Page Text
________________
(५) भगवई ३ सत उ१ [३५]
66666666666666
वायुभूतिं अणगारं एवं वदासि जंणं गोतमा ! तव दोच्चे गोयमे अग्गिभूती अणगारे एवमाइक्खइ ४ “ एवं खलु गोयमा ! चमरे ३ महिड्डीए एवं तं चेव सव्वं जाव अग्गमहिसणं वत्तव्वया समत्ता ", सच्चे णं एस मट्ठे, अहं पिणं गोयमा ! एवमाइक्खामि भा० प० परू० । एवं खलु गोयमा ! चमरे ३ जाव महिड्डीए सो चेव बितिओ मो भाणियव्वो जाव अग्गमहिसीओ, सच्चे णं एस मट्ठे । ९. सेवं भंते २० तच्चे गोयमे वायुभूती अणगारे समणं भगवं महावीरं वंदइ नमसंइ, २ जेणेव दोच्चे गोयमे अग्निभूती अणगारे तेणेव उवागच्छइ, २ दोच्चं गोयमं अग्गिभूतिं अणगारं वंदइ नम॑सति, २ एयमहं सम्मं विणएणं भुज्जो २ खामेति । १०. तए णं से दोच्चे गोय • तच्चे गो० वायुभूड़णा अण० एयमहं सम्मं विणएणं भुज्जो २ खामिए समाणे उट्ठाए उट्ठेइ, २ तच्चेणं गो० वायुभूइणा अण० सद्धिं जेणेव समणे भगवं महावीरे तेणेव उवागच्छइ, २ समणं भगवं० वंदइ०, २ जाव पज्जुवासइ । [सु. ११-१२. वाउभूइपुच्छाए भगवओ बतिल-तस्सामाणियादीणं इड्डिविउव्वणाइपरूवणा] ११. तए णं से तच्चे गो० वायुभूती अण० समणं भगवं० वंदइ नमंसइ, २ एवं वदासी जति णं भंते ! चमरे असुरिंदे असुरराया एमहिड्डीए जाव (सु. ३) एवतियं च णं पभू विकुव्वित्तए, बली णं भंते! वइरोयणिदे वइरोयणराया केमहिड्डीए जाव (सु. ३) केवइयं च णं पभू विकुव्वित्तए ? गोयमा ! बली णं वइरोयणिदे वइरोयणराया महिड्डीए जाव (सु. ३) महाणुभागे । से णं तत्थ तीसाए भवणावाससयसहस्साणं, सट्ठीए सामाणियसाहस्सीणं सेसं जहा चमरस्स, नवरं चउण्हं सट्टीणं आयरक्खदेवसाहस्सीणं अन्नेसिं च जाव भुंजमाणे विहरति । से जहानामए एवं जहा चमरस्स; णवरं सातिरेगं केवलकप्पं जंबुद्दीवं दीवं ति भाणियव्वं । सेसं तव जाव विउव्विस्सति वा (सु. ३) । १२. जइ णं भंते ! बली वइरोयणिंदे वैरायणराया एमहिड्डीए जाव (सु. ३) एवइयं च णं पभू विउव्वित्तए बलिस्स णं वइरोयणस्स सामाणियदेवा केमहिड्डीया ? एवं सामाणियदेवा तावत्तीसा लोकपालऽग्गमहिसीओ य जहा चमरस्स (सु. ४-६), नवरं साइरेगं जंबुद्दीवं जाव एगमेगाए अग्गमहिसीए देवीए, इमे वुइए विसए जाव विउव्विस्संति वा । सेवं भंते ! २ तच्चे गो० वायुभूती अण० समणं भगवं महा० वंदइ ण०, २ नऽच्चासन्ने जाव पज्जुवासइ। [सु. १३. अग्गिभूइपुच्छाए भगवओ धरणिंद-तस्सामाणियाईणं इड्डिविउव्वणाइपरूवणा] १३. तए णं से दोच्चे गो० अग्गिभूती अण० समणं भगवं वंदइ०, २ एवं वदासि-जति णं भंते ! बली वइरोयणिदे वइरोयणराया एमहिड्डीए जाव एवइयं च णं पभू विकुव्वित्तए धरणे णं भंते! नागकुमारिदे नागकुमारराया केमहिड्डीए जाव केवतियं च णं पभू विकुव्वित्तए ? गोयमा ! धरणे णं नागकुमारिंदे नागकुमारराया एमहिड्डीए जाव से णं तत्थ चोयालीसाए भवणावाससयसहस्साणं, छण्हं सामाणियसाहस्सीणं, तायत्तीसाए तायत्तीसगाणं, चउण्हं लोगपालाणं, छण्हं अग्गमहिसीण सपरिवाराणं, तिण्हं परिसाणं, सत्तण्हं अणियाणं, सत्तण्हं अणियाहिवतीणं, चउवीसाए आयरक्खदेवसाहस्सीणं, अन्नेसिं च जाव विहरइ । एवतियं च णं पभू विउव्वित्तए से जहानामए जुवति जुवाणे जाव (सु. ३) पभू केवलकप्पं जंबुद्दीवं दीवं जाव तिरियमसंखेज्जे दीव-समुद्दे बहूहिं नागकुमारेहिं नागकुमारीहिं जाव विउव्विस्सति वा । सामाणिय-तायत्तीस लोगपालऽग्गमहिसीओ य तहेव जहा चरमस्स (सु. ४-६)। नवरं संखेज्जे दीव -समुद्दे भाणियव्वं । [ सु. १४. दाहिणिल्ल उत्तरिल्लाणठ सुवण्णकुमाराइथणियकुमार-वाणमंतर - जोइसियाणं तस्सामाणियाईणं च इड्डि - विउव्वणाइविसयाए कमसो अग्निभूइ - वाउभूइपुच्छाए भगवओ परूवणा १४. एवं जाव थणियकुमारा, वाणमंतरजोतिसिया वि । नवरं दाहिणिल्ले सव्वे अग्गिभूती पुच्छति, उत्तरिल्ले सव्वे वाउभूती पुच्छइ । [सु. १५- १८. सक्कदेविंद तीसयदेव - सक्कसामाणियाइणं इड्डि - विउव्वणाइविसयाएं अग्गिभूइपुच्छाए भगवओ परूवणा ] १५. 'भंते !' त्ति भगवं दोच्चे गोयमे अग्गिभूती अणगारे समणं भगवं म० वंदति नम॑सति, २ एवं वयासी जति णं भंते! जोतिसिदे जोतिसराया एमहिड्डीए जाव एवतियं च णं पभू विकुव्वित्तए ? सक्के णं भंते! देविद्दे देवराया केमहिड्डीए जाव केवतियं च णं पभू विकुव्वितए १ गोयमा ! सक्के णं देविंदे देवराया महिड्डीए जाव महाणुभागे । से णं तत्थ बत्तीसाए विमाणावाससयसहस्साणं आयरक्खदेवसाहस्सीणं चउरासीए सामाणियसाहस्सीणं (२) जाव चउण्हं चउरासीणं आयरक्खदेवसाहस्सीणं अन्नेसिं च जाव विहरइ । एगहिड्ढीए जाव एवतियं च णं पभू विकुव्वित्तए । एवं जहेव चमरस्स तहेव भाणियव्वं, नवरं दो केवलकप्पे जंबुद्दीवे दीवे, अवसेसं तं चैव । एस णं गोयमा ! सक्कस्स देविंदस्स देवरण्णो इमेयारूवे विसए विसयमेत्ते णं वुइए, 5 श्री आगमगुणमंजूषा - २५०
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |