Page Text
________________
(५) भगवई २५ श. उ-५-६ [३२७]
जाव सव्वद्धा । ३८. पोग्गलपरियट्टा णं भंते! किं संखेज्जाओ ओसप्पिणि उस्सप्पिणीओ० पुच्छा। गोयमा ! नो संखेज्जाओ ओसप्पिणि उस्सप्पिणीओ, नो असंखेज्जाओ, अणंताओ ओसप्पिणि उस्सप्पिणीओ । [ सु. ३९-४१. तीतद्धा अणागतद्धा सव्वद्धासु पोग्गलपरियट्टाणं अनंतत्तं ] ३९. तीतद्वा णं भंते! किं संखेज्जा पोग्गलपरियट्टा० पुच्छा । गोयमा ! नो संखेज्ना पोग्गलपरियट्टा, नो असंखेज्जा, अणंता पोग्गलपरियट्टा । ४०. एवं अणागतद्धा वि । ४१. एवं सव्वद्धा वि । [ सु. ४२. अणागतकालस्स अतीतकालओ समयाधिकत्तं ] ४२. अणागतद्धा णं भंते! किं संखेज्जाओ तीतद्धाओ, असंखेज्जाओ, अनंताओ ? गोयमा ! नो संखेज्जाओ तीतद्धाओ, नो असंखेज्जाओ तीतद्धाओ, नो अणंताओ तीतद्धाओ, अणागयद्धा णं तीतद्धाओ समयाहिया; तीतद्धा णं अणागयद्धाओ समयूणा । [ सु. ४३. सव्वद्धाए अतीतकालओ साइरेगदुगुणत्तं ] ४३. सव्वा णं भंते! किं संखेज्जाओ तीतद्धाओ० पुच्छा। गोयमा ! नो संखेज्जाओ तीतद्धाओ, नो असंखेज्जाओ, णो अणंताओ तीतद्धाओ, सव्वद्धा णं तीयद्धाओ सातिरेगदुगुणा, तीतद्धा णं सव्वद्धाओ थोवूणए अद्धे । [ सु. ४४. सव्वद्धाए अणागतकालओ थोवूणदुगुणत्तं ] ४४. सव्वद्धा णं भंते! किं संखेज्जाओ अणागयद्धाओ० पुच्छा । गोयमा ! नो संखेज्जाओ अणागयद्धाओ, नो असंखेज्जाओ अणागयद्धाओ, नो अणंताओ अणागयद्धाओ, सव्वद्धा णं अणागयद्धाओ थोवूणगदुगुणा, अणागयद्धा णं सव्वद्धातो सातिरेगे अद्धे । [ सु. ४५-४६. निगोदभेय- पभेयजाणणत्थं जीवाभिगमसुत्तावलोयणनिद्देसो ] ४५. कतिविधा णं भंते! णिओदा पन्नत्ता ? गोयमा ! दुविहा णिओदा पन्नत्ता, तं जहा णिओया य णिओयजीवा य । ४६. णिओदा णं भंते ! कतिविधा पन्नत्ता ? गोयमा ! दुविहा पत्ता, तं जहा - सुहुमनिगोदा य, बायरनियोया य । एवं नियोया भाणियव्वा जहा जीवाभिगमे तहेव निरवसेसं । [सु. ४७-४८. छव्विहपरिणामभेयपरूवणं] ४७. कतिविधे णं भंते! णामे पन्नत्ते ? गोयमा ! छव्विहे नामे पन्नत्ते, तं जहा - उदइए जाव सन्निवातिए । ४८. से किं तं उदइए नामे ? उदइए णामे दुविहे पन्नत्ते, तं जहाउदए य, उदयनिप्फन्ने य । एवं जहा सत्तरसमसते पढमे उद्देसए (स० १७३० १ सु० २९) भावो तहेव इह वि, नवरं इमं नामनाण सेसं तहेव जाव सन्निवातिए । सेवं भंते ! सेवं भंते ! त्ति० । ★★★।२५ सते ५ उद्देसो । छट्टो उद्देसओ 'नियंठ' ★★★ [सु. १. छद्बुद्देसस्स दारगाहा ] १. पण्णवण १ वेद २ रागे ३ कप्प ४ चरित्त ५ पडिसेवणा ६ णाणे ७ । तित्थे ८ लिंग ९ सरीरे १० खेत्ते ११ काल १२ गति १३ संजम १४ निकासे १५ || १ | जोगुवओग १६-१७ कसाए १८ लेस्सा १९ परिणाम २० बंध २१ वेए य २२ । कम्मोदीरण २३ उवसंपजहण २४ सन्ना य २५ आहारे २६ ||२|| भव २७ आगरिसे २८ कालंतरे य २९-३० समुघाय ३१ खेत्त ३२ फुसणा य ३३ । भावे ३४ परिणामे ३५ खलु अप्पाबहुयं ३६ नियंठाणं ॥ ३॥ [सु. २ छट्टुद्देसस्सुवुग्धाओ ] २. रायगिहे जाव एवं वयासी- [ सु. ३-१०. पढमं पण्णवणदारं-पंचभेया नियंठा, तब्भेय-प्पभेया य ] ३. कति णं भंते ! नियंठा पन्नत्ता ? गोयमा ! पंच नियंठा पन्नत्ता, तं जहा - पुलाए बउसे कुसीले नियंठे सिणाए । ४. पुलाए णं भंते ! कतिविधे पन्नत्ते ? गोयमा ! पंचविधे पन्नइ, तं जहा - नाणपुलाए दंसणपुलाए चरित्तपुलाए लिंगपुलाए अहासुहुमपुलाए नामं पंचमे । ५. उसे णं भंते! कतिविधे पन्नत्ते ? गोयमा ! पंचविधे पन्नत्ते, तं जहा- आभोगबउसे, अणाभोगबउसे संवुडबउसे असंवुडबउसे अहासुहुमबउसे नामं पंचमे । ६. कुसीले णं भंते! कतिविधे पन्नत्ते ? गोयमा ! दुविधे पन्नत्ते, तं जहा- पडिसेवणाकुसीले य, कसायकुसीले य । ७. पडिसेवणाकुसीले णं भंते ! कतिविधे पन्नत्ते ? गोयमा ! पंचविधे पन्नत्ते, तं जहा-नाणपडिसेवणाकुसीले, दंसणपडिसेवणाकुसीले चरित्तपडिसेवणाकुसीले लिंगपडिसेवणाकुसीले अहासुहुमपडिसेवणाकुसीले णामं पंचमे । ८. कसायकुसीले णं भंते ! कतिविधे पन्नत्ते ? गोयमा ! पंचविधे पन्नत्ते, तं जहा-नाणकसायकुसीले दंसणकसायकुसीले चरित्तकसायकुसीले लिंगकसायकुसीले, अहासुहुमकसायकुसीले णामं पंचमे । ९. नियंठे णं भंते! कतिविधे पन्नत्ते ? गोयमा ! पंचविधे पन्नत्ते, तं जहा पढमसमयनियंठे अपढमसमयनियंठे चरिमसमयनियंठे अचरिमसमयनियंठे अहासुहुमनियंठे णामं पंचमे । १०. सिणाए णं भंते! कविविधे पन्नत्ते ? गोयमा ! पंचविधे पन्नत्ते, तं जहा - अच्छवी १ असबले २ अकम्मंसे ३ संसुद्धनाण- दंसणधरे अरहा जिणे केवली ४ अपरिस्सावी ५ । दारं १ । [११-१६. बिइयं वेददारं-पंचविहनियंठेसु इत्थिवेदाइवेदपरूवणं ] ११. (१) पुलाए णं भंते! किं सवेयए होज्जा, अवेयए होज्जा ? गोयमा ! सवेयए होज्जा, नो अवेयए होज्जा । (२) जइ सवेयए होज्जा किं इत्थवेयए होज्जा, पुरिसवेयए
(
श्री आगमगुणमंजूषा ५४२ ॐ ॐ ॐ
演出
原原
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |