Page Text
________________
(५) भगवई स. २४ उ १.२ [२९४)
जे भविए असुरकुमारेसु उववज्जित्तए से णं भंते! केवतिकालद्वितीएस उववज्जेज्जा ? गोयमा ! जहन्नेणं दसवाससहस्सद्वितीयेसु, उक्कोसेणं पलिओवमस्स असंखेज्जतिभागकालट्ठितीएसु उववज्जेज्जा । ४. ते णं भंते ! जीवा० ? एवं रयणप्पभागमगसरिसा नव वि गमा भाणियव्वा, नवरं जाहे अप्पणा जहन्नकालद्वितीयो भवति ताहे अज्झवसाणापसत्था, नो अप्पसत्था तिसु वि गमएसु । अवसेसं तं चेव । गमा १९ ॥ [ सु. ५. संखेज्जवासाउयअसंखेज्जवासाउयसन्निपंचेंदियतिरिक्खजोणियाणं असुरकुमारोववायनिरूवणं ] ५. जदि सन्निपंचेदियतिरिक्खजोणिएहिंतो उववज्जंति किं संखेज्जवासाउयसन्नि जाव उववज्जंति, असंखेज्जवासाउय जाव उववज्जंति ? गोयमा ! संखेज्जवासाउय जाव उववज्जंति, असंखेज्जवासाउय जाव उववज्जंति । [सु. ६-१६. असुरकुमारोववज्जं तम्मि असंखेज्जवासाउयसन्निपंचें दियतिरिक्खजोणियम्मि उववाय परिमाणाइवीसइदारपरूवणं ] ६. असंखेज्जवासाउयसन्निपंचेदियतिरिक्खजोणिए णं भंते! जे भविए असुरकुमारेसु उववज्जित्तए से णं भंते! केवतिकालट्ठितीएस उववज्जेज्जा ? गोयमा ! जहन्नेणं दसवाससहस्सट्टितीएसु उववज्जेज्जा, उक्कोसेणं तिपलिओवमट्ठितीएस उववज्जेज्जा । ७. ते णं भंते ! जीवा एगसमएणं० पुच्छा। गोयमा ! जहन्नेणं एक्को वा दो वा तिन्निवा, उक्कोसेणं संखेज्जा उववज्र्ज्जति । वयरोसभनारायसंघयणी । ओगाहणा जहन्त्रेणं धणुपुहुत्तं, उक्कोसेणं छग्गाड़याई । समचउरंससंठाणसंठिया पन्नत्ता । चत्तार लेस्साओ आदिल्लाओ। नो सम्मद्दिट्ठी, मिच्छादिट्ठी, नो सम्मामिच्छादिट्ठी । नो नाणी, अन्नाणी, नियमं दुअण्णाणी, तं जहा-मतिअन्नाणी, सुयअन्नाणी य। जोगो तिविहो वि । उवयोगो दुविहो वि । चत्तारि सण्णाओ । चत्तारि कसाया। पंच इंदिया । तिन्नि समुग्धाया आदिल्लगा। समोहया वि मरंति, असमोहया वि मरंति । वेणा दुवि । इत्थवेदावि, पुरिसवेदगा वि, नो नपुंसगवेदगा । ठिती जहन्त्रेणं सातिरेगा पुव्वकोडी, उक्कोसेणं तिन्नि पलिओवमाइं । अज्झवसाणा पसत्था वि अप्पसत्था वि । अणुबंधो जहेव ठिती। कायसंवेहो भवाएसेणं दो भवग्गहणाई; कालाएसेणं जहन्नेणं सातिरेगा पुव्वकोडी दसहिं वाससहस्सेहिं अब्भहिया, उक्कोसेणं छप्पलिओवमाई, एवतियं जाव करेज्जा । पदमो गमओ । ८. सो चेव जहन्नकालट्ठितीएस उववन्नो, एसा चेव वत्तव्वया, नवरं असुरकुमारट्ठिति संवेहं च जाणेज्जा । ओ ओ । ९. सो चेव उक्कोसकालट्ठितीएसु उववन्नो, जहन्नेणं तिपलिओवमट्ठितीएसु, उक्कोसेण वि तिपलिओवमट्ठितीएस उववज्जेज्जा। एसा चेव वत्तव्वया, नवरं ठिती से जहन्त्रेणं तिण्णि पलिओवमाइं, उक्कोसेण वि तिन्नि पलिओवमाइं । एवं अणुबंधो वि, कालाएसेणं जहन्नेणं छप्पलिओवमाई, उक्कोसेण वि छप्पलिओवमाई, एवतियं सेसं तं चेव । तइओ गमओ । १०. सो चेव अप्पणा जहन्नकालट्ठितीओ जाओ, जहन्नेणं दसवाससहस्सट्ठितीएसु, उक्कोसेणं सातिरेगपुव्वकोडिआउएसु उववज्जेज्जा । ११. ते णं भंते !० ? अवसेसं तं जाव भवाएसो त्ति, नवरं ओगाहणा जहन्नेणं धणुपुहत्तं, उक्कोसेणं सातिरेगं धणुसहस्सं । ठिती जहन्नेणं सातिरेगा पुव्वकोडी, उक्कोसेण वि सातिरेगा पुव्वकोडी, एवं अणुबंधो वि । कालाएसेणं जहन्नेणं सातिरेगा पुव्वकोडी दसहिं वाससहस्सेहिं अब्भहिया, उक्कोसेणं सातिरेगाओ दो पुव्वकोडीओ, एवतिय० । चउत्थो गमओ । १२. सो चेव अप्पणा जहन्नकालट्ठितीएसु उववन्नो, एसा चेव वत्तव्वया, नवरं असुरकुमारट्ठितिं संवेहं च जाणेज्जा । पंचम गमओ । १३. सो चेव उक्कोसकालट्ठितीएसु उववन्नो, जहन्त्रेणं सातिरेगपुव्वकोडिआउएस, उक्कोसेण वि सातिरेगपुव्वकोडिआरएस उववज्जेज्जा | सेसं तं चेव, नवरं कालाएसेणं जहन्नेणं सातिरेगाओ दो पुव्वकोडीओ, उक्कोसेण वि सातिरेगाओ दो पुव्वकोडीओ, एवतियं कालं सेवेज्जा० । छट्टो गमओ । १४. सो चेव अप्पणा उक्कोसकालट्ठितीओ जाओ, सो चेव पढमगमओ भाणियव्वो, नवरं ठिती जहन्नेणं तिन्नि पलिओवमाई, उक्कोसेण वि तिन्नि पलिओवमाई । एवं अणुबंधो वि । कालाएसेणं जहन्नेणं तिन्नि पलिओवमाइं दसहिं वाससहस्सेहिं अब्भहियाइं, उक्कोसेणं छ पलितोवमाइं, एवतियं० सत्तमो गमओ । १५. सो चेव जहन्नकालट्ठितीएसु उववन्नो, एसा चेव वत्तव्वया, नवरं असुरकुमारद्वितिं संवेह च जाणिज्जा । अट्ठमो गमओ । १६. सो चेव उक्कोसकालट्ठितीएसु उववन्नो, जहन्नेणं तिपलिओवमं, उक्कोसेण वि तिपलिओवमं। एसा चेव वत्तव्वया, नवरं कालाएसेणं जहन्नेणं छप्पलिओवमाइं, उक्कोसेण वि छप्पलि ओवमाई, एवतियं० । नवमो गमओ । [सु. १७
श्री आगमगुणमजूषा ५००
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |