १. रायगिहे नगरे जाव एवं वदासी [सु. २-४. दिसा-विदिसासु पुरेवातादिचउव्विहवाउपरूवणा] २. अत्थि णं भंते ! ईसि पुरेवाता, पत्था वाता, मंदा वाता, महावाता वायंति ? हंता, अत्थि । ३. अत्थि णं भंते ! पुरत्थिमेणं ईसि पुरेवाता, पत्था वाता, मंदा वाता, महावाता वायंति ? हंता, अत्थि । ४. एवं पच्चत्थिमेणं, दाहिणेणं, उत्तरेणं, उत्तर-पुरत्थिमेणं, पुरत्थिमदाहिणेणं, दाहिण-पच्चत्थिमेणं, पच्छिम-उत्तरेणं । [ सु. ५-६. दिसाणं परोप्परोवनिबंधेण वाउपरूवणा] ५. जदा णं भंते ! पुरत्थिमेणं ईसिं पुरेवाता पत्था वाता मंदा वाता महावाता वायंति तदा णं पच्चत्थिमेण वि इसिं पुरेवाता० ? जया णं पच्चत्थिमेणं ईसिं पुरेवाता० तदा णं पुरत्थिमेण वि ? हंता, गोयमा जदा णं पुरत्थिमेणं तदा णं पच्चत्थिमेण वि ईसिं, जया णं पच्चत्थिमेणं तदा णं पुरत्थिमेण वि ईसिं । एवं दिसासु । ६. एवं विदिसासु वि। [सु. ७-९ दीविच्चय - सामुद्दयवाताणं ईसिंवातादिपरूवणा] ७. अत्थि णं भंते!' दीविच्चया ईसि ? हंता, अत्थि । ८. अत्थि णं भंते ! सामुद्दया सिं? हंता, अत्थि । ९. (१) जया णं भंते । दीविच्चया ईसिं तदा णं सामुद्दया वि ईसिं, जदा णं सामुद्दया ईसिं तदा णं दीविच्चया वि ईसिं ? णो इणट्टे समट्टे । (२) से केणद्वेणं भंते ! एवं वुच्चति 'जदा णं दीविच्चया ईसिं णो णं तया सामुद्दया ईसिं, जया णं सामुद्दया ईसिं णो णं तदा दीविच्चया ईसिं ? गोयमा ! तेसि णं वाताणं अन्नमन्नस्स विवच्चासेणं लवणे समुद्दे वेलं नातिक्कमति से तेणट्टेणं जाव वाता वायंति। [सु. १०-१२. पयारंतरेण वातसरूवतिगपरूवणा] १०. (१) अत्थि णं भंते ! ईसि पुरेवाता पत्था वाता मंदा वाता महावाता वायंति ? हंता, अत्थि । (२) कया णं भंते! ईसिं जाव वायंति ? गोयमा ! जया णं वाउयाए अहारियं रियति तदा णं ईसिं जाव वायंति । ११. (१) अत्थि णं भंते ! ईसिं ? हंता, अत्थि । (२) कया णं भंते! ईसिं ? गोयमा ! जया णं वाउयाए उत्तरकिरियं रियइ तया णं ईसिं। १२. (१) अत्थि णं भंते ! ईसिं ? हंता, अत्थि । (२) कया णं भंते ईसिं पुरेवाता पत्था वाता० ? गोयमा ! जया णं वाउकुमारा वाउकुमारीओ वा अप्पणो वा परस्स वा
*********e
ॐ श्री आगमगुणमंजूषा - २०१OYOR
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |