Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha

SR No.: 003255
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 394
Language: Prakrit
Classification: Book_Devnagari, Agam, Canon, & agam_bhagwati
File Size: 35 MB

Page 311

(५) भगवई स. २४१ [२९२]
फ्र
उववज्जंति, असंखेज्जवा० जाव उववज्जंति ? गोयमा ! संखेज्जवासाउयसन्निमणु०, नो असंखेज्जवासाउय जाव उववज्जति । ९४. जदि संखेज्जवासा० जाव उववज्जंति किं पज्जत्तासंखेज्जवासाउय०, अपज्जत्तासंखेज्जवासाउय० ? गोयमा ! पज्जत्तसंखेज्जवासाउय०, नो अपज्जत्तासंखेज्जवासाउय० जाव उववज्र्ज्जति । ९५. पज्जत्तसंखेज्जवासाउयसण्णिमणुस्से णं भंते! जे भविए नेरइएस उववज्जित्तए से णं भंते ! कतिसु पुढवीसु उववज्जेज्जा ? गोयमा ! सत्तसु पुढवीसु उववज्जेज्जा, तं जहा- रयणप्पभाए जाव अहेसत्तमाए । [ सु. ९६ -१०५. रयणप्पभानरयउववज्जं तम्मि पज्जत्तसन्निसंखेज्जवासाउयमणुस्सम्मि उववायपरिमाणाइवीसइदारपरूवणं] ९६. पज्जत्तसंखेज्जवासाउयसन्निमणुस्स णं भंते ! जे भविए रतणप्पभपुढविनेरइएसु उववज्जित्तए से णं भंते ! केवतिकालद्वितीसु उववज्जेज्जा ? गोयमा ! जहण्णेणं दसवासहस्सद्वितीएसु, उक्कोसेणं सागारोवमट्टितीएस उववज्जेज्जा । ९७. ते णं भंते ! जीवा एगसमएणं केवइया उववज्जंति ? गोयमा ! जहन्नेणं एक्को वा दो वा तिन्नि वा, उक्कोसेणं संखेज्ना उववज्र्ज्जति । संघयणा छ । सरीरोगाहणा जहन्नेणं अंगुलपुत्तं, उक्कोसेणं पंच धणुसयाई । एवं सेसं जहा सन्निपंचेंदियतिरिक्खजोणियाणं जाव भवादेसो त्ति, नवरं चत्तरि नाणा, तिन्नि अन्नाणा भयणाए, छ समुग्धाया केवलिज्जा; ठिती अणुबंधो य जहन्नेणं मासपुहत्तं, उक्कोसेणं पुव्वकोडी । सेसं तं चेव । कालाएसेणं जहन्नेणं दस वाससहस्सइं मासपुहत्तमब्भहियाई, उक्कोसेणं चत्तारि सागारोवमाइं चउहिं पुव्वकोडीहिं अब्भहियाई, एवतियं जाव करेज्ना । सु० ९६-९७ पढमो गमओ । ९८. सो चेव जहन्नकालट्ठितीएसु उववन्नो, एसा चेव वत्तव्वया, नवरं कालादेसेणं जहन्त्रेणं दस वाससहस्साई मासपुहत्तमब्भहियाई, उक्कोसेणं चत्तारि पुव्वकोडीओ चत्तालीसाए वाससहस्सेहिं अब्भहियाओ, एवतियं० । सु० ९८ बीओ गमओ । ९९. सो चेव उक्कोसकालट्ठितीएसु उववन्नो, एसा चेव वत्तव्वत्ता, नवरं कालाएसेणं जहन्त्रेणं सागारोवमं मासपुहत्तमब्भहियं, उक्कोसेणं चत्तारि सागारोवमासं चउहिं पुव्वकोडीहिं अब्भहियाई, एवतियं जाव करेज्जा | सु० ९९ तइओ गमओ । १००. सो चेव अप्पणा जहन्नकालट्ठितीओ जाओ, एसा चैव वत्तव्वता, नवरं इमाई पंच नाणत्ताइं - सरीरोगाहणा जहन्नेणं अंगुलपुत्तं, उक्कोसेण वि अंगुलपुहत्तं १, तिन्नि नाणा, तिन्नि अन्नाणा भयणाए २, पंच समुग्धाया आदिल्ला ३, ठिती ४ अणुबंधो ५ य जहन्नेणं मासपुहत्तं, उक्कोसेण वि मासपुहुत्तं । सेसं तं चैव जाव भवादेसो त्ति । कालादेसेणं जहन्त्रेणं दस वाससहस्साइं मासपुहत्तमब्भहियाई, उक्कोसेणं चत्तारि सागारोवमाइं चउहिं मासपुहत्ते हिं अब्भहियाइं, एवतियं जाव करेज्जा। सु० १०० चउत्थो गमओ । १०१. सो चेव जहन्नकालद्वितीएसु उववन्नो, एसा चेव वत्तव्वया चउत्थगमगसरिसा, नवरं कालाएसेणं जहन्त्रेणं दस वाससहस्साइं मासपुहत्तमब्भहियाई, उक्कोसेणं चत्तालीसं वाससहस्साइं चउहिं मासपुहत्तेहिं अब्भहियाई, एवतियं जाव करेज्जा | सु० १०१ पंचमो गमओ । १०२. सो चेव उक्कोसकालट्ठितीएस उववन्नो, एस चेव गमगो, नवरं कालाएसेणं जहन्नेणं सागारावमं मासपुहत्तमब्भहियं, उक्कोसेणं चत्तारि सागारोवमाइं चउहिं मासपुहत्तेहिं अब्भहियाई, एवतियं जाव करेज्ना । सु० १०२ छट्टो गमओ । १०३. सो चेव अप्पणा उक्कोसकालट्ठितीओ जातो, सो चेव पढमगमओ नेतव्वो, नवरं सरीरोगाहणा जहन्नेणं पंच धणुसयाई, उक्कोसेण वि पंच धणुसयाई; ठिती जहन्नेणं पुव्वकोडी, उक्कोसेण वि पुब्वकोडी; एवं अणुबंधो वि, कालाएसेणं जहन्नेणं पुव्वकोडी दसहिं वाससहस्सेहिं अब्भहिया, उक्कोसेणं चत्तारि सागारोवमाइं चउहिं पुव्वकोडीहिं अब्भहियाई, एवतियं कालं जाव करेज्जा । सु० १०३ सत्तमो गमओ । १०४. सो चेव जहन्नकालट्ठितीएस उववन्नो, स च्चेव सत्तमगमगवत्तव्वया, नवरं कालाएसेणं जहन्त्रेणं पुव्वकोडी दसहिं वाससहस्से हिं अब्भहिया, उक्कोसेणं चत्तारि पुव्वकोडीओ चत्तालीसाए वाससहस्सेहिं अब्भहियाओ, एवतियं कालं जाव करेज्ना । सु० १०४ अट्ठमो गमओ । १०५. सो चेव उक्कोसकालद्वितीएस उववन्नो, सा चेव सत्तमगमगवत्तव्वया, नवरं कालाएसेणं जहन्त्रेणं सागारोवमं पुव्वकोडीए अब्भहियं, उक्कोसेणं चत्तारि सागारोवमाई चउहिं पुव्वकोडीहिं अब्भहियाई, एवतियं कालं सेवेज्जा जाव करेज्जा । सु० १०५ नवमो गमओ । [ सु. १०६-१०. सक्करप्पभानरयउववज्जं तमि पज्जत्तसन्निसंखेज्जवासाउयमणुस्सम्मि उववाय परिमाणाइवीसइदारपरूवणं ]१०६. पज्जत्तसंखेज्जवासाउयसन्निमणुस्से णं भंते! जे भविए सक्करप्पभाए पुढवीए
COOK श्री आगमगुणमंजूषा - ५०७ ॐ ॐ ॐ