Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha

SR No.: 003255
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 394
Language: Prakrit
Classification: Book_Devnagari, Agam, Canon, & agam_bhagwati
File Size: 35 MB

Page 369

६६६६६६६६६६६६ ४६
(५) स ३० उ. १ (330)
********11111 नेरइयाण वि जाव अणागारोवउत्ता, नवरं जं अत्थि तं भाणियव्वं, सेसं न भण्णति । २७. जहा नेरतिया एवं जाव थणियकुमारा । २८. पुढविकाइया णं भंते! किं किरियवादी० पुच्छा । गोयमा ! नो किरियावादी, अकिरियावादी वि, अन्नाणियवादी वि, नो वेणइयवादी । एवं पुढविकाइयाणं जं अत्थि तत्थ सव्वत्थ वि एयाई दो मज्झिल्लाइं समोसरणाई जाव अणागारोवउत्त त्ति । २९. एवं जाव चउरिदियाणं, सव्वट्ठाणेसु एयाई चेव मज्झिल्लगाई दो समोसरणाइं । सम्मत्त नाणेहि वि एयाणि चेव मज्झिल्लगाई दो समोसरणाई । ३०. पंचेदियतिरिक्खजोणिया जहा जीवा, नवं जं अत्थि तं भाणियव्वं । ३१. मणुस्स जहा जीवा तहेव निरवसेसं । ३२. वाणमंतर-जोतिसिय-वेमाणिया जहा असुरकुमारा । [ सु. ३३-६४. किरियावाइआइचउव्विहसमोसरणगएसु जीवेसु एक्कारसठाणेहिं आउयबंधपरूवणं ] ३३. (१) किरियावादी णं भंते! जीवा किं नेरतियाउयं पकरेति, तिरिक्खजोणियाउयं पकरेति, मणुस्साउयं पकरेति, देवाउयं पकरेति ? गोयमा ! नो नेरतियाउयं पकरोति, नो तिरिक्खजोणियाउयं पकरेति, मणुस्साउयं पि पकरेतिं, देवाउयं पिपकरेति । (२) जति देवाउयं पकरेतिं किं भवणवासिदेवाउयं पकरेंति, जाव वेमाणियदेवाउयं पकरेति ? गोयमा ! नो भवणवासिदेवाउयं पकरेति, नो वाणमंतरदेवाउयं पकरेति, नो जोतिसियदेवाउयं पकरेंति, वेमाणियदेवाउयं पकरेति । ३४. अकिरियावा णं भंते! जीवा किं नेरतियाउयं पकरेति, तिरिक्खजोणियाउयं० पुच्छा। गोयमा ! नेरइयाउयं पि पकरेति, जाव देवाउयं पिपकरेति । ३५. एवं अन्नाणियवादी वि, वेणइयवादी वि । ३६. सलेस्सा णं भंते! जीवा किरियावादी किं नेरतियाउयं पकरेति० पुच्छा । गोयमा ! नो नेरइयाउयं०, एवं जहेव जीवा सलेस्सा विचउहि विसमोसरणेहिं भाणियव्वा । ३७. कण्हलेस्सा णं भंते! जीवा किरियावादी किं नेरइयाउयं पकरेति० पुच्छा। गोयमा ! नो नेरइयाउयं पकरेति, नो तिरिक्खजोणियाउयं पकरेति, मणुस्साउयं पकरेंति, नो देवाउयं पकरेति । ३८. अकिरिया अन्नाणिय-वेणइयवादी चत्तारि वि आउयाइं पकरेति । ३९. एवं नीललेस्सा काउलेस्सा वि । ४०. (१) तेउलेस्सा णं भंते! जीवा किरियावादी किं नेरइयाउयं पकरेति० पुच्छा । गोयमा ! नो नेरतियाउयं पकरेति, नो तिरिक्खजोणि०, मणुस्सउयं पि पकरेति, देवाउयं पिपकरेति । (२) जइ देवाउयं पकरेति०, तहेव । ४१. तेउलेस्सा णं भंते ! जीवा अकिरियावादी किं नेरइयाउयं० पुच्छा । गोयमा ! नो नेरतियाउयं पकरेति, तिरिक्खजोणियाउयं पि पकरेति, मणुस्साउयं पि पकरेति, देवाउयं पि पकरेति । ४२. एवं अन्नाणियवाई वि, वेणइयवादी वि । ४३. जहा तेउलेस्सा एवं पम्हलेस्सा वि, सुक्कलेस्सा नेयव्वा । ४४. अलेस्सा णं भंते! जीवा किरियावादी किं णेरतियाउयं० पुच्छा । गोयमा ! नो नेरतियाउयं पकरेति, नोतिरि०, नो मणु० नो देवाउयं पकरेति । ४५. कण्हपक्खिया णं भंते! जीवा अकिरियावाई किं नेरतियाउयं० पुच्छा। गोयमा ! नेरइयाउयं पिपकरेति, एवं चउव्विहं पि । ४६. एवं अण्णाणियवादी वि, वेणइयवादी वि । ४७. सुक्कपक्खिया जहा सलेस्सा। ४८. सम्मद्दिट्ठी णं भंते! जीवा किरियावाई किं नेरइयाउयं० पुच्छा। गोयमा ! नो नेरइयाउयं पकरेति, नो तिरिक्खजोणियाउयं, मणुस्साउयं पिपकरेति, देवाउयं पिपकरेति । ४९. मिच्छाद्दिट्ठी जहा कण्हपक्खिया । ५०. सम्मामिच्छाद्दिट्ठी णं भंते! जीवा अन्नाणियवादी किं नेरइयाउयं० ? जहा अलेस्सा। ५१. एवं वेणइयवादी वि । ५२. णाणी, आभिणिबोहियनाणी व सुयनाणी य ओहिनाणी य जहा सम्मद्दिट्ठी । ५३. (१) मणपज्जवनाणी णं भंते !० पुच्छा। गोयमा ! नो नेरतियाउयं पकरेति, नो तिरिक्ख०, नो मणुस्स०, देवाउयं पकरेति । (२) जदि देवाउयं पकरेति किं भवणवासि० पुच्छा। गोयमा ! नो भवणवासिदेवाउयं पकरेति, नो वाणमंतर०, नो जोतिसिय०, वेमाणियदेवाउयं० । ५४. केवलनाणी जहा अलेस्सा । ५५. अन्नाणी जाव विभंगनाणी जहा कण्हपक्खिया । ५६. सन्नासु चउसु वि जहा सलेस्सा। ५७. नोसन्नोवउत्ता जहा मणपज्जवनाणी । ५८. सवेयगा जाव नपुंसगवेयगा जहा सलेस्सा। ५९. अवेयगा जहा अलेस्सा। ६०. सकसायी जाव लोभकसायी जलस्सा । ६१. अकसायी जहा अलेस्सा। ६२. जोगी जाव कायजोगी जहा सलेस्सा । ६३. अजोगी जहा अलेस्सा । ६४. सागारोवउत्ता य अणागोरीवउत्ता य जहा सलेस्सा । [सु. ६५-९३. किरियावाइआइचउव्विहसमोसरणगय चउवी सइदंडएस एक्कारसठाणेहिं आउयबंधपरूवणं] ६५. किरियावाई णं भंतें ! नेरइयाउयं० पुच्छा। गोयमा ! नो नेरइयाउयं०, नो तिरिक्ख०, मणुस्साउयं पकरेति, नो देवाउयं पकरेति । ६६. अकिरियावाई णं भंते! नेरइया० पुच्छा। गोयमा ! नो नेरतियाउयं, तिरिक्खजोणियाउयं पि
श्री आगमगुणमंजूषा - ५६५