Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha

SR No.: 003255
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 394
Language: Prakrit
Classification: Book_Devnagari, Agam, Canon, & agam_bhagwati
File Size: 35 MB

Page 340

(५) भगवई २५ स. उ४ [ ३२१]
原PORK
दसपएसोगाढा पोग्गला पएसट्ठताए विसेसाहिया । दसपदेसोगाढेहिंतो पोग्गलेहिंतो संखेज्जपएसोगाढा पोग्गला पएसट्टयाए बहुया । संखषज्जपएसोगाढेहिंतो पोग्गलेहिंतो असंखेज्जपएसोगाढा पोग्गला पएसट्टयाए बहुया । ११०. एएसि णं भंते ! एगसमयद्वितीयाणं दुसमयद्वितीयाण य पोग्गलाणं दव्वट्टा ? गाणा वत्तव्या एवं ठितीए वि । [ सु. १११-११२. सुत्त ९६-११०. गयवत्तव्वयाणुसारेण एगाइगुणवण्ण-गंध-रसे पडुच्च पोग्गलाणं वत्तव्वयानिद्देसो ] १११. एएसि णं भंते ! एगगुणकालगाणं दुगुणकालगाण य पोग्गलाणं दव्वट्टताए०१ एएसिं जहा परमाणुपोग्गलादीणं तहेव वत्तव्वया निरवसेसा । ११२. एवं सव्वेसिं वण्ण-गंध-रसाणं । [ सु. ११३ ११७. एगाइगुणकक्खडाइफासाणं पोग्गलाणं दव्वट्टयाए पएसट्टयाए य विसेसाहियत्ताइपरूवणं ] ११३. एएसि णं भंते ! एगगुणकक्खडाणं दुगुणकक्खडाण य पोग्गलाणं दव्वट्टयाए कयरे कयरेहिंतो विसेसाहिया ? गोयमा ! एगगुणकक्खडेहिंतो पोग्गलेहिंतो दुगुणकक्खडा पोग्गला दव्वट्टयाए विसेसाहिया । ११४. एवं जाव नवगुणकक्खडेहिंतो पोग्गलेहिंतो दसगुणकक्खडा पोग्गला दव्वट्टयाए विसेसाहिया । दसगुणकक्खडे हिंतो संखेज्जगुणकक्खडा पोग्गला दव्वट्टयाएं बहुया । संखेज्जगुणकक्खडेहिंतो पोग्गलेहिंतो असंखेज्जगुणकक्खडा पोग्गला दव्वट्टयाए बहुया । असंखेज्जगुणकक्खडे पोग्गलेहिंतो अणंतगुणकक्खडा पोग्गला दवट्टयाए बहुया । ११५. एवं पएसट्ठताए वि सव्वत्थ पुच्छा भाणियव्वा । ११६. जहा कक्खडा एवं मउय गरूय-लहुया वि । ११७. सीय-उसिण- निद्ध-लुक्खा जहा वण्णा । [ सु. ११८. परमाणुपोग्गलाणं, संखेज्ज असंखेज्ज- अणतपदेसियाण य खंधाणं दव्वट्टयाए पएसट्टयाए दव्वट्ठपएसट्टयाए य अप्पाबहुयं ] ११८. एएसि णं भंते ! परमाणुपोग्गलाणं, संखेज्जपदेसियाणं असंखेज्जपएसियाणं अणंतपएसियाण य खंधाणं दव्वट्टयाए पएस याए दव्वट्ठपएसट्टयाए कयरे कयरेहिंतो जाव विसेसाहिया वा ? गोयमा ! सव्वत्थोवा अणतपएसिया खंधा दव्वट्टयाए, परमाणुपोग्गला दव्वट्टयाए अनंतगुणा, संखेज्जपएसिया खंधा दव्वट्टयाए संखेज्जगुणा, असंखेज्जपएसिया खंधा दव्वट्टयाए असंखेज्जगुणा । पएसट्टयाए- सव्वत्थोवा अणंतपएसिया खंधा पएसताए, परमाणुपोग्गला अपदेसट्टयाए अनंतगुणा, संखेज्जपएसिया खंधा पएसट्टयाए संखेज्जगुणा, असंखेज्जपएसिया खंधा पएसट्टयाए असंखेज्जगुणा । दव्वट्ठपएसट्टयाएसव्वत्थोवा अणंतपएसिया खंधा दव्वट्टयाए, ते चेव परसट्टयाए अनंतगुणा, परमाणुपोग्गला दव्वट्टअपएसट्टयाए अनंतगुणा, संखेज्जपएसिया खंधा दव्वट्टयाए संखेज्नगुणा, ते चेव पसट्टयाए संखेज्जगुणा, असंखेज्जपएसिया खंधा दव्वट्टयाए असंखेज्जगुणा, ते चेव पएसट्टयाए असंखेज्जगुणा। [ सु. ११९-२०. एगसंखेज्ज-असंखेज्जपएसियाणं पोग्गलाणं ओगाहणं ठिडं च पडुच्च दव्वट्टयाए पएसट्टयाए दव्वट्ठपएसट्टयाए य अप्पाबहुयं ] ११९. एएसि णं भंते! एगपएसोगाढा संखेज्जपएसोगाढाणं असंखेज्जपएसोगाढाण य पोग्गलाणं दव्वट्टयाए पदेसट्टयाए दव्वपदेसट्टयाए कयरे कयरेहिंतो जाव विसेसाहिया वा ? गोयमा ! सव्वत्थोवा एगपदेसोगाढा पोग्गला दव्वट्टयाए, संखेज्जपएसोगाढा पोग्गला दव्वट्टयाए संखेज्जगुणा, असंखेज्जपएसोगाढा पोग्गला दव्वट्टयाए असंखेज्जगुणा । पएसइयाएसव्वत्थोवा एगपदेसोगाढा पोग्गला अपएसट्टयाए, संखेज्जपएसोगाढा पोग्गला पदेसट्टयाए संखेज्जगुणा, असंखेज्जपएसोगाढा पोग्गला पदेसट्टयाए असंखेज्जगुणा । दव्वट्ठपएसट्टयाए-सव्वत्थोवा एगपएसोगाढा पोग्गला दव्वट्ठअपेदसट्टयाए, संखेज्जपएसोगाढा पोग्गला दव्वट्टयाए संखेज्जगुणा, ते चेव पएसट्टयाए संखेज्जगुणा, असंखेज्जपएसोगाढा पोग्गला दव्वट्टयाए असंखेज्जगुणा, ते चेव पएसट्टयाए असंखेज्जगुणा, ते चेव पएसट्टयाए असंखेज्जगुणा । १२०. एएसि णं भंते ! एगसमयद्वितीयाणं संखेज्जसमयद्वितीयाणं असंखेज्जसमयद्वितीयाण य पोग्गलाणं ०? जहा ओगाहणाए तहा ठितीए वि भाणियव्वं अप्पाबहुगं । [सु. १२१-१२५. एग-संखेज्ज-असंखेज्ज-अणंतगुणवण्ण-गंध-रस- फासाणं पोग्गलाणं दव्वट्टयाए पएसट्टयाए दव्वट्टपएसट्टयाए य अप्पाबहुयं ] १२१. एएसि णं भंते ! एगगुणकालगाणं संखेज्जगुणकालाणं असंखेज्जगुणकालगाणं अणंतगुणकालगाण य पोग्गलाणं दव्वट्टयाए पएसट्टयाए दव्वट्ठपएसट्टयाए० ? एएसिं जहा परमाणुपोग्गलाणं अप्पाबहुगं तहा एतेसिं पि अप्पाबहुगं । १२२. एवं सेसाण वि वण्ण-गंध-रसाणं । १२३. एएसि णं भंते ! एगगुणकक्खडाणं संखेज्जगुणकक्खडाणं असंखेज्जगुणकक्खडाणं अनंतगुणकक्खडाण य पोग्गलाणं दव्वट्टयाए पएसट्टयाए दव्वपएसट्टयाए कयरे कयरेहिंतो जाव विसेसाहिया वा ? गोयमा ! सव्वत्थोवा एगगुणकक्खडा पोग्गला ॐ श्री आगमगुणमजूषा ५३६
五五五五五五五五五五五五
(6)