Page Text
________________
(५) भगवई शतं २५ उ-६ [३३४]
पडिसेवणाकुसीले वि, कसायकुसीले वि । २००. नियंठे० पुच्छा । गोयमा ! जहनेणं एक्वं समयं, उक्कोसेणं अंतोमुहुत्तं । २०१. सिणाए० पुच्छा । गोयमा ! जहन्नेणं अंतोमुहुत्तं, उक्कोसेणं देसूणा पुव्वकोडी । २०२. पुलाया णं भंते ! कालओ केवचिरं होति ? गोयमा ! जहन्त्रेणं एक्वं समयं, उक्कोसेणं अंतोमुहुत्तं । २०३. बउसा णं भंते !० पुच्छा । गोयमा ! सव्वद्धं । २०४. एवं जाव कसायकुसीला । २०५. नियंठा जहा पुलागा । २०६. सिणाया जहा बउसा । दारं २९ । [ सु. २०७-१४. तीसइमं अंतरदारं-पंचविहनियंठेसु, एगत्त-पुहत्तेणं कालंतरपरूवणं ] २०७. पुलागस्स णं भंते! केवतियं कालं अंतरं होइ ? गोयमा ! जहनेणं अंतोमुहुत्तं, उक्कोसेणं अणंतं कालं - अणंताओ ओसप्पिणि उस्सप्पिणिओ कालओ, खेत्तओ अवनुं पोग्गलपरियद्वं देसूणं । २०८. एवं जाव नियंठस्स । २०९. सिणायस्स० पुच्छा । गोयमा ! नत्थंतरं । २१०. पुलागाणं भंते! केवतियं कालं अंतरं होइ ? गोयमा ! जहन्त्रेणं एक्कं समयं, उक्कोसेणं संखेज्जाई वासाई । २११. बउसाणं भंते !० पुच्छा । गोयमा ! नत्थंतरं । २१२. एवं जाव कसायकुसीलाणं । २१३. नियंठाणं० पुच्छा। गोयमा ! जहन्नेणं एवं समयं, उक्कोसेणं छम्मासा । २१४. सिणायाणं जहा बउसाणं। दारं ३० । [सु. २१५-२०. इगतीसइमं समुग्घायदारं- पंचविहनियंठेसु समुग्धायपरूवणं ] २१५. पुलागस्स णं भंते! कति समुग्धाया पन्नत्ता ? गोयमा ! तिन्नि समुग्धाया पन्नत्ता, तं जहा वेयणासमुग्धाए कसायसमुग्धाए मारणंतियसमुग्धाए। २१६. बउसस्स णं भंते !० पुच्छा। गोयमा ! पंच समुग्धाता पन्नत्ता, तं जहा - वेयणासमुग्धाए जाव तेयासमुग्धाए । २१७. एवं पडिसेवणाकुसीले वि। २१८. कसायकुसीलस्स० पुच्छा। गोयमा ! छ समुग्धाता पन्नत्ता, तं जहावेयणासमुग्धाए जाव आहारसमुग्धाए ! २१९. नियंठस्स णं० पुच्छा । गोयमा ! नत्थि एक्को वि । २२०. सिणायस्स० पुच्छा। गोयमा ! एगे केवलिसमुग्घाते पन्नत्ते । दारं ३१ ।[सु. २२१-२३. बत्तीसइमं खेत्तदारं-पंचविहनियंठेसु ओगाहणाखेत्तपरूवणं ] २२१. पुलाए णं भंते ! लोगस्स किं संखेज्जतिभागे होज्जा, असंखेज्जतिभागे होज्जा, संखेज्जेसु भागेसु होज्जा, असंखेज्जेसु भागेसु होज्जा, सव्वलोए होज्जा ? गोयमा ! नो संखेज्जतिभागे होज्जा, असंखेज्जइभागे होज्जा, नो संखेज्जेसु भागेसु होज्जा, नो असंखेज्जेसु भागेसु होज्जा, नो सव्वलोए होज्जा । २२२. एवं जाव नियंठे । २२३. सिणाए णं भंते !० पुच्छा। गोयमा ! नो संखेज्जतिभागे होज्जा, असंखेज्जतिभागे होज्जा, नो संखेज्जेसु भागेसु होज्जा, असंखेज्जेसु भागेसु होज्जा, सव्वलोए वा होज्जा । दारं ३२ । [ सु. २२४. तेत्तीसइमं फुसणादारं-पंचविहनियंठेसु खेत्तफुसणापरूवणं ] २२४. पुलाए णं भंते ! लोगस्स किं संखेज्जतिमागं फुसति, असंखेज्जतिमागं फुसइ० ? एवं जहा ओगाहणा भणिया तहा फुसणा वि भाणियव्वा जाव सिणाये । दारं ३३ [सु. २२५-२८. चोतीसइमं भावदारं-पंचविहनियंठेसु ओवसमियाइभावपरूवणं ] २२५. पुलाए णं भंते! कयरम्मि भावे हो ? गोयमा ! यो समिए भावे होज्जा । २२६. एवं जाव कसायकुसीले । २२७. नियंठे० पुच्छा । गोयमा ! ओवसमिए वा खइए वा भावे होज्जा । २२८. सिणाये० पुच्छा । गोयमा ! खइए भावे होज्जा । दारं ३४ । [ सु. २२९-३४. पंचतीसइमं परिमाणदारं-पंचविहनियंठेसु एगसमय परिमाणपरूवणं ] २२९. पुलाया णं भंते ! एसमएणं केवतिया होज्जा ? गोयमा ! पडिवज्जमाणए पडुच्च सिय अत्थि, सिय नत्थि । जति अत्थि जहनेणं एक्को वा दो वा तिन्नि वा, उक्कोसेणं सयपुहत्तं । पुव्वपडिवन्नए पडुच्च सिय अत्थि, सिय णत्थि । जति अत्थि जहन्नेणं एक्को वा दो वा तिन्नि वा, उक्कोसेणं सहस्सपुहत्तं । २३०. बउसा णं भंते ! एगसमएणं० पुच्छा । गोयमा ! पडिवज्जमाणए पडुच्च सिय अत्थि, सिय नत्थि । जदि अत्थि जहन्नेणं एक्को वा दो वा तिन्नि वा, उक्कोसेणं सयपुहत्तं । पुव्वपडिवन्नए पडुच्च जहन्ने कोडिसयपुहत्तं, उक्कोसेणं वि कोडिसयपुहत्तं । २३१. एवं पडिसेवणाकुसीला वि । २३२. कसायकुसीला गं० पुच्छा। गोयमा ! पडिवज्जमाणए पडुच्च सिय अत्थि, सिय नत्थि । जदि अत्थि जहन्नेणं एक्को वा दो वा तिन्नि वा, उक्कोसेणं सहस्सपुहत्तं । पुव्वपडिवन्नए पडुच्च जहन्नेणं कोडिसहस्सपुहत्तं, उक्कोसेणं वि कोडिसहस्सपुहत्तं । २३३. नियंठा णं० पुच्छा। गोयमा ! पडिवज्जमाणए पडुच्च सिय अत्थि, सिय नत्थि । जदि अत्थि जहन्नेणं एक्को वा दो वा तिन्नि वा, उक्कोसेणं बावट्टं सयं अट्ठसतं खवगाणं, चउप्पण्णं उवसामगाणं । पुव्वपडिवन्नए पडुच्च सिय अत्थि, सिय नत्थि । जति अत्थि जहन्त्रेणं एक्को वा दो वा तिन्नि वा उक्कोसेणं सयपुहत्तं । २३४. सिणाया णं० पुच्छा । गोयमा ! पडिवज्जमाणए पडुच्च सिय अत्थि, सिय नत्थि । जदि अत्थि जहन्नेणं एक्को वा दो वा तिन्नि वा, उक्कोसेणं अट्ठसयं । पुल्वपडिवन्नए पडुच्च
7
ॐ श्री आगमगुणमंजूषा- ५४९ ॐ ॐ ॐ ॐ
फ्र
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |