Page Text
________________
दावरजुम्मा, नो कलियोगा; सरीरपएसे पडुच्च ओघादेसेणं सिय कडजुम्मा जाव सिय कलियोगा, विहाणादेसेणं कडजुम्मा वि जाव कलियोगा वि । ३८. एवं नेरइया वि । ३९. एवं जाव वेमाणिया । ४०. सिद्धा णं भंते !० पुच्छा । गोयमा ! ओघादेसेण वि विहाणादेसेण वि कडजुम्मा, नो तेयोगा, नो दावरजुम्मा, नो कलियोगा । [ सु. ४१-४६. जीव-चउवीसइदंडय - सिद्धेसु एगत्त- पुहत्तेहिं खेत्तं पडुच्च जुम्मभेयपरूवणं ] ४१. जीवे णं भंते! किं कडजुम्मपएसोगाढे० पुच्छा । गोयमा ! सिय कडजुम्मपएसोगाढे जाव सिय कलियोगपएसोगाढे । ४२. एवं जाव सिद्धे । ४३. जीवा णं भंते! किं कडजुम्मपएसोगाढा० पुच्छा । गोयमा ! ओघादेसेणं कडजुम्मपएसोगाढा, नो तेयोग०, नो दावर०, नो कलियोग०; विहाणादेसेणं कडजुम्मपएसोगाढा वि कलियोगपएसोगाढा वि । ४४. नेरतिया णं० पुच्छा । गोयमा ! ओघादेसेणं सिय कडजुम्मपएसोगाढा जाव सिय कलियोगपएसोगाढा; विहाणादेसेणं कडजुम्मपएसोगाढा वि जाव कलियोगपएसोगाढा वि । ४५. एवं एगिदियसिद्धवज्जा सव्वे वि । ४६. सिद्धा एगिंदिया य जहा जीवा । [ सु. ४७-५४. जीव - चउवीसइदंडय - सिद्धेसु एगत्त-पुहत्तेहिं ठिइं पहुच्च जुम्मभेयपरूवणं ] ४७. जीवे णं भंते ! किं कडजुम्मसमयद्वितीए० पुच्छा । गोयमा ! कडजुम्मसमयद्वितीए, नो तेयोग०, नो दावर०, नो कलियोगसमयद्वितीये । ४८. नेरइए णं भंते !० पुच्छा । गोयमा ! सिय कडजुम्मसमयद्वितीये जाव सिय कलियोगसमयद्वितीए । ४९. एवं जाव वेमाणिए । ५०. सिद्धे जहा जीवे । ५१. जीवा णं भंते १० पुच्छा । गोयमा ! ओघादेसेण वि विहाणादेसेण वि कडजुम्मसमयद्वितीया, नो तेयोग०, नो दावर०, नो कलिओग० । ५२. नेरइया णं० पुच्छा । गोयमा ! ओघादेसेणं सिय
जुम्मसमयद्वितीया जाव सियकलियोगसमयद्वितीया; विहाणादेसेणं कडजुम्मसमयद्वितीया वि जाव कलियोगसमयद्वितीया वि । ५३. एवं जाव वेमाणिया । ५४. सिद्धा जहा जीवा । [सु. ५५-६१. जीव- चउवीसइदंडएससु एगत्त- पुहत्तेहिं 'वण्णाइभावं पडुच्च जुम्मभेयपरूवणं ] ५५. जीवे णं भंते ! कालवण्णपज्जवेहिं किं कडजुम्मे० पुच्छा । गोयमा ! जीवपएसे पडुच्च नो कडजुम्मे जाव नो कलियोगे; सरीरपएसे पडुच्च सिय कडजुम्मे जाव सिय कलियोगे । एवं जाव वेमाणिए । ५७. सिद्धो ण चेव पुच्छिज्जति । ५८. जीवा णं भंते ! कालवण्णपज्जवेहिं० पुच्छा । गोयमा ! जीवपएसे पडुच्च ओघादेसेण वि विहाणादेसेण वि नो कडजुम्मा नाव नो लियोगा; सरीरपए से पडुच्च ओघादेसेणं सिय कडजुम्मा जाव सिय कलियोगा, विहाणादेसेणं कडजुम्मा वि जाव कलियोगा वि । ५९. एवं जाव वेमाणिया । ६०. एवं नीलवण्णपज्जवेहि वि दंडओ भाणियव्वो एगत्त-पुहत्तेणं । ६१. एवं जाव लुक्खफासपज्जवेहिं । [सु. ६२- ७९. जीव चउवीसइदंडय - सिद्धेसु जहाजोगं एगत्तपुहत्तेहिं नाण-अन्नाण-दंसणपज्जवे पडुच्च जुम्मभेयपरूवणं ] ६२. जीवे णं भंते ! आभिणिबोहियनाणपज्जवेहिं किं कडजुम्मे० पुच्छा । गोयमा ! सिय कडजुम्मे जाव सिय कलियोगे । ६३. एवं एगिदियवज्जं जाव वेमाणिए । ६४. जीवा णं भंते! आभिणिबोहियणाणपज्जवेहिं० पुच्छा । गोयमा ! ओघादेसेणं सिय कजुम्मा कलियोगा, विहाणादेसेणं कडजुम्मा वि जाव कलियोगा वि । ६५. एवं एगिदियवज्जं जाव वेमाणिया । ६६. एवं सुयनाणपज्जवेहि वि । ६७, ओहिनाणपज्जवेहि वि एवं चेव, नवरं विगलिंदियाणं नत्थि ओहिनाणं । ६८. मणपज्जवनाणं पि एवं चेव, नवरं जीवाणं मणुस्साण य, सेसाणं नत्थि । ६९. जीवे णं भंते! केवलनाणपज्जवेहिं किं जुम्मे० पुच्छा । गोयमा ! कडजुम्मे, नो तेयोए, नो दावरजुम्मे, णो कलियोए । ७०. एवं मणुस्से वि । ७१. एवं सिद्धे वि । ७२. जीवा णं भंते! केवलनाण० पुच्छा । गोयमा ! ओघादेसेण वि विहाणादेसेण वि कडजुम्मा, नो तेयोगा, नो दावर०, नो कलियोगा । ७३. एवं मणुस्सा वि । ७४. एवं सिद्धा वि । ७५. जीवे णं भंते ! मतिअन्नाणपज्जवेहिं किं कडजुम्मे० ? जहा आभिणिबोहियनारपज्जवेहिं तहेव दो दंडगा । ७६. एवं सुयअन्नाणपज्जवेहि वि । ७७. एवं विभंगनाणपज्जवेहि वि । ८७. चक्खुदंसण-अचक्खुदंसण- ओहिदंसणपज्जवेहि वि एवं चेव, नवरं जस्स जं अत्थि तं भाणियव्वं । ७९. केवलदंसणपज्जवेहिं जहा केवलनाणपज्जवेहिं । [सु. ८०. सरीरभेयाइजाणणत्थं पण्णवणासुत्तालोयणनिद्देसो ] ८०. कति णं भंते ! सरीरगा पन्नत्ता ? गोयमा ! पंच सरीरगा पन्नत्ता, तं जहा - ओरालिय जाव कम्मए । एत्थ सरीरगपदं निरवसेसं भाणियव्वं जहा पण्णवणाए । [ सु. ८१-८६. जीव - चउवीसइदंडएस सेय-निरेय देसेय- सव्वेए पडुच्च परूवणं ] ८१. (१) जीवाणं भंते! किं सेया, निरेया ? गोयमा ! जीवा सेया वि, निरेया वि। (२) से केणट्टेणं भंते ! एवं वुच्चइ - जीवा सेया वि, निरेया वि ? गोयमा ! जीवा दुविहा पन्नत्ता, तं जहा - ॐ श्री आगमगुणमजूषा ५३४
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |