Page Text
________________
(५) भगवई सतं
४१-३-११६ [३७२]
चउक्कएणं अवहारेणं अवहीरमाणे चउपज्जवसिए से त्तं रासीजुम्मकडजुम्मे, एवं जाव जे णं रासी चउक्कएणं अवहारेणं० एग पज्जवसिए से त्तं रासीजुम्मकलिगे, सेतेणद्वेणं जाव कलियोगे । [ सु. २- ११. रासीजुम्मडकजुम्मेसु चउवीसइदंडएस विविहा उववायाइवत्तव्वया ] २. रासीजुम्मकडजुम्मनेरतिया णं भंते ! कतो उववज्जति ? उववातो जहा वक्कंतीए । ३. ते णं भंते! जीवा एगसमएणं केवतिया उववज्जंति ? गोयमा ! चत्तारि वा, अट्ठ वा, बारस वा, सोलस वा, संखेज्जा वा, असंखेज्जा वा उववज्जति । ४. ते णं भंते ! जीवा किं संतरं उववज्जंति, निरंतरं उववज्जंति ? गोयमा ! संतरं पि उववज्र्ज्जति, निरंतरं पि उववज्र्ज्जति । संतरं उववज्जमाणा जहन्त्रेण एक्वं समयं, उक्कोसेणं असंखेज्जे समये अंतरं कट्टु उववज्र्ज्जति; निरंतरं उववज्जमाणा जहन्नेणं दो समया, उक्कोसेणं असंखेज्जा समया अणुसमयं अविरहियं निरंतरं उववज्र्ज्जति । ५. (१) ते णं भंते ! जीवा जं समयं कडजुम्मा तं समयं तेयोगा, जं समयं तेयोगा तं समयं कडजुम्मा ? णो इणट्टे समट्ठे । (२) जं समयं
जुम्मा तं समयं दावरजुम्मा, जं समयं दावरजुम्मा तं समयं कडजुम्मा ? नो इणट्ठे समट्ठे। (३) जं समयं कडजुम्मा तं समयं कलियोगा, जं समयं कलियोगा तं समयं कडजुम्मा ? णो इणट्टे समट्ठे । ६. ते णं भंते ! जीवा कहं उववज्जंति ? गोयमा ! से जहानामए पवए पवमाणे एवं जहा उववायसए (स०२५३०८ सु० २-८) जाव नो परप्पयोगेणं उववज्जंति । ७. (१) ते णं भंते! जीवा किं आयजसेणं उववज्जंति, आयअजसेणं उववज्जंति ? गोयमा ! नो आयजसेणं उववज्जंति, आअज सेणं उववज्र्ज्जति । (२) जति आयअजसेणं उववज्जंति किं आयजसं उवजीवंति, आयअजसं उवजीवंति ? गोयमा ! नो आयजसं उवजीवंति, आयअजसं उवजीवंति । (३) जति आयअजसं उवजीवतिं किं सलेस्सा, अलेस्सा ? गोयमा ! सलेस्सा, नो अलेस्सा । (४) जति सलेस्सा किं सकिरिया, अकिरिया ? गोयमा ! सकिरिया, नो अकिरिया । (५) जति सकिरिया तेणेव भवग्गहणेणं सिज्झति जाव अंतं करेति ? णो इणट्टे समट्ठे । ८. रासीजुम्मकडजुम्म असुरकुमाराणं भंते! कओ उववज्जंति ? जहेव नेरतिया तहेव निरवसेसं । ९. एवं जाव पंचेदिंयतिरिक्खजोणिया, नवरं वणस्सतिकाइया जाव असंखेज्ना वा, अणंता वा उववज्र्ज्जति । सं एवं चेव । १०. (१) मणुस्स वि एवं चेव जाव नो आयजसेणं उववज्जंति, आयअजसेणं उववज्र्ज्जति । (२) जति आयअजसेणं उववज्नंति किं आयजसं उवजीवंति, आयअजसं उवजीवति ? गोयमा ! आयजसं पि उवजीवंति, आयअजसं पि उवजीवंति। (३) जति आयजसं उवजीवंति किं सलेसा, अलेस्सा ? गोयमा! सलेस्सा वि, अलेस्सा वि । (४) जति अलेस्सा किं सकिरिया, अकिरिया ? गोयमा ! नो सकिरिया, अकिरिया । (५) जति अकिरिया तेणेव भवग्गहणेणं सिज्झति जाव अंत करेति ? हंता, सिज्झंति जाव अंतं करेति । (६) अदि सलेस्सा किं सकिरिया, अकिरिया ? गोयमा ! सकिरिया, नो अकिरिया । (७) अदि सकिरिया तेणेव भवग्गहणेणं सिज्झति जाव अंतं करेति ? गोयमा ! अत्थेगइया तेणेव भवग्गहणेणं सिज्झति जाव अंतं करेति, अत्थेगइया नो तेणेव भवग्गहणेणं सिज्झति जाव अंतं करेति । (८) जति आयअजसं उवजीवंति किं सलेस्सा, अलेस्सा ? गोयमा ! सलेस्सा, नो अलेस्सा। (९) जदि सलेस्सा किं सकिरिया, अकिरिया ? गोयमा ! सकिरिया, नो अकिरिया । (१०) जदि सकिरिया तेणेव भवग्गहणेणं सिज्झति जाव अंतं करेति ? नो इणट्टे समट्टे । (११) वाणमंतर जोतिसय वेमाणिया जहा नेरइया । सेवं भंते ! सेवं भंते ! त्ति० | ॥ रासीजुम्मसते पढमो उद्देसओ ॥ ४१.१ ॥ बिइओ उद्देसओ [ सु. १ - ३] रासीजुम्मतेयोयनेरयिया णं भंते! कओ उववज्जंति ? एवं चेव उद्देसओ भाणियव्वो, नवरं परिमाणं तिन्नि वा, सत्त त्ता, एक्कारस वा, पन्नरस वा, संखेज्जा वा, असंखेज्जा वा उववज्जंति] । संतरं तहेव । २. (१) ते णं भंते ! जीवा समयं यया तं समयं कडजुम्मा, जं समयं कडजुम्मा तं समयं तेयोया ? णो इणट्ठे समट्ठे । (२) जं समयं तेयाया तं समयं दावरजुम्मा, जं समयं दावरजुम्मा तं समयं तेयोया ? णो इणट्टे समट्टे । (३) एवं कलियोगेण वि समं । ३. सेसं तं चैव जाव वेमाणिया, नवरं उववातो सव्वेसिं जहा वक्तीए । सेवं भंत ! सेवं भंते ! त्ति० । ।४१.२ ।। तइओ उद्देसओ [ सु. १-३. रासीजुम्मदावरजुम्मेसु चउवीसइदंडएस विविहा उववायाइवत्तव्वया ] १. रासीजुम्मदावरजुम्मनेरतिया णं भंते ! कओ उववज्जति ? एवं चेव उद्देसओ, नवरं परिमाणं दो वा, छ वा, दस वा, संखेज्जा वा, असंखेज्जा वा उववज्जंति । २. (१) ते णं भंते! जीवा जं समयं दावर जुम्मा
1 Education International 2010 03
For Private & Personal Use Only
www.jainelibrary.
YO
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |