Page Text
________________
(५) भगवई सतं २६ उ ७-११ [३४७]
पावकम्माइबंधं पडुच्च पढमुद्देसनिद्दिट्ठएक्कारसठाणपरूवणं ] १. अर्णतराहारए णं भंते! नेरइए पावं कम्मं किं बंधी ० पुच्छा। एवं जहेव अणंतरोववन्नएहिं उद्देसो तहेव निरवसेसं । सेवं भंते ! सेवं भंते ! ति० | २६.६ ॥ ★★★ सत्तमो उद्देसओ ★★★ [ सु. १. परंपराहारएसु चउवीसइदंडएसु पावकम्माइबंधं डु पढमुद्देसनिद्दिट्ठएक्कारसठाणपरूवणं ] १. परंपराहारए णं भंते! नेरतिए पावं कम्मं किं बंधी० पुच्छा । गोयमा ! एवं जहेव परंपरोववन्नएहिं उद्देसो तहेव निरवसेसो भाणियव्वो । सेवं भंते! सेवं भंते! ति० ।। २६.७ ★★★ अट्टमो उद्देसओ ★★★ सु. १. अणंत्तरपज्जत्तएसु चउवीसइदंडएस पावकम्माइबंधं पडुच्च पढमुद्देसनिद्दिट्ठएक्कारसठाणपरूवणं ] १. अणंतरपज्जत्तए णं भंते ! नेरतिए पावं कम्मं किं बंधी० पुच्छा । गोयमा ! एवं जहेव अणंतरोववन्नएहिं उद्दे निरवसेसं । सेवं भंते! सेवं भंते ! ति० | ॥२६.८ ||★★★ नवमो उद्देसओ ★★★ [सु. १. परंपरपज्जत्तएसु चउवीसइदंडएस पावकम्माइबंधं पडुच्च पढमुद्देसनिद्दिट्ठएक्कारसठाणपरूवणं ] १. परंपरपज्जत्तए णं भंते! नेरतिए पावं कम्मं किं बंधी ० पुच्छा । गोयमा ! एवं जहेव परंपरोववन्नएहिं उद्देसो तहेव निरवसेसो भाणियव्वो । सेवं भंते ! सेवं भंते ! जाव विहरइ | || २६.९ ||★★★ दसमो उद्देसओ ★★★ [सु. १. चरिमेसु चउवीसइदंडएस पावकम्माइबंधं पडुच्च पढमुद्देसनिद्दिट्ठएक्कारसठाणपरूवणं ] १. चरिमे णं भंते! नेरतिए पावं कम्मं किं बंधी० पुच्छा । गोयमा ! एवं जहेव परंपरोववन्नएहिं उद्देसो तहेव चरिमेहि वि निरवसेसं । सेवं भंते ! सेवं भंते ! जाव विहरति । ॥ २६.१० ॥ एगारसमो उद्देसओ ★★★ सु. १-४ अचरिमेसु चउवीसइदंडएस पावकम्मबंधं पडुच्च पढमुद्देसनिद्दिट्ठएक्कारसठाणपरूवणं ] १. अचरिमे णं भंते! नेरतिए पावं कम्मं किं बंधी० पुच्छा। गोयमा ! अत्थेगइए०, एवं जहेव पढमुद्देसए तहेव पढम-बितिया भंगा भाणियव्वा सव्वत्थ जाव पंचेदियतिरिक्खजोणियाणं । २. अचरिमे णं भंते ! मणुस्से पावं कम्मं किं बंधी० पुच्छा । गोयमा ! अत्थेगतिए बंधी, बंधति, बंधिस्सति; अत्थेगतिए बंधी, बंधति, न बंधिस्सति; अत्थेगतिए बंधी, न बंधति, बंधिस्सति । ३. सलेस्से णं भंते ! अचरिमे मणुस्से पावं कम्मं किं बंधी० ? एवं चेव तिन्नि भंगा चरिमविहूणा भाणियव्वा एवं जहेव पढमुद्देसए, नवरं जेसु तत्थ वीससु पदेसु चत्तारि भंगा तेसु इहं आदिल्ला तिन्नि भंगा भाणियव्वा चरिमभंगवज्जा; अलेस्से केवलनाणी य अजोगी य, एए तिन्नि वि न पुच्छिज्जति । सेसं तहेव । ४. वाणमंतर जोतिसिय-वेमाणिया जहा नेरतिए । [सु. ५-१९. अचरिमेसु चवीसइदंडएस नाणावाइकम्मट्ठगबंधं पडुच्च पढमुद्देसनिद्दिट्ठएक्कारसठाणपरूवणं ] ५. अचरिमे णं भंते! नेरइए नाणावरणिज्जं कम्मं किं बंधी ० पुच्छा। गोयमा ! एवं जव पावं, नवरं मणुस्सेसु सकसाईसु लोभकसायीसु य पढम- बितिया भंगा, सेसा अट्ठारस चरिमविहूणा । ६. सेसं तहेव जाव वेमाणियाणं । ७. दरिसणावरणिज्जं पि एवं चेव निरवसेसं । ८. वेदणिज्जे सव्वत्थ वि पढम-बितिया भंगा जाव वेमाणियाणं, नवरं मणुस्सेसु अलेस्से केवली अजोगी य नत्थि । ९. अचरिमे णं भंते ! नेरइए मोहणिज्जं कम्मं किं बंधी० पुच्छा। गोयमा ! जहेव पावं तहेव निरवसेसं जाव वेमाणिए । १०. अचरिमे णं भंते! नेरतिए आउयं कम्मं किं बंधी ० पुच्छा । गोयमा ! पढम-ततिया भंगा ! ११. एवं सव्वपएस वि नेरइयाणं पढम-ततिया भंगा, नवरं सम्मामिच्छत्ते तइयो भंगो । १२. एवं जाव थणियकुमाराणं । १३. पुढविकाइयआउकाइय-वणस्सइकाइयाणं तेउलेसाए ततियो भंगो । सेसपएसु सव्वत्थ पढम-ततिया भंगा। १४. तेउकाइय- वाउकाइयाणं सव्वत्थ पढम-ततिया भंगा । १५. बेइंदिय-तेइंदिय-चतुरिंदियाणं एवं चेव, नवरं सम्मत्ते ओहिनाणे आभिणिबोहियनाणे सुयनाणे, एएसु चउसु वि ठाणेसु ततियो भंगो ! १६. पंचेदियतिरिक्खजोणियाणं सम्मामिच्छत्ते ततियो भंगो। सेसपएसु सव्वत्थ पढम-ततिया भंगा ! १७. मणुस्साणं सम्मामिच्छत्ते अवेयए अकसायिम्मि य ततियो भंगो, अलेस्स केवलनाण अजोगी य न पुच्छिज्जंति, सेसपएस सव्वत्थ पढम-ततिया भंगा । १८. वाणमंतर जोतिसिय-वेमाणिया जहा नेरतिया । १९. नामं गोयं अंतराइयं च जहेव नाणावरणिज्जं तहेव निरवसेसं । सेवं भंते! सेवं भंते ! जाव विहरति । ।। २६.११ उद्दे० ॥ ५॥ बंधिसयं समत्तं || २६ || सत्तावीसइमं सयं करिंसंगसयं पढमादिएक्कारसउद्देसगा [ सु. १ २. छव्वीसइमसयवत्तव्वयाणुसारेण पावकम्म-नाणावरणिज्जइकम्मट्ठगकरणपरूवणं] १. जीवे णं भंते! पावं कम्मं
-
Mero श्री आगमगुणमंजूषा ५६२ ०
出版
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |