Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha

SR No.: 003255
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 394
Language: Prakrit
Classification: Book_Devnagari, Agam, Canon, & agam_bhagwati
File Size: 35 MB

Page 388

TIO79555555555
(५) भगवई
सतं ४० (३६९]
$$$$$
$$$$$250
उववातो चउसु वि गतीसु । संखेजवासाउय-असंखेज्जवासाउय-पज्जत्ता-अपज्जत्तएसु य न कतो वि पडिसेहो जाव अणुत्तरविमाण त्ति । परिमाणं, अवहारो, ओगाहणा य जहा असण्णिपंचेदियाणं । वेयणिज्जवज्जाणं सत्तण्हं पगडीणं बंधगा वा अबंधगा वा वेयणिज्जस्स बंधगा, नो अबंधगा । मोहणिज्जस्स वेयगा वा, अवेयगा वा । सेसाणं सत्तण्ह वि वेयगा, नो अवेयगा । सायावेयगा असायावेयगा वा । मोहणिज्जस्स उदई वा, अणुदई वा; सेसाणं सत्तण्ह वि उदई, नो अणुदई । नामस्स गोयस्स य उदीरगा, नो अणुदीरगा; सेसाणं छह वि उदीरगा वा, अणुदीरगा वा । कण्हलेस्सा वा जाव सुक्कलेस्सा वा । सम्मद्दिट्टी वा, मिच्छादिट्ठी वा, सम्मामिच्छद्दिट्ठी वा । णाणी वा अणाणी वा। णजोगी वा, वइजोगी वा, कायजोगी वा। उवयोगो, वन्नमाई, उस्सासगा आहारगा य जहा एगिदियाणं । विरया वा अविरया वा, विरयाविरया वा । सकिरिया, नो अकिरिया । २. ते णं भंते ! जीवा किं सत्तविहबंधगा, अट्ठविहबंधगा, छव्विहबंधगा एगविहबंधगा ? गोयमा ! सत्तविहबंधगा वा जाव एगविहबंधगा वा। ३. ते णं भंते ! जीवा किं आहारसण्णोवउत्ता जाव परिग्गहसन्नोवउत्ता, नोसण्णोवयुत्ता ? गोयमा ! आहारसन्नोवउत्ता वा जाव नोसन्नोवउत्ता वा। ४. सव्वत्थ पुच्छा भाणियव्वा । कोहकसाई वा जाव लोभकसाई वा, अकसायी वा । इत्थिवेयगा वा, पुरिसवेयगा वा, नपुंसगवेयगा वा, अवेदगा वा । इत्थिवेदबंधगा वा, पुरिसवेयबंधगा वा, नपुंसगवेदबंधगा वा, अबंधगा वा । सण्णी, नो असण्णी। सइंदिया, नो अणिदिया। संचिट्ठणा जहन्नेणं एक्वं समयं, उक्कोसेणं सागरोवमसयपुहत्तं सातिरेगं । आहारो तहेव जाव नियम छद्दिसिं । ठिती जहन्नेणं एवं समयं, उक्कोसेणं तेत्तीसं सागरोवमाई । छ समुग्धाता आदिल्लगा। मारणंतियसमुग्घातेणं समोहया वि मरंति, असमोहया वि मरंति । उव्वट्ठणा जहेव उववातो, न कत्थइ पडिसेहो जाव अणुत्तरविमाण त्ति । ५. अह भंते! ' सव्वपाणा० ? जाव अणठतखुत्तो । ६. एवं सोलससु वि जुम्मेसु भाणियव्वं जाव अणंतखुत्तो, नवरं परिमाणं जहा बेइंदियाणं, सेसं तहेव । सेवं भंते ! सेवं भंते ! त्ति० ।।।४० सते उद्दे० १|| ४०-१.१ ।। पढमे सन्निपंचिंदियमहाजुम्मसए बिइओ उद्देसओ [ सु. १. पढमुद्देसाणुसारेणं विसेसनिरूवणपुव्वं ॥ पढमसमयसन्निपंचिंदियमहाजुम्मसयवत्तव्वयानिदेसो ] १. पढमसमयकङजुम्मसन्निपंचेंदिया णं भंते ! कतो उववज्जति १० उववातो, परिमाणं, अवहारो, जहा' एतेसिं चेव पढमे उद्देसए। ओगाहणा, बंधो, वेदो, वेयणा, उदयी, उदीरगा य जहा बेदियाणं पढमसमइयाणं तहेव । कण्हलेस्सा वा जाव सुक्कलेस्सा वा । सेसं जहा बेदियाणं पढमसमइयाणं जाव अणंतखुत्तो, नवरं इत्थिवेदगा वा, पुरिसवेदगा वा, नपुंसगवेदगा वा; सण्णिणो, नो असण्णिणो । सेसं तहेव । एवं सोलससु वि जुम्मेसुपरिमाणं तहेव सव्वं । सेवं भंते ! सेवं भंते ! त्ति०।।४०-१.२॥ पढमे सन्निपंचिदिदयमहाजुम्मसए तइयाइएक्कारसमपज्जंता उद्देसगा[ सु.१ पुव्वाणुसारेणं सन्निपंचिदियमहाजुम्मसयतइयाइएक्कारसमउद्देसवत्तव्वया निद्देसो] १. एवं एत्थ वि एक्कारस उद्देसगा तहेव । पढमो, ततिओ, पंचमो य सरिसगमा। सेसा अट्ट वि
सरिसगमा । चउत्थ-अट्ठम-नत्थि विसेसो कोयि वि । सेवं भंते ! सेवं भंते ! त्ति०।।४०-१.३-११॥॥४० सते पढमं सन्निपंचेदियमहाजुम्मसयं समत्तं ॥४०-१॥ - बिइए सन्निपंचेंदियमहाजुम्मसए पढमो उद्देसओ [ सु. १. सन्निपंचिंदियमहाजुम्मपढमसयपढे मुद्दसाणुसारेणं विसेसनिरूवणपुव्वं
कण्हलेस्ससन्निपंचिदियमहाजुम्मसयवत्तव्वयानिद्देसो ] १. कण्हलेस्सकडजुम्मसन्निपंचेंदिया णं भंते ! कओ उववज्जति ? तहेव जहा पढमुद्देसओ सन्नीणं, नवरं बंधो, वेओ, उदई, उदीरणा, लेस्सा, बंधगा, सण्णा, कसाय, वेदबंधगा य एयाणि जहा बेदियाणं कण्हलेस्साणं । वेदो तिविहो, अवेयगा नत्थि । संचिट्ठणा जहन्नेणं एक्कं समयं, उक्कोसेणं तेत्तीसं सागरोवमाइं अंतोमुहुत्तमब्भहियाई। एवं ठिती वि, नवरं ठितीए 'अंतोमुहुत्तमन्भहियाई न भण्णंति । सेसं जहा एएसिं चेव पढमे उद्देसए जाव अणंतखुत्तो । एवं सोलससु वि जुम्मेसु । सेवं भंते ! सेवं भंते ! त्ति० ।।४०-२.१ ॥ बिइए सन्निपंचेंदियमहाजुम्मसए बिइओ उद्देसओ [सु. १. सन्निपंचेंदियमहाजुम्मपढमसयबिइउद्देसाणुससारेणं विसेसनिरूवणपुव्वं पढमसमयकण्हलेस्ससन्निपंचिंदियमहाजुम्मसयवत्तव्वयानिद्देसो ] १. पढमसमयकण्हलेस्सकडजुम्मसन्निपंचेंदिया णं भंते ! कओ उववज्जति १० जहा सन्निपंचेंदियपढमुद्देसए तहेव निरवसेसं । नवरं ते णं भंते ! जीवा कण्हलेस्सा ?
OSC$乐明明明明明明明明明明明明明明明明明明明明明明明明乐乐乐听听明明明明明明明明明明明明明明明明明明5C
reO55555555555555श्री आगमगुणमंजूषा - ५८४4
5555555555555IOR