Page Text
________________
(५) भगवई सर्त ३१ उ. ४-२०/ सतं ३२३१-२ [३५४]
नवरं परिमाणं जाणियव्वं, परिमाणं जहा कण्हलेस्सउद्देसए । सेसं एवं चेव । सेवं भंते ! सेवं भंते! ति० ।। ३१.४ ॥ ★★★ पंचमो उद्देसओ ★★★ [सु. १४. चउव्विहखुड्डगजुम्मभवसिद्धियनेरइयाणं उववायं पडुच्च विविहा परूवणा ] १. भवसिद्धीखुड्डाकडजुम्मनेरइया णं भंते! कओ उववज्र्ज्जति ? किं नेरइए० ? एवं
ओहिओ ओ हेव निरवसेसं जाव नो परप्पयोगेणं उववज्र्ज्जति । २. रतणप्पभपुढविभवसिद्धीयखुड्डाकडजुम्मनेरतिया णं० ? एवं चेव निरवसेसं । ३. एवं जव असत्तम । ४. एवं भवसिद्धीयखुड्डातेयोगनेरइया वि, एवं जाव कलियोगो त्ति, नवरं परिमाणं जाणियव्वं, परिमाणं पुव्वभणियं जहा पढमुद्देसए । सेवं भंते ! सेवं भंते | | ३१.५ ॥ ★★★ छट्टो उद्देसओ ★★★ [ सु. १-२ चउव्विहखुड्डगजुम्मकण्हलेस्सभवसिद्धियनेरइयाणं उववायं पडुच्च परूवणा ] १. कण्हलेस्सभवसिद्धीयखुड्डाकडजुम्मनेरइया णं भंते ! कओ उववज्र्ज्जति १० एवं जहेव ओहिओ कण्हलेस्सउद्देसओ तहेव निरवसेसं । चउसु वि जुम्मेसु भाणियव्वो जाव २. अहेसत्तमपुढविकण्हले स्सखुड्डाकलियोगनेरइया णं भंते ! सेवं भंते ! ति० । ३१.६ ॥ ★★★ सत्तमो उद्देसओ ★★★ [ सु. १ चउव्विहखुड्डगजुम्मनीललेस्सभवसिद्धियनेरइयाणं उववायं पडुच्च परूवणा ] १. नीललेस्सभवसिद्धीय० चउसु वि जुम्मेसु तहेव भाणियव्वा जहा आहियनीललेस्सउद्देसए । सेवं भंते ! सेवं भंते ! जाव विहरति ।। ३१.७ ॥ अट्टमो उद्देसओ ★★★ [ सु. १. चउव्विहखुड्डगजुम्मकाउलेस्सभवसिद्धियनेरइयाणं उववायं पडुच्च परूवणा ] १. काउलेस्सभवसिद्धीय० चउसु वि जुम्मेसु तहेव उववातेयव्वा जहेव ओहिए काउलेस्सउद्देसए। सेवं भंते! सेवं भंते! जाव विहरति । ॥ ३१.८ ।। ★ ★ ★ नवमाइबारसमपज्जेता उद्देसओ ★★★ [सु. १. पंचमाइअट्ठमउद्देसाणुसारेण अभवसिद्धियनेरइवत्तव्वयानिद्देसो ] १. जहा भवसिसिद्धएहिं चत्तारि उद्देसगा भणिया एवं अभवसिद्धीएहिं वि चत्तारि उद्देसगा भाणियव्वा जाव काउलेस्सउद्देसओ त्ति । सेवं भंते ! सेवं भंते ! ति० ॥ ॥ ३१.९-१२ ॥ ★★★ तेरसमाइसोलसमपज्जंता उद्देसओ ★★★ [सु. १. पंचमाइअट्टमउद्देसाणुसारेणं विसेसनिरूवणपुव्वं सम्मद्दिट्ठिनेरइयवत्तव्वयानिद्देसो ] १. एवं सम्मदिट्ठीहि वि लेस्साससंजुत्तेहिं चत्तारि उद्देसगा कायव्वा, नवरं सम्मद्दिट्ठी पढम - बितिएसु दोसु वि उद्देसएस दोसु वि उद्देसएस अहेसत्तमपुढवीए न उववातेयव्वो । सेवं भंते ! सेवं भंते ! ति० ।। ३१.१३ - १६ ॥ ★★★ सत्तरमाइवीसमपज्जंता उद्देसओ ★★★ [सु. १. पंचमाइअट्ठमउद्देसाणुसारेणं मिच्छादिट्ठिनेरइयवत्तव्वयानिद्देसो ] १. मिच्छादिट्ठी वि चत्तारि उद्देसगा कायव्वा जहा भवसिद्धीयाणं । सेवं भंते ! सेवं भंते !० ॥ ३१.१७ - २० ।।।। ★★★ एगवीसइमाइचउव्वीसइमपज्जेता उद्देसओ ★★★ सु. १. एवं कण्हपपक्खिएहि वि लेस्सासंजुत्ता चत्तारि उद्देसगा कायव्वा जहेव भवसिद्धीएहिं । सेवं भंते! सेवं भंते! ति० ॥ ३१.२१ - २४ ॥ ★★★ पंचवीसमाइअट्ठावीसइमपज्जंता उद्देसओ ★★★ [सु. १. पंचमाइअट्ठमउद्दे साणुसारेणं सुक्कपक्खियनेरइयवत्तव्वयानिद्देसो ] १. सुक्क पक्खिएहिं एवं चेव चत्तारि उद्देसगा भाणियव्वा जाव - वालुयभपुढविकाउलेस्ससुक्कपक्खियखुड्डाकलियोगनेरतिया णं मंते ! कतो उववज्जंति १० तहेव जाव नो परप्पयोगेण उववज्जंति । सेवं भंते! सेवं भंते! त्ति० । सव्वे वि एए अट्ठावीसं उद्देसगा । ।। ३१.२५ - २८ ।। ।। रववायसयं समत्तं ||३१|| 555 बत्तीसइमं सयं फफफ उव्वट्टणासयं ★★★पढमो उद्देसओ ★★★ [सु. १- ६. चउव्विहखुड्डगजुम्मनेरइयाणं उव्वट्टणं पडुच्च विविहा परूवणा ] १. खुड्डाकडजुम्मनेरइया णं भंते ! अनंतरं उव्वट्टित्ता कहिं गच्छंति ? कहिं उववज्जंति ?, किं नेरइएस उववज्र्ज्जति ? किं तिरिक्खजोणिएसु उवव० ? उव्वट्टणा जहा वक्कंतीए । २. ते णं भंते! जीवा एगसमएणं केवतिया उव्वहंति ? गोयमा ! चत्तारि वा, अट्ठ वा, बारस वा, सोलस वा, संखेज्जा वा, असंखेज्जा वा उव्वट्टेति । ३. ते णं भंते ! जीवा कहं उव्वट्टंति ? गोयमा ! से जहानामए पवए०, एवं तहेव ( स० २५ उ० ८ सु० २ - ८) । एवं सो चेव गमओ जाव आयप्पयोगेणं उव्वट्टंति, नो परप्पयोगेणं उव्वट्टंति । ४. रयप्पभापुढविखुड्डाकड० ? एवं
४०
Resonal Use
MORE फफफफफ श्री आगमगणमंजषा ५६९ फफफफफ
tal 2010
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |