Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha

SR No.: 003255
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 394
Language: Prakrit
Classification: Book_Devnagari, Agam, Canon, & agam_bhagwati
File Size: 35 MB

Page 306

FORG555555555555
(५) भगवई सू. -२४ उ. १ (२८७]
$$$
$
$
$
2C%$$$$$$明明明明明明明明明 乐乐乐乐乐乐乐乐乐乐国乐乐乐乐听听听听听听听听听听听听听听乐乐
पंचेदियतिरिक्खजोणिएहिंतो उववज्जति । ३ जति पंचेदियतिरिक्खजोणिएहिंतो उववज्जति किं सन्निपंचेदियतिरिक्खजोणिएहिंतो उववज्जति, असन्निपंचेदियतिरिक्खजोणिएहिंतो उववज्जति? गोयमा ! सन्निपंचेदियतितरिक्खजोणिएहितो वि उववज्जति, असन्निपंचेदियतिरिक्खजोणिएहितो वि उववजंति। (४) जति सन्निपंचेदियतिरिक्खजोणिएहिंतो उववज्जति किं जलचरेहितो उववज्जंति, थलचरेहिंतो उववज्जति, खहचरेहिंतो उववज्जति? गोयमा ! जलचरेहितो वि उववज्जति, थलचरेहितो वि उववजंति, खहचरेहितो वि उववज्जति। (५) जति जलचर-थलचर-खहचरेहिंतो उववज्जति किं पज्जत्तएहिंतो उववज्जति, अपज्जत्तएहितो
उववज्जति? गोयमा ! पज्जत्तएहिंतो उववज्जति, नो अपज्जत्तएहिंतो उववज्जति। [सु. ४-५०. नरयउववज्जतम्मि पज्जत्तअसन्निपंचेदियतितरिक्खजोणियम्मि म उववाय -परिमाणाइवीसइदारपरूवणं] ४. पज्जत्ताअसन्निपंचेदियतिरिक्खजोणिए णं भंते ! जे भविए नेरइएसु उववज्जित्तए से णं भंते ! कतिसु पुढवीसु उववज्जेज्जा ?
गोयमा ! एगाए रयणप्पभाए पुढवीए उववज्जेज्जा। ५. पज्जत्ताअसन्निपंचेंदियतिरिक्खजोणिए णं भंते ! जे भविए रयणप्पभापुढविनेरइएसु उववज्जित्तए से णं भंते! ' केवतिकालद्वितीएसु उववज्जेज्जा? गोयमा ! जहन्नेणं दसवीससहस्सद्वितीएसु, उक्कोसेणं पलिओवमस्स असंखेज्जतिभागद्वितीएसु उववज्जेजा। ६. ते णं भंते ! जीवा एगसमएणं केवतिया उववज्जंति ? गोयमा ! जहन्नेणं एक्को वा दो वा तिन्नि वा, उक्कोसेणं संखेज्जा वा, असंखेज्जा वा उववज्जति। ७. तेसि णं भंते ! जीवाणं सरीरगा किंसंघयणा पन्नत्ता ? गोयमा ! सेवट्टसंघयणा पन्नत्ता । ८. तेसिं णं भंते ! जीवाणं केमहालिया सरीरोगाहणा पन्नत्ता? गोयमा ! जहन्नेणं अंगुलस्स असंखेज्जतिभागं, उक्कोसेणं जोयणसहस्सं । ९. तेसिणं भंते ! जीवाणं सरीरगा किंसंठिया पन्नत्ता? गोयमा ! हुंडसंठाणसंठिया पन्नत्ता। १०. तेसि णं भंते ! जीवाणं कति लेस्साओ पन्नत्ताओ? गोयमा ! तिन्नि लेस्साओ पन्नत्ताओ, तं जहा-कण्हलेस्सा नीललेस्सा काउलेस्सा।११. ते णं भंते ! जीवा किं सम्मदिट्ठी, मिच्छादिट्ठी, सम्मामिच्छादिट्ठी? गोयमा ! नो सम्मट्ठिी, मिच्छादिट्ठी, नो सम्मामिच्छदिट्ठी। १२. ते णं भंते ! जीवा किं नाणी, अन्नाणी ? गोयमा ! नो नाणी, अन्नाणी, नियम दुअन्नाणी, तं जहा-मतिअन्नाणी य सुयअन्नाणी य।१३. तेणं भंते ! जीवा किंमणजोगी, वइजोगी, कायजोगी? गोयमा ! नो मणजोगी, वइजोगी वि, कायजोगी वि। १४. ते णं भंते ! जीवा किं सागारोवउत्ता ? गोयमा ! सागारोवउत्ता वि, अणागारोवउत्ता वि। १५. तेसिंणं भंते ! जीवाणं कति सन्नाओ पन्नत्ताओ? गोयमा ! चत्तारि सन्नाओ पन्नत्ताओ, तं जहा-आहारसण्णा भयसण्णा मेहुणसण्णा परिग्गहसण्णा । १६. तेसिं णं भंते ! जीवाणं कति कसाया पन्नत्ता ? गोयमा ! चत्तारि कसाया पन्नत्ता, तं जहा-कोहकसाये माणकसाये मायाकसाये लोभकसाये। १७.तेसिंणं भंते ! जीवाणं कति इंदिया पन्नत्ता ? गोयमा ! पंच इंदिया पन्नत्ता, तं जहा-सोतिदिए चक्खिदिए जाव फासिदिए । १८. तेसि णं भंते ! जीवाणं कति समुग्घाया पन्नत्ता ? गोयमा ! तओ समुग्घाया पन्नत्ता, तं जहा-वेयणासमुग्घाए कसायसमुग्घाए मारणंतियसमुग्घाए। १९. ते णं भंते ! जीवा किं सायावेदगा, असायावेदगा ? गोयमा ! सायावेदगा वि, असातावेदगा वि । २०. ते णं भंते ! जीवा किं इत्थिवेदगा, पुरिसवेदगा, नपुंसगवेदगा ? गोयमा ! नो इत्थिवेदगा, नो पुरिसवेदगा, नपुंसगवेदगा। २१. तेसि णं भंते ! जीवाणं केवतियं कालं ठिती पन्नत्ता ? गोयमा ! जहन्नेणं अंतोमुहहुत्तं, उक्कोसेणं पुव्वकोडी । २२. तेसि णं भंते ! जीवाणं केवतिया अज्झवसाणा पन्नत्ता ? गोयमा ! असंखेज्जा अज्झवसाणा पन्नत्ता । २३. ते णं भंते ! किं पसत्था, अप्पसत्था ? गोयमा ! पसत्था वि, अप्पसत्था वि । २४. से णं भंते ! 'पज्जत्ताअसन्निपंचेदियतिरिक्खजोणिये' इति कालओ केवचिरं होइ ? गोयमा ! जहन्नेणं अंतोमुहुत्तं, उक्कोसेणं पुव्वकोडी । २५. से णं भंते ! 'पज्जत्ताअसन्निपंचेदियतिरिक्खजोणिए रयणप्पभापुढ विनेरइए पुणरवि 'पज्जत्ताअसन्निपंचेदियतिरिक्खजोणिए' त्ति केवतियं कालं सेवेज्जा ?, केवतियं कालं गतिरागतिं करेज्जा ? गोयमा ! भवादेसेणं दो भवग्गहणाइं; कालाएसेणं जहन्नेणं दस वाससहस्साइं अंतोमुहुत्तमब्भहियाई, उक्कोसेणं पलिओवमस्स असंखेज्जतिभागं पुव्वकाडिअब्भहियं; एवतियं काल सेवेज्जा, एवतियं कालं गतिरागतिं
करेजा। सु. ५-२५ पढमो गमओ। २६. पज्जत्ताअसन्निपंचेदियतिरिक्खजोणिए णं भंते ! जे भविए जहन्नकालद्वितीएसु रयणप्पभापुढविनेरइएसु उववज्जित्तए से रणं भंते ! केवतिकालद्वितीएसु उववज्जेज्जा ? गोयमा ! जहन्नेणं दसवाससहस्सद्वितीएसु, उक्कोसेण वि दसवाससहस्सद्वितीयेसु उववज्जेज्जा । २७. ते णं भंते ! जीवा meros ###555555555555555 श्री आगमगुणमंजूषा - ५०२ 5555555555555555555