Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha

SR No.: 003255
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 394
Language: Prakrit
Classification: Book_Devnagari, Agam, Canon, & agam_bhagwati
File Size: 35 MB

Page 336

OF$$$$$$$$[$F$$$$$$$$$$$$FFFFFFFFHSSSSSSSSSSSSSSSOR
नो असंखेज्जाओ, अणंताओ। ८६. एवं दाहिणुत्तरायताओ वि। ८७. उड्डमहायताओ० पुच्छा । गोयमा ! सिय संखेज्जाओ, सिय असंखेज्जाओ, सिय अणंताओ। [सु.८८-९४ सेढीसु ओघेणं लोय-अलोयसेढीसुय जहाजोगं सादीयसपज्जवसियाइपरूवणं] ८८. सेढीओ णं भंते ! किं सादीयाओ सपज्जवसियाओ, सादीयाओ अपज्जवसिताओ, अणादीयाओ सपज्जवसियाओ, अणादीयाओ अपज्जवसियाओ ? गोयमा ! नो सादीयाओ सपज्जवसियाओ, नो सादीयाओ अपज्जवसियाओ, नो अणादीयाओ सपज्जवसियाओ, अणादीयाओ अपज्जवसियाओ। ८९. एवं जाव उड्डमहायताओ।९०.लोयागाससेढीओणं भंते ! किं सादीयाओ सपज्जवसियाओ० पुच्छा। गोयमा ! सादीयाओ सपज्जवसियाओ, नो सादीयाओ अपज्जवसियाओ, नो अणादीयाओ सपज्जावसियाओ, नो अणादीयाओ अपज्जवसियाओ।९१. एवं जाव उड्डमहायताओ। ९२. अलोयागाससेढीओणं भंते ! किं सादीयाओ० पुच्छा । गोयमा ! सिय सादीयाओ सपज्जवसियाओ, सिय सादीयाओ अपज्जवसियाओ, सिय अणादीयाओ सपज्जवसियाओ, सिय अणादीयाओ अपज्जवसियाओ । ९३. पाईणपडीणायताओ दाहिणुत्तरायताओ य एवं चेव, नवरं नो सादीयाओ सपज्जवसियाओ, सिय सादीयाओ अपज्जवसियाओ, सेसं तं चेव । ९४. उड्डमहायताओ जहा ओहियाओ तहेव चउभंगो। [सु. ९५-१०७. सेढीसु ओघेणं लोयअलोयसेढीसुय दव्वट्ठयाए पएसट्ठयाए य कडजुम्माइपरूवणं ] ९५. सेढीओणं भंते ! दव्वट्ठयाए किं कडजुम्माओ, तेओयाओ० पुच्छा। गोयमा ! कडजुम्माओ, नो तेयोयाओ, नो दावरजुम्माओ, नो कलियोगाओ। ९६. एवं जाव उड्डमहायताओ। ९७. लोयागाससेढीओ एवं चेव। ९८. एवं अलोयागाससेढीओ वि। ९९. सेढीओ णं भंते ! पएसट्ठयाए किं कडजुम्माओ०? एवं चेव । १००. एवं जाव उड्डमहायताओ । १०१. लोयागाससेढीओ णं भंते ! पएसठ्ठताए० पुच्छा । गोयमा ! सिय कडजुम्माओ, नो तेयोयाओ, सिय दावरजुम्माओ, नो कलिओयाओ। १०२. एवं पादीणपडीणायताओ वि, दाहिणुत्तरायताओ वि । १०३. उड्डमहायताओ ‘णं० पुच्छा । गोयमा ! कडजुम्माओ, नो तेयोगाओ, नो दावरजुम्माओ, नो कलियोगाओ। १०४. अलोयागाससेढीओणं भंते ! पदेसठ्ठताए० पुच्छा । गोयमा ! सिय कडजुम्माओ जाव सिय कलियोयाओ । १०५. एवं पाईणपडीणायताओ वि । १०६. एवं दाहिणुत्तरायताओ वि । १०७. उड्डमहायताओ वि एवं चेव, नवरं नो कलियोयाओ, सेसं तं चेव । [सु. १०८. सेढीणं सत्त भेया ] १०८. कति णं भंते ! सेढीओ पन्नत्ताओ ? गोयमा ! सत्त सेढीओ पन्नत्ताओ, तं जहा-उज्जुआयता, एगतोवंका, दुहतोवंका, एगओखहा, दुहतोखहा, चक्कवाला, अद्धचक्कवाला। [ सु. १०९-१३. परमाणुपोग्गल-दुपदेसियाइखंधेसु चउवीसइदंडएसु य अणुसेढिगतिपरूवणं ]१०९. परमाणुपोग्गलाणं भंते ! किं अणुसेढिं गती पवत्तति, विसेदि गती पवत्तति ? गोयमा ! अणुसेदि गती पवत्तति, नो विसेदि गती पवत्तति।११०. दुपएसियाणं भंते ! खंधाणं किं अणुसेढिं गती पवत्तति, विसेदि गती पवत्तति? एवं चेव । १११. एवं जाव अणंतपएसियाणं खंधाणं । ११२. नेरझ्याणं भंते ! किं अणुसेढिंगती पवत्तति, विसेदि गती पवत्तति ? एवं चेव।११३. एवं जाव वेमाणियाणं । सु. ११४. चउवीसइदंडयआवाससंखापरूवणं] ११४. इमीसे णं भंते ! रयणप्पभाए पुढवीए केवतिया निरयावाससयसहस्सा पन्नत्ता? गोयमा ! तीसं निरयावाससयसहस्सा पन्नत्ता । एवं जहा पढमसते पंचमुद्देसए (स० १ उ०५ सु०२-५) जाव अणुत्तरविमाण त्ति । [ सु. ११५-१६. दुवालसविहगणिपिडगसरूवजाणणत्थं नंदिसुत्तावलोयणनिद्देसो ] ११५. कतिविधे णं भंते ! गणिपिडए पन्नत्ते? गोयमा ! दुवालसंगे गणिपिडए पन्नत्ते, तं जहा-आयारो जाव दिट्ठिवाओ । ११६. से किं तं आयारो ? आयारे णं समणाणं निग्गंथाणं आयारगो० एवं अंगपरूवणा भाणियव्वा जहा नंदीए । जाव- सुत्तत्थो खलु पढमो बीओ निजुत्तिमीसओ भणिओ । तइओ य निरवसेसो एस विही होइ अणुयोगे॥१॥ [सु. ११७२१. नेरझ्याईणं सइंदियाईणं सकाइयाईणं जीव-पोग्गलाईणं आउयकम्मबंधग-अबंधगाणं च अप्पाबहुयजाणणत्थं पण्णवणासुत्तावलोयणनिद्देसो ]११७. एएसि णं भंते ! नेरतियाणं जाव देवाणं सिद्धाण य पंचगतिसमासेणं कयरे कतरेहितो० पुच्छा । गोयमा ! अप्पाबहुयं जहा बहुवत्तव्वताए अट्ठगइसमासऽप्पाबहुगं च । ११८.. एएसिणं भंते ! सइंदियाणं एगिदियाणं जाव अणिदियाण य कतरे कतरेहितो०? एयं पि जहा बहुवत्तव्वयाए तहेव ओहियं पयं भाणितव्वं । ११९. सकाइयअप्पाबहुगं तहेव
ओहियं भाणितव्वं । १२०. एएसिणं भंते ! जीवाणं पोग्गलाणं जाव सव्वपज्जवाण य कतरे कतरेहिंतो०? जहा बहुवत्तव्वयाए। १२१. एएसिणं भंते ! जीवाणं आउयस्स ROO $$$$$$ $$$$ $ $$ श्री आगमगुणमजूषा- ५३२
$ $$
$-ORR
明明明明明明明明明明听听听听听听听听听听听听听听听听听听听听听听听听听听听听听听听听听听听听听$2C