Page Text
________________
KOROS
(५) भगवई श. २० उ-१०
फ्रफ़ फ्र
[ २८१] नो कतिसंचिता, अकतिसंचिता, नो अवत्तव्वगसंचिता। (२) से केणट्टेणं जाव अवत्तव्वगसचिता ? गोयमा ! पुढविकाइया असंखेज्जएणं पवेसणएणं पविसंति; से तेणट्टेणं जाव नो अवत्तव्वगसचिता । २६. एवं जाव वणस्सतिकाइया । २७. बेदिया जाव वेमाणिया जहा नेरइया । २८. (१) सिद्धाणं पुच्छा । गोयमा ! सिद्धा कतिसचिता, नो अकतिसचिता, अवत्तव्वगसचिता वि । (२) से केणद्वेणं जाव अवत्तव्वगसंचिता वि ? गोयमा ! जे णं सिद्धा संखेज्जएणं पवेसणएणं पविसंति ते सिद्धा कतिसंचिता, जे णं सिद्धा एक्कएणं पवेसणएणं पविसंति ते णं सिद्धा अवत्तव्वगसंचिता; से तेणद्वेणं जाव अवत्तव्वगसंचिता वि ।
[ सु. २९-३०. कति अकति अवत्तव्वगसंचिएसु चउवीसइदंडएस अप्पाबहुयं ]२९. एएसि णं भंते! नेरइयाणं कतिसंचिताणं अकतिसंचियाणं अवत्तव्वगसंचिताण य कयरे कयरेहिंतो जाव विसेसाहिया वा ? गोयमा ! सव्वत्थोवा नेरइया अवत्तव्वगसंचिता, कतिसंचिता संखेज्जगुणा, अकतिसंचिता असंखेज्जगुणा । ३०. एवं एगिदियवज्जाणं जाव वेमाणियाणं अप्पबहुगं, एगिदियाणं नत्थि अप्पाबहुगं । [ सु. ३१. कति अव्वत्तव्वगसंचिएस सिद्धेसु अप्पाबहुयं ] ३१. एएसि णं भंते ! सिद्धाणं कतिसंचियाणं, अवत्तव्वगसंचिताण य कयरे कयरेहिंतो जाव विसेसाहिया वा ? गोयमा ! सव्वत्थोवा सिद्धा कतिसंचिता, अवत्तव्वगसंचिता संखेज्नगुणा । [सु: ३२-३६. चउवीसइदंडएस सिद्धेसु य छक्कपिंडिय- नोछक्कपिडियाइ - पयाणं जहाजोगं निरूवणं] ३२. (१) नेरइया णं भंते! किं छक्कसमज्जिया, नोछक्कसमज्जिया, 'छक्केण य नोछक्केण य समज्जिया, छक्केहिं समज्जिया, छक्केहि य नोछक्केण य समज्जिया ? गोयमा ! नेरइया छक्कसमज्जिया वि, नोछक्कसमज्जिया वि, छक्केण य नोछक्केण य समज्जिया वि, छक्केहिं समज्जिया वि, छक्केहि य नोछक्केण य समज्जिया वि। (२) से केणट्टेणं भंते ! एवं वुच्चइ-नेरइया छक्कसमज्जिया वि जाव छक्केहि य नोछक्केण •य समज्जिया वि? गोयमा ! जे णं नेरइया छक्कएणं पवेसणएणं पविसंति ते णं नेरइया छक्कसमज्जिता । जे णं नेरइया जहन्नेणं एक्केणं वा दोहिं वा तीहिं वा, उक्कोसेण पंचएणं पवेसणएणं पविसंति ते णं नेरइया नोछक्कसमज्जिया । जे णं नेरइया एगेणं छक्कएणं; अन्त्रेण य जहन्नेणं एक्केण वा दोहिं वा तीहिं वा, उक्कोसेणं पंचएणं पवेसणएणं पविसंति ते णं नेरइया छक्केण य नोछक्केण य समज्जिया । जे णं नेरइया णेगेहिं छक्कएहिं पवेसणगं पविसंति ते णं नेरइया छक्केहिं समज्जिया । जे गं नेरइया
हिं छक्क हिं; अन्त्रेण य जहन्नेणं एक्केण वा दोहिं वा तीहिं वा, उक्कोसेणं पंचएणं पवेसणएणं पविसंति ते णं नेरइया छक्केहि य नोछक्केण य समज्जिया । से तेणद्वेणं तं वाव समज्जिया वि । ३३. एवं जाव थणियकुमारा । ३४. (१) पुढविकाइयाणं पुच्छा । गोयमा ! पुढविकाइया नो छक्कसमज्जिया, नो नोछक्कसमज्जिया, नो छक्केण य नोछक्केण य समज्जिया, छक्केहिं समज्जिया वि, छक्केहि य नोछक्केण य समज्जिया वि । (२) से केणट्टेणं जाव समज्जिता वि ? गोयमा ! जे णं पुढविकाइया णेगेहिं छक्कएहिं पवेसणगं पविसंति ते णं पुढविकाइया छक्केहिं समज्जिया । जे णं पुढविकाइया णेगेहिं छक्कएहि, अन्त्रेण य जहन्नेणं एक्केण वा दोहिं वा तिहिं वा, उक्कोसेणं पंचएणं पवेसणएणं पविसंति ते णं पुढविकाइया छक्केहि य नोछक्केण य समज्जिया । से तेणट्टेणं जाव समज्जिया वि । ३५. एवं जाव वणस्सइकाइया, इंदिया जाव वेमाणिया । ३६. सिद्धा जहा नेरइया । [सु. ३७-४२. छक्कपिंडिय- नोछक्कपिंडियाईणं चउवीसइदंडयाणं सिद्धाणं च अप्पाबहुयं ] ३७. एएसि णं भंते ! नेरतियाणं छक्कसमज्जियाणं, नोछक्कसमज्जिताणं, छक्केण य नोछक्केण य समज्जियाणं, छक्केहिं समज्जियाणं, छक्केहि य नोछक्केण य समज्जियाणं कयरे कयरेहिंतो जाव विसेसाहिया वा? गोयमा ! सव्वत्थोवा नेरइया छक्कसमज्जिया, नोछक्कसमज्जिया संखेज्जगुणा, छक्केण य नोछक्केण य समज्जिया संखेज्जगुणा, छक्केहिं समज्जिया असंखेज्जगुणा, छक्केहि य नोछक्केण य समज्जिया संखेज्जगुणा । ३८. एवं जाव थणियकुमारा । ३९. एएसि णं भंते! पुढविकाइयाणं छक्केहिं समज्जिताणं, छक्केहिय नोछक्केण य समज्जियाणं कयरे कयरेहिंतो जाव विसेसाहिया वा ? गोयमा ! सव्वत्थोवा पुढविकाइया छक्केहिं समज्जिया, छक्केहि य नोछक्केण य समज्जिया संखेज्जगुणा । ४०. एवं जाव वणस्सइकाइयाणं । ४१. बेइंदियाणं जाव वेमाणियाणं जहा नेरइयाणं । ४२. एएसि णं भंते! सिद्धाणं छक्कसमज्जियाणं, नोछक्कसमज्जियाणं जाव छक्के हि नोछक्केण य समज्जियाण य कयरे कयरेहिंतो जाव विसेसाहिया वा? गोयमा ! सव्वत्थोवा सिद्धा छक्केहि य नोछक्केण य समज्जिया, छक्केहिं समज्जिया संज्जगुणा, छक्केण यनोछक्केण य समज्जिया संखेज्जगुणा, छक्कसमज्जिया संखेज्जगुणा, नोछक्कसमज्जिया संखेज्जगुणा । [ सु. ४३-४७. चउवीसइदंडएस सिद्धेसु श्री आत्ममगुणमंजूषा - ४९६
200
DOO
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |