Page Text
________________
(५) भगवई २५ स. उ४-५ [ ३२५] उक्कोसणं आवलियाए असंखेज्जतिभागं; परट्ठाणंतरं पडुच्च जहन्नेणं एक्वं समयं, उक्कोसेणं अणंतं कालं । २३४. एवं जाव अणतपएसियस्स । २३५. परमाणुपोग्गलाणं भंते ! सव्वेयाणं केवतियं कालं अंतरं होइ ?, नत्यंतरं । २३६, निरेयाणं केवतियं ०? नत्थंतरं । २३७. दुपएसियाणं भंते! खंधाणं देसेयाणं केवतियं कालं०? नत्थंतरं । २३८. सव्वेयाणं केवतियं कालं ०? नत्थंतरं । २३९. निरेयाणं केवतियं कालं ०? नत्यंतरं । २४०. एवं ताव अणंतपएसियाणं । [ सु. २४१. सव्वेय-निरेयाणं परमाणुपोग्गलाणं अप्पाबहुयं ] २४१. एएसि णं भंते ! परमाणुपोग्गलाणं सव्वेयाणं निरेयाण य कयरे कयरेहिंतो जाव विसेसाहिया वा ? सव्वत्थोवा परमाणुपोग्गला सव्वेया, निरेया असंखेज्नगुणा । [सु. २४२-४४. देसेय- सव्वेय-निरेयाणं दुपएसियाईणं अनंतपएसियपज्जंताणं खंधाणं अप्पाबहुयं ] २४२. एएसि णं भंते ! दुपएसियाणं खंधाणं देसेयाणं सव्वेयाणं निरेयाण य कयरे कयरेहिंतो जाव विसेसाहिया वा ? गोयमा ! सव्वत्थोवा दुपएसिया खंधा सव्वेया, देसेया असंखेज्जगुणा, निरेया असंखेज्जगुणा । २४३. एवं जाव असंखेज्जपएसियाणं खंधाणं । २४४. एएसि णं भंते ! अनंतपएसियाणं खंधाणं देसेयाणं सव्वेयाणं निरेयाण य कयरे कयरेहिंतो जाव विसेसाहिया वा ? गोयमा ! सव्वत्थोवा अणतपएसिया खंधा सव्वेया, निरेया अणंतगुणा, देसेया अनंतगुणा । [ सु. २४५. सव्वेय-निरेयाणं परमाणुपोग्गलाणं देसेय सव्वेय-निरेयाण य संखेज्ज - असंखेज्ज- अणतपएसियाणं खंधाणं दव्वट्ट्याए पएसट्टयाए दव्वट्ठपएसट्टयाए य अप्पाबहुयं ] २४५. एएणि णं भंते ! परमाणुपोग्गलाणं, संखेज्जपएसियाणं असंखेज्जएसियाणं अणतपएसियाण य खंधाणं देसेयाणं सव्वेयाणं निरेयाणं दव्वट्टयाए पएसट्टयाए दव्वट्ठपएसट्टयाए करे करेहिंतो जाव विसेसाहिया वा ? गोयमा ! सव्वत्थोवा अणतपएसिया खंधा सव्वेया दव्वट्टयाए १, अणतपएसिया खंधा निरेया दव्वट्टयाए अनंतगुणा २, अणंतपएसिया खंधा सेया दव्वट्टयाए अणंतगुणा ३, असंखेज्नपएसिया खंधा सव्वेया दव्वट्टयाए अनंतगुणा ४, संखेज्जपएसिया खंधा सव्वेया दव्वट्टयाए असंखेज्जगुणा ५, परमाणुपोग्गला सव्वेया दव्वट्टयाए असंखेज्जगुणा ६, संखेज्जपएसिया खंधा देसेया दव्वट्टयाए असंखेज्जगुणा ७, असंखेज्नपएसिया खंधा देसेया दव्वट्टयाए असंखेज्जगुणा ८, परमाणुपोग्गला निरेया दव्वट्टयाए असंखेज्जगुणा ९, संखेज्जपएसिया खंधा निरेया दव्वट्टयाए संखेज्जगुणा १०, असंखेज्जपएसिया खंधा निरेया दव्वट्टयाए असंखेज्जगुणा ११ । पदेसट्टयाए- सव्वत्थोवा अणतपदेसिया । एवं पएसट्टयाए वि, नवरं परमाणुपोग्गला अपएसट्टयाए भाणियव्वा । संखिज्जपएसिया खंधा निरेया पएसट्टयाए असंखेज्नगुणा, सेसं तं चेव । दव्वट्ठपएसट्टयाए- सव्वत्थोवा अणतपएसिया खंधा सव्वेया दव्वट्टयाए १, ते चेव पएसट्टयाए अनंतगुणा २, अणतपएसिया खंधा निरेया दव्वट्टयाए अनंतगुणा ३, ते चेव पएसझ्याए अनंतगुणा ४, अणतपएसिया खंधा देसेया दव्वट्टयाए अनंतगुणा ५, ते चेव पदेसट्टयाए अनंतगुणा ६, असंखेज्जपएसिया खंधा सव्वेया दव्वट्टयाए अनंतगुणा ७, ते चेव पएसट्टयाए असंखेज्जगुणा ८, संखेज्जपएसिया खंधा सव्वेया दव्वट्टयाए असंखेज्जगुणा ९, ते चेव पएसट्टयाए असंखेज्जगुणा १०, परमाणुपोग्गला सव्वेया दव्वट्ठअपए सट्टयाए असंखेज्जगुणा ११, संखेज्नपएसिया खंधा देसेया दव्वट्टयाए असंखेज्जगुणा १२, ते चेव पएसट्टयाए असंखेज्जगुणा १३, असंखेज्जपएसिया खंधा देसेया दव्वट्टयाए असंखेज्जगुणा १४, ते चेव पदेसट्टयाए असंखेज्जगुणा १५, परमाणुपोग्गला निरेया दव्वद्वअपएसट्टयाए असंखेज्जगुणा १६, संखेज्जपएसिया खंधा निरेया दव्वट्टयाए संखेज्नगुणा १७, ते चेव पएसट्टयाए संखेज्जगुणा १८, असंखेज्जपएसिया खंधा निरेया दव्वट्टयाए असंखेज्जगुणा १९, ते चेव पएसट्टयाए असंखेज्जगुणा २० । [सु. २४६ ४९ धम्मत्थिकायाईसु अत्थिकाएसु मज्झपदेससंखापरूवणं ] २४६. कति णं भंते ! धम्मत्थिकायस्स मज्झपएसा पन्नत्ता ? गोयमा ! अट्ठ धम्मत्थिकायस्स मज्झपएसा पन्नत्ता । २४७. कति णं भंते! अधम्मत्थिकायस्स मज्झपएसा पन्नत्ता ? एवं चेव । २४८. कति णं भंते! आगासत्थिकायस्स मज्झपएसा पन्नत्ता ? एवं चेव । २४९. कति णं भंते ! जीवत्थकास मज्झपएसा पन्नत्ता ? गोयमा ! अट्ठ जीवत्थिकायस्स मज्झपएसा पन्नत्ता । [सु. २५०. जीवत्थिकायमज्झपएसाणं आगासत्थिकायपदेसोगाहणं पडुच्च परूवणं ] २५०. एए णं भंते! अट्ठ जीवत्थिकायस्स मज्झपएसा कतिसु आगासपएसेसु ओगाहंति ? गोयमा ! जहनेणं एक्कंसि वा दोहि वा तीहि वा चउहिं वा पंचहिं वा छहिं वा, उक्कोसेणं अट्ठसु, नो चेव णं सत्तसु । सेवं भंते ! सेवं भंते ! ति० । ★★★ ॥ २५ सते ४ उद्देसओ || पंचमो उद्देसओ 'पज्जव' ★★★ ICKORA श्री आगमगुणमंजूषा ५४०
ANISTON
NRO
COR
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |