Page Text
________________
(५) भगवई शर्त
२६ उ १ [ ३४५]
फफफफफफफफ एवं कण्हलेस्से वि, नीललेस्से वि, काउलेस्से वि । ३७. एवं कण्हपक्खिए, सुक्कपक्खिए, सम्मद्दिट्ठी, मिच्छादिट्ठी, सम्मामिच्छादिट्ठी; नाणी, आभिणिबोहियनाणी, सुयनाणी, ओहिनाणी; अन्नाणी, मतिअन्नाणी, सुयअन्नाणी, विभंगनाणी; आहारसन्नोवउत्ते जाव परिग्गहसन्नोवउत्ते; सवेयए, नपुंसकवेयए सकसायी जाव लोभकसायी; सजोगी, मणजोगी, वइजोगी, कायजोगी, सागारोवउत्ते अणागारोवउत्ते। एएसु सव्वेसु पएसु पढम-बितिया भंगा भाणियव्वा । ३८. एवं असुरकुमारस्स विवत्तव्वया भाणियव्वा, नवरं तेउलेस्सा, इत्थिवेयग- पुरिसवेयगा य अब्भहिया, नपुंसगवेयगा न भण्णंति । सेसं तं चैव सव्वत्थ पढम-बितिया भंगा । ३९. एवं जाव थणियकुमारस्स । ४०. एवं पुढविकाइयस्स वि आउकाइयस्स वि जाव पंचिदियतिरिक्खजोणियस्स वि, सव्वत्थ वि पढम-बितिया भंगा। नवरं जस्स जा लेस्सा, दिट्ठी, नाणं, अन्नाणं, वेदो, जोगो य, जं जस्स अत्थि तं तस्स भाणियव्वं । सेसं तहेव । ४१. मणूसस्स जच्चेव जीवपए वत्तव्वया सच्चेव निरवसेसा भावा । ४२. वाणमंतरस्स जहा असुरकुमारस्स । ४३. जोतिसिय-वेमाणियस्स एवं चेव, नवरं लेस्साओ जाणियव्वाओ, सेसं तहेव भाणियव्वं । [सु. ४४४५. जीव- चउवीसइदंडएसु नाणावरणिज्न- दंसणावरणाइं पडुच्च चउत्थाइतेत्तीसइमसुत्तंतग्गयएक्कारसठाणपरूवणं ] ४४. जीवे णं भंते! नाणावरणिज्जं कम्मं किं बंधी, बंधति, बंधिस्सति० ? एवं जहेव पावस्स कम्मस्स वत्तव्वया भणिया तहेव नाणावरणिज्जस्स वि भाणियव्वा, नवरं जीवपए मणुस्सपए य सकसायिम्मि जाव लोभकसाइम्मि य पढम-बितिया भंगा। अवसेसं तं चेव जाव वेमाणिए । ४५. एवं दरिसणावरणिज्जेण वि दंडगो भाणियव्वो निरवसेसं ॥ [ सु. ४६-६१. जीवचउवीसइदंडएसु वेदणिज्जं पडुच्च चउत्थाइतेत्तीसइमसुत्तंतग्गयएक्कारसठाणपरूवणं ] ४६. जीवे णं भंते ! वेयणिज्जं कम्मं किं बंधी० पुच्छा । गोयमा ! अत्थेगतिए बंधी, बंधति, बंधिस्सति; अत्थेगतिए बंधी, बंधति, न बंधिस्सति; अत्थेगतिए बंधी, न बंधति, न बंधिस्सति । ४७. सलेस्से वि एवं चेव ततियविहूणा भंगा । ४८. कण्हलेस्से जाव पम्हलेस्से पढम- बितिया भंगा। ४९. सुक्कलेस्से ततियविहूणा भंगा । ५०. अलेस्से चरिमो । ५१. कण्हपक्खिए पढम- बितिया । ५२. सुक्कपक्खिए ततियविहूणा । ५३. एवं सम्मद्दिट्ठिस्स वि । ५४. मिच्छद्दिट्ठिस्स सम्मामिच्छादिट्टिस्स य पढम-बितिया । ५५. णाणिस्स ततियविहूणा । ५६. आभिनिबोहियनाणी जाव मणपज्जवनाणी पढम- बितिया । ५७. केवलनाणी ततियविहूणा । ५८. एवं नोसन्नोवउत्ते, अवेदए, अकसायी, सागरोवउत्ते, अणागारोवउत्ते, एएसु ततियविहूणा । ५९. अजोगिम्मि य चरिमो । ६०. . सेसेसु पढम-बितिया । ६१. नेरइए णं भंते ! वेयणिज्जं कम्मं किं बंधी, बंधइ० १ एवं नेरइयाइया जाव वेमाणिय त्ति, जस्स जं अत्थ । सव्वत्थ वि पढ - बितिया, नवरं मणुस्से जहा जीवे । [सु. ६२. जीव- चउवीसइदंडएसु मोहणिज्जं पडुच्च चउत्थाइतेत्तीसइमसुत्तंतग्गयएक्कारसठाणपरूवणं] ६२. जीवे णं भंते ! मोहणिज्जं कम्मं किं बंधी, बंधति० ? जहेव पावं कम्मं तहेव मोहणिज्जं पि निरवसेसं जाव वेमाणिए । [ सु. ६३-८७. जीव- चउवीसइदंडएसु आउयकम्मं पडुच्च चउत्थाइतेत्तीसइमसुत्तंतग्गयएक्कारसठाणपरूवणं ] ६३. जीवे णं भंते! आउयं कम्मं किं बंधी बंधति० पुच्छा । गोयमा ! अत्थेगतिए बंधी ० चउभंगो । ६४. सलेस्से जाव सुक्कलेस्से चत्तारि भंगा । ६५. अलेस्से चरिमो । ६६. कण्हपक्खिए णं० पुच्छा। गोयमा ! अत्थेगतिए बंधी, बंधति, बंधिस्सति । अत्थेगतिए बंधी, न बंधति, बंधिस्सति । ६७. सुक्कपक्खिए सम्मद्दिट्ठी मिच्छादिट्ठी चत्तारि भंगा। ६८. सम्ममिच्छादिट्ठी० पुच्छा। गोयमा ! अत्थेगतिए बंधी, न बंधति, बंधिस्सति; अत्थेगतिए बंधी, न बंधति, न बंधिस्सति । ६९. नाणी जाव ओहिनाणी चत्तारि भंगा। ७०. मणपज्जवनाणी० पुच्छा। गोयमा ! अत्थेगतिए बंधी, बंधति, बंधिस्सति; अत्थेगतिए बंधी, न बंधति, बंधिस्सति; अत्थेगतिए बंधी, न बंधति, न बंधिस्सति । ७१. केवलनाणे चरिमो भंगो । ७२. एवं एएणं कमेणं नोसन्नोवउत्ते बितियविहूणा जहेव मणपज्जवनाणे । ७३. अवेयए अकसाई य ततिय चउत्था जहेव सम्मामिच्छत्ते । ७४. अजोगिम्मि चरिमो । ७५. सेसेसु पएसु चत्तारि भंगा जाव अणागारोवउत्ते । ७६. नेरतिए णं भंते! आउयं कम्मं किं बंधी० पुच्छा । गोयमा ! अत्थेगतिए० चत्तारि भंगा। एवं सव्वत्थ वि नेरइयाणं चत्तारि भंगा, नवरं कण्हलेस्से कण्हपक्खिए य पढम ततिया भंगा, सम्मामिच्छत्ते ततिय चउत्था । ७७. असुरकुमारे एवं चेव, नवरं कण्हलेस्से वि चत्तारि भंगा भाणियव्वा । सेसं जहा नेरतियाणं । ७८. एवं जाव थरियकुमाराणं । ७९. पुढविकाइयाणं सव्वत्थ वि चत्तारि भंगा, नवरं कण्हपक्खिए पढम-ततिया भंगा। ८०. MOTOR श्री आगमगुणमंजूषा - ५६०
2
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |