Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha

SR No.: 003255
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 394
Language: Prakrit
Classification: Book_Devnagari, Agam, Canon, & agam_bhagwati
File Size: 35 MB

Page 361

(५) भगवई सतं २५ उ-७ [३४२] अणच्चासादणया, अरहंतपन्नत्तस्स धम्मस्स अणच्चासायणया २ आयरियाणं अणच्चासादणया ३ उवज्झायाणं अणच्चासायणया ४ थेराणं अणच्चासायणया ५ कुलस्स अणच्चासायणसा ६ गणस्स अणच्चासायणया ७ संघस्स अणच्चासादणया ८ किरियाए अणच्चासायणया ९ संभोगस्स अणच्चासायणया १० आभिणिबोहियनाणस्स अणच्चासायणया ११ जाव केवलनाणस्स अणच्चासायणया १२-१३-१४-१५, एएसिं चेव भत्तिबहुमाणे णं १५, एएसिं चेव वण्णसंजलणया १५,=४५ । से त्तं अणच्चासायणाविणए । से त्तं दंसणविणए । २२४. से किं तं चरित्तविणए ? चरित्तविणए पंचविधे पन्नत्ते, तं जहा - सामाइयचरित्तविणए जाव अहक्खायचरित्तविणए। से त्तं चरित्तविणए । २२५. से किं तं मणविणए ? मणविणए दुविहे पन्नत्ते, तं जहा पसत्थमणविणए य अप्पसत्थमणविणए य । २२६. से किं तं सत्थमणविणए ? पसत्थमणविणए सत्तविधे पन्नत्ते, तं जहा- अपावए, असावज्जे, अकिरिए, निरूवक्केसे, अणण्यकरे, अच्छविकरे, अभूयाभिसंकणे । से तं पसत्थमणविणए । २२७. से किं तं अप्पसत्थमणविणए ? अप्पसत्थमणविणए सत्तविधे पन्नत्ते, तं जहा-पावए सावज्ने सकिरिए सउवक्केसे अण्हयकरे छविकरे भूयाभिसंकणे । से तं अप्पसत्तमणविणए । से त्तं मणविणए । २२८. से किं तं वइविणए ? वइविणए दुविधे पन्नत्ते, तं जहा पसत्थवइविणए य अप्पसत्थमणविणए य । २२९. से किं तं पसत्थवइविणए ? पसत्थवइविणए सत्तविधे पन्नत्ते, तं जहा - अपावए जाव अभूयाभिसंकणे । से त्तं पसत्थवइविणए । २३०. से किं तं अप्पसत्थवइविणए ? अप्पसत्थवइविणए सत्तविधे पन्नत्ते, तं जहा पावए सावज्जे जाव भूयाभिसंकणे । से त्तं अप्पसत्थवइविणए । से त्तं वइविणए । २३१. से किं तं
विए ? काविण दुविधे पन्नत्ते, तं जहा पसत्थकायविणए य अप्पसत्थकायविणए य । २३२. से किं तं पसत्थकायविणए ? पसत्थकायविणए सत्तविधे पन्नत्ते, तं जहा आउत्तंगमणं, आउत्तं ठाणं, आउत्तं निसीयणं, आउत्तं तुयट्ठणं, आउत्तं उल्लंघणं, आउत्तं पल्लंघणं, आउत्तं सव्विंदियजोगजुंजणया । से तं पसत्थकायविणए । २३३. से किं तं अप्पसत्थकायविणए ? अप्पसत्थकायविणए सत्तविधे पन्नत्ते, तं जहा अणाउत्तं गमणं जाव अणाउत्तं सव्विदियजोगजुंजणया । से त्तं अप्पसत्थकायविणए । से त्तं कायविणए । २३४. से किं तं लोगोवयारविणए ? लोगोवयारविणए सत्तविधे पन्नत्ते, तं जहा - अब्भासवत्तियं, परछंदाणुवत्तियं, कज्नहेतुं, कयपडिकतया, अत्तगवेसणया, देसकालण्णया, सव्वत्थेसु अपडिलोमया । से त्तं लोगोवयारविणए । से त्तं विणए । [सु. २३५-३६. वेयावच्चसज्झाय अब्भिंतरतवभेयपरूवणं ] २३५. से किं तं वेचावच्चे ? वेचावच्चे दसविधे पन्नत्ते, तंजहा- आयरियवेचावच्चे उवज्झायवेयावच्चे थेरवेयावच्चे तवस्सिवेयावच्चे गिलाणवेयावच्चे सेहवेयावच्चे कुलवेयावच्चे गणवेयावच्चे संघवेयावच्चे साहम्मियवेयावच्चे । से त्तं वेयावच्चे । २३६. से किं तं सज्झाए ? सज्झाए पंचविधे पन्नत्ते, तंजहावायणा पडिपुच्छणा परिवट्ठणा अणुप्पेहा धम्मकहा। से त्तं सज्झाए। [सु. २३७-४९. झाणअब्भिंतरतवभेय- पभेयाइपरूवणं ] २३७. से किं तं झाणे ? झाणे चउव्विधे पन्नत्ते, तं जहा- अट्ठे झाणे, रोद्दे झाणे, धम्मे झाणे, सुक्के झाणे । २३८. अट्ठे झाणे चउव्विहे पण्णते, तं जहा अमणुण्णसंपयोगसंपत्ते तस्स विप्पयोगसतिसमन्नागते यावि भवति १, मणुण्णससंपयोगसंपत्ते तस्स अविप्पयोगसतिसमन्नागते यावि भवति २, आयंकसंपयोगसंपत्ते तस्स विप्पयोगसतिसमन्नागते यावि भवति ३ परिझुसियकामभोगसंपउत्ते तस्स अविप्पयोगसतिसमन्नागते यावि भवति ४ । २३९. अट्ठस्स णं झाणस्स चत्तारि लक्खणा पन्नत्ता, तं जहा- कंदणया सोयणया तिप्पणया परिदेवणया । २४०. रोद्दे झाणे चउव्विधे पन्नत्ते, तं जहा-हिंसाणुबंधी मोसाणुबंधी, तेयाणुबंधी, सारक्खणाणुबंधी । २४१. रोद्दस्स झाणस्स चत्तारि लक्खणा पन्नत्ता, तं जहा - उस्सन्नदोसे. बहुदोसे अण्णाणदोसे आमरणंतदोसे । २४२. धम्मे झाणे चउव्विहे चउपडोयारे पन्नत्ते, तं जहा - आणाविजये, अवायविजये विवागविजये संठाणाविजये । २४३. धम्मस्स णं झाणस्स चत्तारि लक्खणा पन्नत्ता, तं जहा आणारुयी निसग्गरूयी सुत्तरुयी अगाढी । २४४. धमस्स णं झाणस्स चत्तारि आलंबणा पन्नत्ता, तं जहा- पडिपुच्छणा परियट्ठणा धम्मकहा । २४५. धम्मस्स णं झाणस्स चत्तारि अणुपेहाओ पन्नत्ताओ, तं जहा- एगत्ताणुपेहा अणिच्चाणुपेहा असरणाणुपेहा संसाराणुपेहा । २४६. सुक्के झाणे चउव्विधे चउपडोयारे पन्नत्ते, तं जहा - पुहत्तवियक्के सवियारी, एगत्तवियक्के अवियारी, सुहुमकिरिए अनियट्ठी, समोछिन्नकिरिए अप्पड़िवाई । २४७. सुक्कस्स णं झाणस्स चत्तारि लक्खणा पन्नत्ता, तं जहा खंती मुत्ती अज्जवे,
6565XOX