Page Text
________________
(५) भगवई शतं ३० उ-१-४ / ३१ उ. १ [३५२]
ॐॐॐॐ
坂野 अजोगी जहा सम्मट्ठी । ११७. सागारोवउत्ता अणागारोवउत्ता जहा सलेस्सा। ११८. एवं नेरतिया वि भाणियव्वा, नवरं नायव्वं जं अत्थि । ११९. एवं असुरकुमारा वि जाव थणियकुमारा । १२०. पुढविकाइया सव्वद्वाणेसु वि मज्झिल्लेसु दोसु वि समोसरणेसु भवसिद्धिया वि, अभवसिद्धिया वि । १२१. एवं जाव वणस्सतिकाइय त्ति । १२२. बेइंदिय-तेइंदिय- चतुरिंदिया एवं चेव, नवरं सम्मत्ते, ओहिए नाणे, आभिणिबोहियनाणे, सुयनाणे, एएस चेव दोसु मज्झिमेसु समोसरणेसु भवसिद्धिया, नो अभवसिद्धिया सेसं तं चेव । १२३. पंचेदियतिरिक्खजोणिया जहा नेरइया, नवरं जं अत्थि । १२४. मणुस्सा जहा ओहिया जीवा । १२५. वाणमंतर जोतिसियया असुरकुमारा। सेवं भंते! सेवं भंते! त्ति० । । ३०.१ ॥ ★★★ बीओ उद्देसओ ★★★ [सु. १४. अणंतरोववन्नयचउवीसइदंडएस एक्कारसठाणेहिं किरियावाइआइसमोसरणपरूवणं] १. अणंतरोववन्नगा णं भंते! नेरइया किं किरियावादी० पुच्छा। गोयमा ! किरियावाई वि जाव वेणइयवाई वि । २. सलेस्सा णं भंते! अणंतरोववन्नगा नेरतिया किं किरियावादी० ? एवं चेव । ३. एवं जहेव पढमुद्देसे नेरइयाणं वत्तव्वया तहेव इह वि भाणियव्वा, नवरं जं जस्स अत्थि अ॒प॑त॒रोववन्नगाणं नेरइयाणं तं तस्स भाणियव्वं । ४. एवं सव्वजीवाणं जाव वेमाणियाणं, नवरं अणंतरोववन्नगाणं जहिं जं अत्थि जहिं तं भाणियव्वं ॥ [ सु. ५-१०. किरियावाइआइचउव्विहसमोसरणगएसु अणंतरोववन्नयचउवीसइदंडएस एक्कारसठाणेहिं आउयबंधनिसेहपरूवणं ] ५. किरियावाई णं भंते! अणंतरोववन्नगा नेरइया किं नेरइयाउयं पकरेति० पुच्छा। गोयमा ! नो नेरतियाउयं पकरेति, नो तिरि०, नो मणु०, नो देवाउयं पकरेति । ६. एवं अकिरियावाई वि, अन्नाणियवाई वि, वेणइयवाई वि । ७. सलेस्सा णं भंते! किरियावाई अणंतरोववन्नगा नेरइया किं नेरइयाउयं० पुच्छा। गोयमा ! नो नेरइयाउयं पकरेति, जाव नो देवाउयं पकरेति । ८. एवं जाव वेमाणिया । ९. एवं सव्वट्ठाणेसु वि अणंतरोववन्नगा नेरइया न किंचि वि आउयं पकरेति जाव अणागारोवउत्त त्ति । १०. एवं जाव वेमाणिया, नवरं जं जस्स अत्थितं तस्स भाणियव्वं । [ सु. ११-१६. किरियावाइ आइचउव्विहसमोसरणगएससु अणंतरोववन्नयच उवीसइदंडएस एक्कारसठाणेहिं भवसिद्धियत्तअभवसिद्धियत्तपरूवणं ] ११. किरियावाई णं भंते ! अणंतरोववन्नगा नेरइया किं भवसिद्धिया अभवसिद्धिया ? गोयमा ! भवसिद्धिया, नो अभवसिद्धिया । १२. अकिरियावाई णं० पुच्छा । गोयमा ! भवसिद्धिया वि, अभवसिद्धिया वि । १३. एवं अन्नाणियवाई वि, वेणइयवाई वि । १४. सलेस्सा णं भंते ! किरियावाई अतरोववन्नगा नेइया किं भवसिद्धिया, अभवसिद्धिया ? गोयमा ! भवसिद्धिया, नो अभवसिद्धिया । १५. एवं एएणं अभिलावेणं, नवरं जं जस्स अत्थि तं तस्स भाणितव्वं । इमं से लक्खणं-जे किरियावादी सुक्कपक्खिया सम्मामिच्छद्दिट्ठी य एए सब्वे भवसिद्धिया, नो अभवसिद्धिया । सेसा सव्वे भवसिद्धिया वि, अभवसिद्धिया वि । सेवं भंते ! सेवं भंते ! त्ति० ।। ३०.२ उद्दे० ॥ ★★★ तइओ उद्देसओ ★★★ [सु. १. परंपरोववन्नयचउवीसइदंडएसु एक्कारसठाणेहिं पढमुद्देसाणुसारेण परूवणनिद्देसो] १. परंपरोववन्नगा णं भंते! नेरइया किरियावादी० ? एवं जहेव ओहिओ उद्देसओ तहेव परंपरोववन्नएस वि नेरइवाईओ, तहेव निरवसेसं भारियव्वं, तहेव तियदंडसंगहिओ । सेवं भंते! सेवं भंते ! जाव विहरइ । ।। ३०.३।। ★ ★ ★ चउत्थाइएक्कारसपज्जंता उद्देसगा★★★ [सु. १. छब्वीदइमसयकमेण चउत्थाइएक्कारसमउद्देसाणं पढमुद्देसाणुसारेण परूवणनिद्देसो ] १. एवं एएणं कमेणं जच्चेव बंधिसए उद्देसगाणं परिवाडी सच्चेव इहं पि जाव अचरिमो उद्देसो, नवरं अणंतरा चत्तारि वि एक्कगमगा । परंपरा चत्तारि वि एक्कगमएणं । एवं चरिमा वि, अचरिमा वि एवं चेव, नवरं अलेस्सो केवली अजोगी य न भण्णति । सेसं तहेव । सेव भंते! सेवं भंते! ति० । एते एक्कारस उद्देसगा । || ३०.४-११ || || समवसरणसयं समत्तं ||३०|| एगतीसइमं सयं उववायसयं ★★★ पढमो उद्देसओ ★★★ [सु. १. पढमुद्देसर सुबुग्धाओ ] १. रायगिहे जाव एवं वयासी - [ सु. २. खुड्डजुम्मस्स भेयचउक्कं ] २. (१) कति णं भंते! खुड्डा जुम्मा पन्नत्ता ? गोयमा ! चत्तारि खुड्डा जुम्मा पत्ता तं जहा कडजुम्मे, तेयोए, दावरजुम्मे, कलियोए । (२) से केणट्टेणं भंते ! एवं वुच्चइ - चत्तारि खुड्डा जुम्मा पन्नत्ता, तं जहा कडजुम्मे जाव कतियोगे ? गोगमा ! जेण रासी चउक्कएणं अवहारेणं अवहीरमाणे चउपज्जवसिए से तं खुड्डागकडजुम्मे। जेणं रासी चउक्कएणं अवहारेणं अवहीरमाणे तिपज्जवसिए
श्री आगमगुणमंजूषा ५६७
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |