Page Text
________________
C%听听听听听听听听听听听听听听明明明明明明明明明明明明听听听听听听听听听听听听听听听听听听听听听
कडजुम्मपएसोगाढा, तेयोगपएसोगाढा वि, दावरजुम्मपएसोगाढा वि, कलियोगपएसोगाढा वि । १६२. चउपएसिया णं० पुच्छा । गोयमा ! ओघोदेसेणं कडजुम्मपएसोगाढा, नो तेयोग०, नोदावर०, नो कलिओग०; विहाणादेसेणं कडजुम्मपएसोगाढा विजाव कलियोगपएसोगाढा वि। १६३. एवं जाव अणंतपएसिया। १६४. परमाणुपोग्गले णं भंते ! किं कडजुम्मसमयद्वितीए० पुच्छा । गोयमा ! सिय कडजुम्मसमयट्टितीए जाव सिय कलियोगसमयट्टितीए। १६५. एवं जाव अणंतपएसिए । १६६. परमाणुपोग्गलाणं भंते ! किं कडजुम्मसमयद्वितीया० पुच्छा। गोयमा ! ओघादेसेणं सिय कडजुम्मसमयद्वितीया जाव सियकलियोगसमयट्टितीया; विहाणादेसेणं कडजुम्मसमयद्वितीया वि जाव कलियोगसमयद्वितीया वि । १६७. एवं जाव अणंतपएसिया । १६८. परमाणुपोग्गले णं भंते ! कालवण्णपज्जवेहिं किं कडजुम्मे, तेयोगे? जहा ठितीए वत्तव्वया एवं वण्णेसु वि सव्वेसु, गंधेसु वि । १६९. एवं चेव रसेसु वि जाव महुरो रसो त्ति । १७०. अणंतपएसिए णं भंते ! खंधे कक्खडफासपज्जवेहिं किं कडजुम्मे पुच्छा । गोयमा ! सिय कडजुम्मे जाव सिय कलियोगे। १७१. अणंतपएसिया णं भंते ! खंधा कक्खडफासपज्जवेहिं किं कडजुम्मा० पुच्छा। गोयमा ! ओघादेसेणं सिया कडजुम्मा जाव सिय कलियोगा; विहाणादेसेणं कडजुम्मा वि जाव कलियोगा वि । १७२. एवं मउय-गरुय-लहुया वि भाणियव्वा । १७३. सीय-उसिण-निद्ध-लुक्खा जहा वण्णा। [सु. १७४-८८. परमाणुपोग्गलाइअणंतपएसियखंधपज्जतेसु जहाजोगं सड्ड-अणड्डपरूवणं] ॥ १७४. परमाणुपोग्गले णं भंते ! किं सड्ढे अणड्ढे ? गोयमा ! नो सड्ढे, अणड्ढे । १७५. दुपएसिए० पुच्छा । गोयमा ! सड्ढे, नो अणड्डे । १७६. तिपएसिए जहा परमाणुपोग्गले । १७७. चउपएसिए जहा दुपएसिए। १७८. पंचपएसिए जहा तिपएसिए। १७९. छप्पएसिए जहा दुपएसिए। १८०. सत्तपएसिए जहा तिपएसिए। १८१. अट्ठपएसिए जहा दुपएसिए। १८२. नवपएसिए जहा तिपएसिए। १८३. दसपएसिए जहा दुपएसिए। १८४. संखेज्जपएसिए णं भंते ! खंधे० पुच्छा। गोयमा ! सिय सड्ढे, सिय अणड्ढे। १८५. एवं असंखेज्जपएसिए वि । १८६. एवं अणंतपएसिए वि। १८७. परमाणुपोग्गला णं भंते ! किं सड्ढा, अणड्ढा ? गोयमा ! सडा वा अणड्डा वा। १८८.एवं जाव अणंतपएसिया।[सु. १८९-९२. परमाणुपोग्गलाइअणंतपदेसियखंधपज्जतेसुएगत्त-पुहत्तेणं सेय-निरेयपरूवणं] १८९. परमाणुपोग्गले णं भंते ! किं सेए, निरेए ? गोयमा ! सिय सेए, सिय निरेए। १९०. एवं जाव अणंतपएसिए। १९१. परमाणुपोग्गलाणं भंते ! किं सेया, निरेया ? गोयमा ! सेया वि, निरेया वि । १९२. एवं जाव अणंतपएसिया। [सु. १९३-२०६. सेय-निरेएसु परमाणुपोग्गलाइअणंतपदेसियखंधपज्जतेसु एगत्त-पुहत्तेणं ठिईए कालंतरस्स य परूवणं ]१९३. परमाणपुग्गले णं भंते ! सेए कालतो केवचिरं होति ? गोयमा ! जहन्नेणं एक्कं समयं, उक्कोसेणं आवलियाए असंखेज्जइभाग। १९४. परमाणुपोग्गले णं भंते ! निरेए कालतो केवचिरं होइ ? गोयमा ! जहन्नेणं एवं समयं, उक्कोसेणं असंखेनं कालं । १९५. एवं जाव अणंतपएसिए। १९६. परमाणुपोग्गला णं भंते! सेया कालओ केवचिरं होति ? गोयमा ! सव्वद्धं । १९७. परमाणुपोग्गला णं भंते ! निरेया कालओ केवचिरं होति ? गोयमा ! सव्वद्धं । १९८. एवं जावई अणंतपएसिया। १९९. परमाणुपोग्गलस्सणं भंते ! सेयस्स केवतियं कालं अंतर होति ? गोयमा ! सट्ठाणंतरं पडुच्च जहन्नेणं एक्कं समयं, उक्कोसेणं असंखेज्नं कालं; परट्ठाणंतरं पडुच्च जहन्नेणं एक्कं समयं, उक्कोसेणं असंखेनं कालं । २००. निरेयस्स केवतियं कालं अंतरं होइ ? गोयमा ! सट्ठाणंतरंपडुच्च जहन्नेणं एक्कं समयं, उक्कोसेणं आवलियाए असंखेज्जतिभागं, परट्ठाणंतरं पडुच्च जहन्नेणं एक्कं समय, उक्कोसेणं असंखेज्नं कालं । २०१. दुपएसियस्स णं भंते ! खंधस्स सेयस्स० पुच्छा। गोयमा ! सट्ठाणंतरं पडुच्च जहन्नेणं एक्वं समयं, उक्कोसेणं असंखेनं कालं; परट्ठाणंतरं पडुच्च जहन्नेणं एक्कं समयं, उक्कोसेणं अणंतं कालं । २०२. निरेयस्स केवतियं कालं अंतरं होइ ? गोयमा ! सट्ठाणंतरं पडुच्च जहन्नेणं एक्कं समयं, उक्कोसेणं आवलियाए असंखेजतिभागं; परट्ठाणंतरं पडुच्च जहन्नेणं एक्कं समयं, उक्कोसेणं अणतं कालं। २०३. एवं जाव अणंतपएसियस्स। २०४. परमाणुपोग्गलाणं भंते ! सेयाणं केवतियं कालं अंतरं होइ ? गोयमा ! नत्थंतरं । २०५. निरेयाणं केवतियं कालं अंतरं होइ ? नत्थंतरं। २०६. एवं जाव अणंतपएसियाणं खंधाणं । [सु. २०७-८. सेय-निरेयाणं परमाणुपोग्गलाइअसंखेज्जपदेसियखंधपजंताणं खंधाणं अप्पाबहुयं]
२०७. एएसि णं भंते ! परमाणुपोरगलाणं सेयाणं निरेयाणं य कयरे कयरेहिंतो जाव विसेसाहिया वा ? गोयमा ! सव्वत्थोवा परमाणुपोग्गला सेया, निरेया Kero
5555555 श्री आगमगुणमंजूषा - ५३८॥555555555555555555555IOR
TO圳乐乐55$乐乐乐乐乐听听听听乐明明明明明明明明明明听听听听听听听听乐乐乐乐乐乐乐乐听听听听听听$TO
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |