Page Text
________________
KGRO
(५) भगवई श. २० उ- १० / रा. २९ उ १-८ [ २८३]
原PO
विसेसाहिया वा ? गोयमा ! सव्वत्थोवा सिद्धा चुलसीतीए य नोचुलसीतीए य समज्जिया, चुलसीतिसमज्जिया अनंतगुणा, नोचुलसीतिसमज्जिया अनंतगुणा । सेवं भंते ! सेवं भंते ! त्ति जाव विहरइ । ॥ २०.१०॥5॥ वीसतिमं सयं समत्तं ॥ २० ॥ एगवीसतिमं सयं [सु. १. एगवीसतिमसयस्स अट्ठण्हं वग्गाणं नामाई, असीइउद्देसयसंखा-निरूवणं च ] १. सालि १ कल २ अयसि ३ वंसे ४ उक्खू ५ दब्भे ६ य अब्भ ७ तुलसी ८ य। अट्ठेते दसवग्गा असीति पुण होति उद्देसा ||१||★★★ पढमे 'सालि' वग्गे पढमो उद्देसओ 'मूल' ★★★ [सु. २. पढमवग्गस्सुवुग्धाओ ] २. रायगिहे जाव एवं वयासि [सु. ३-१६. मूलत्ता वक्कंतेसु सालि-वीहिआदिजीवेसु उववाय संखासरीरोगाहणा - कम्मबंध-वेद- उदय उदीरणा लेसा-दिट्ठिआइपयाणं निरूवणं] ३. अह भंते ! साली-वीही गोधूम
जवजवणं, एसिणं जे जीवा मूलत्ताए वक्कमंति ते णं भंते ! जीवा कओहिंतो उववज्नंति ? किं नेरइएहिंतो उववज्नति, तिरि० मणु० देव० जहा वक्कंतीए तहेव उववातो, नवरं देववज्जं । ४. ते णं भंते! जीवा एगसमएणं केवतिया उववज्नंति ? गोयमा ! जहन्त्रेणं एक्को वा दो वा तिन्नि वा, उक्कोसेणं संखेज्ना वा असंखेज्जा वा उववज्र्ज्जति । अवहारो जहा उप्पलुद्देसे (स० ११ उ० १ सु० ७) । ५. एतेसि णं भंते! जीवाणं केमहालिया सरीरोगाहणा पन्नत्ता ? गोयमा ! जहन्नेणं अंगुलस्स असंखेज्जइभागं, उक्कोसेणं धणुपुहत्तं । ६. ते णं भंते! जीवा नाणावरणिज्जस्स कम्मस्स किं बंधगा, अबंधगा? तहेव जहा उप्पलुद्देसे (स० ११ उ० १ सु०९) । ७. एवं वेदे वि, उदए वि, उदीरणाए वि । ८. ते णं भंते! जीवा किं कण्हलेस्सा नील० काउ० १ छव्वीसं भंगा । ९. दिट्ठी जाव इंदिया जहा उप्पलुद्देसे (स०११ उ० १ सु० १५-३०) । १०. से णं भंते! साली-वीही गोधूम ? जव जवजवगमूलगजीवे कालओ केवचिरं होति ? गोयमा ! जहन्नेणं अंतोमुहुत्तं, उक्कोसेणं असंखेज्जं कालं । ११. से णं भंते ! साली वीही- गोधूम ? जव- जवजवगमूलगजीवे पुढविजीवे पुणरवि साली - वीहही जाव जवजवगमूलगजीवे केवतियं कालं सेवेज्जा ?, केवतियं कालं गतिरागतिं करिज्जा ? एवं जहा उप्पलुद्देसे (स० ११ उ० १ सु०३२) १२. एएणं अभिलावेणं जाव मणुस्सजीवे । १३. आहारो जहा उप्पलुद्देसे (स० ११ उ०१ सु० २१)। १४. ठिती जहन्त्रेणं अंतोमुहुत्तं, उक्कोसेणं वासपुहत्तं । १५. समुग्घायसमोहया य उव्वट्टणा य जहा उप्पलुद्देसे (स० ११ उ० १ सु० ४२-४४) । १६. अह भंते! सव्वपाणा जाव सव्वसत्ता साली वीही जाव जवजवगमूलगजीवत्ताए उववन्नपुव्वा ? हंता, गोयमा ! असतिं अदुवा अणंतखुत्तो । सेवं भंते ! सेवं भंते ! ति० ॥२१-१.१ ॥ ★★★ पढमे 'सालि' वग्गे बीओ उद्देसओ 'कंदे' ★ ★ ★ [सु. १. कंदत्ताए वक्कंतेसु सालि-वीहिआदिजीवेसु पढमुद्देसगाणुसारेणं निरूवणं] १. अह भंते! साली वीही जाव जवजवाणं, एएसि णं जे जीवा कंदत्ताए वक्कमंति ते णं भंते ! जीवा कओहिंतो उववज्जंति ? एवं कंदाहिगारेण सो चेव मूलुद्देसो अपरिसेसो भाणियव्वो जाव असतिं अदुवा अणंतखुत्तो। सेवं भंते! सेवं भंते! ति० । ।२१-१.२ ॥ ★★★ पढमे 'सालि' वग्गे तइओ उद्देसओ 'खंधे' ★★★ [सु. १. खंधत्ताए वक्कंतेसु सालि०वीहिआदिजीवेसु पढमुद्देसगाणुसारेणं निरूवणं ] १. एवं खंधे वि उद्देसओ नेतव्वो ॥२१-१.३ ॥ ★★★ पढमे 'सालि' वग्गे चउत्थो उद्देसओ 'तया' ★★★ सु. १. तयत्ताए वक्कतेसु सालि-वीहिआदिजीवेसु पढमुद्देसगाणुसारेणं निरूवणं १. एवं तयाए वि उद्देसो । ।।२१-१.४॥ ★★★ पढमे 'सालि' वग्गे पंचमो उद्देसओ 'साले' ★★★ [सु. १. सालत्ताए वक्कंतेसु सालि-वीहिआदिजीवेसु पढमुद्देसगाणुसारेणं निरूवणं ]१. साले वि उद्देसो भाणियव्वो ॥२१-१.५॥ ★★★ पढमे 'सालि' वग्गे छट्टो उद्देसओ 'पवाल' ★★★ [ सु. १. पवालत्ताए वक्कंतेसु सालिवीहिआदिजीवेसु पढमुद्देसगाणुसारेणं निरूवणं १. पवाले वि उद्देसो भाणियव्वो। ।।२१-१.६ ।। ★ ★ ★ पढमे 'सालि' वग्गे सत्तमो उद्देसओ 'पत्ते' ★** [सु. १. पत्तत्ताए वक्कंतेसु सालि-वीहिआदिजीवेसु पढमुद्देसगाणुसारेणं निरूवणं ] १. पत्ते वि उद्देसो भाणियव्वो । एए सत्त वि उद्देसगा अपरिसेसं जहा मूले तहा नेयव्वा ।।।२१-१.७।। ★★★ पढमे 'सालि' वग्गे अट्टमो उद्देसओ 'पुप्फे' ★★★ [सु. १. पुप्फत्ताए वक्कंतेसु सालि-वीहिआदिजीवेसु पढमुद्देसगाणुसारेणं
DOKO श्री आगमगुणमंजूषा ४९८ SO2OK
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |