Page Text
________________
(५) भगवई २४ स. उ-२१ (३०७ ]
(उ० २० सु० १-२ ) जाव तमापुढविनेरइएहिंतो वि उववज्जंति, नो आहेसत्तमपुढविनेरइएहिंतो उवव० [सु. २-४ मणुस्सउववज्जं तम्मि रयणप्पभारइतमापज्र्ज्जतपुढविनेरइयम्मि उववाय परिमाणाइवीसइदारपरूवणं ] २. रयणप्पभपुढविनेरइए णं भंते ! जे भविए मणुस्सेसु उवव० से णं भंते ! केवतिकाल ०? गोयमा ! जहन्त्रेणं मासपुहुत्तट्ठितीएसु, उक्कोसेणं पुव्वकोडिआउएसु । ३. अवसेसा वत्तव्वया जहा पंचिदियतिरिक्खजोणिएसु उववज्ज॑तस्स तहेव, नवरं परिमाणे जहन्नेणं एक्को वा दो वा तिन्नि वा, उक्कोसेणं संखेज्जा उववज्जंति, जहा तहिं अंतोमुहुत्तेहिं तहा इहं मासपुहुत्तेहिं संवेहं करेज्जा। सेसं तं चेव । ४. जहा रयणप्पभाए तहा सक्करप्पभाए वि वत्तव्वया, नवरं जहन्नेणं वासपुहुत्तद्वितीएसु, उक्कोसेणं पुव्वकाडि० । ओगाहणा-लेस्सा-नाण-ट्ठिति- अणुबंध-संवेहनाणत्तं च जाना जव तिरिक्खजोणियउद्देसए (उ० २० सु० ८-९ ) एवं जाव तमापुढविनेरइए । [सु. ५-१२. मणुस्सउववज्जंतेसु तेउ वाउवज्जएगिदिय-विगलिंदियपंचेदियतिरिक्खजोणिय मणुस्सेसु उववाय- परिमाणाइवीसइदारपरूवणं ] ५. जति तिरिक्खजोणिएहिंतो उववज्जति किं एगिदियतिरिक्खजोणिएहिंतो उववज्जंति, जाव पंचेदियतिरिक्खजोणिएहिंतो उवव० ? गोयमा ! एगिदियतिरिक्ख० भेदो जहा पंचेदियतिरिक्खजोणिउद्देसए (उ० २०सु० ११) नवरं तेउ-वाऊ पडिसेहेयव्वा । सेसं तं चैव जाव- ६. पुढविकाइए णं भंते! जे भविए मणुस्सेसु उववज्जित्तए से णं भंते! केवति० ? गोयमा ! जहन्त्रेणं अंतोमुहुत्तट्ठितीएसु, उक्कोसेणं पुव्वकोडिआउएसु उवव० । ७. ते णं भंते ! जीवा०? एवं जा चेव पंचेंदियतिरिक्खजोणिएसु उववज्जमाणस्स पुढविकाइयस्स वत्तव्वया सा चेव इह वि उववज्जमाणस्स भाणियव्वा नवसु वि गमएस, नवरं ततिय-छट्ट - णवमेसु गमएसु परिमाणं जहन्नेणं एक्को वा दो तिन्नि वा, उक्कोसेणं संखेज्ना उववज्र्ज्जति । ८. जाहे अप्पणा जहन्नकालद्वितीओ भवति ताहे पढमगमए अज्झवसाणा पसत्था वि अप्पसत्था वि, बितियगमए अप्पसत्था, ततियगमए पवत्था भवंति । सेसं तं चैव निरवसेसं । ९. जति आउकाइए० एवं आउकाइयाण वि | १०. एवं वणस्सतिकाइयाण वि । ११. एवं जाव चउरिदियाणं । १२. असन्निपंचेंदियतिरिक्खजोणिया सन्निपंचेंदियतिरिक्खजोणिया असन्निमणुस्सा सन्निमणुस्सा य, एए सव्वे वि जहा पंचेंदियतिरिक्खजोणिउद्देसए तहेव भाणितव्वा, नवरं एताणि चेव परिमाण अज्झवसाणणाणत्ताणि जाणिज्जा पुढविकाइयस्स एत्थ चेव उद्देसए भाणियाणि । सेसं तहेव निरवसेसं । [सु. १३. देवे पडुच्च मणुस्सउववायपरूवणं] १३. जदि देवेहिंतो उवव० किं भवणवासिदेवेहिंतो उवव०, वाणमंतर-जोतिसिय-वेमाणियदेवेहिंतो उवव०? गोयमा ! भवणवासि० जाव वेमाणिय० । [सु. १४-२७. मणुस्सउववज्जंतेसु भवणवासि वाणमंतरजोतिसिय-वेमाणियदेवेसु उववाय- परिमाणाइवीसइदारपरूवणं ] १४. जदि भवण० किं असुर० जाव थणिय०? गोयमा ! असुर० जाव थणिय० । १५. असुरकुमारे
भंते! जे भवि मस्सेसु उवव० से णं भंते ! केवति० ? गोयमा ! जहन्नेणं मासपुहत्तद्वितीएसु, उक्कोसेणं पुव्वकोडिआउएस उववज्जेज्जा । एवं जच्चेव पंचेदियतिरिक्खजोणिउद्देसवत्तव्वया सा चेव एत्थ वि भाणियव्वा, नवरं जहा तहिं जहन्नगं अंतोमुहुत्तट्ठितीएसु तहा इहं मासपुहत्तट्ठिईएसु, परिमाणं जहन्नेणं एक्को वा दो वा तिन्निवा, उक्कोसेणं संखेज्जा उववज्जंति । सेसं तं चेव जाव ईसाणदेवो त्ति । एयाणि चेव णाणत्ताणि । सणकुमारादीया जाव सहस्सारो त्ति, जहेव पंचेंदियतिरिक्खजोणिउद्देसए नवरं परिमाणे जहन्त्रेणं एक्को वा दो वा तिन्नि वा, उक्कोसेणं संखेज्जा उववज्जंति । उववाओ जहनेणं वासपुहत्तट्ठितीएसु, उक्कोसेणं पुव्वकोडिआउएसु उवव० । सेसं तं चेव । संवेहं वासपुहत्तपुव्वकोडीसु करेज्जा । १६. सणकुमारे ठिती चउग्गुणिया अट्ठावीसं सागरोवमा भवंति । माहिदे ताणि चे सातिरेगाणि । बंभलोए चत्तालीसं। लंतए छप्पण्णं । महासुक्के अट्ठसट्ठि । सहस्सारे बावत्तरिं सागरोवमाई। एसा उक्कोसा ठिती भणिया, जहन्नद्वितिं पि चउगुणेज्जा । १७. आयदेवे णं भंते! जे भविए मणुस्सेसु उववज्जित्तए से णं भंते! केवति०? गोयमा ! जहन्त्रेणं वासपुहत्तट्ठितीएसु उवव०, उक्कोसेणं पुव्वकोडिद्वितीएसु । १८. ते णं भंते !o ? एवं जहेव सहस्सारदेवाणं वत्तव्वया, नवरं ओगाहणा- ठिति- अणुबंधे य जाणेज्जा | सेसं तं चेव । भवाएसेणं जहन्नेणं दो भवग्गहणाई, उक्कोसेणं छ भवग्गहणाई । कालाएसेणं जहन्त्रेणं अट्ठारस सागरोवमाई वासपुहत्तमब्भहियाई, उक्कोसेणं सत्तावण्णं सागरोवमाई तिहिं पुव्वकोडीहिं अब्भहियाई; एवतियं कालं० । एवं नव वि गमा, नवरं ठितिं अणुबंध संवेहं च जाणेज्जा । १९. एवं जाव अच्चुयदेवो, नवरं ठितिं अणुबंध संवेहं च जाणेज्जा । पाणयदेवस्स ठिती तिउणा-सट्ठि
प्र
श्री आगमगुणमंजूषा - ५२२
7.37272
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |