Page Text
________________
(५) भगवई १ सतं उद्देसक ५ [११]
जधन्निया ओगाहणा, पदेसाहिया जहन्निया ओगाहणा, दुप्पदेसाहिया जहन्निया ओगाहणा जाव असंखेज्जपदेसाहिया जहन्निया ओगाहणा, तप्पाछग्गुक्कोसिया ओगाहणा । ११. इमीसे णं भंते! रतणप्पभाए पुढवीए तीसाए निरयावाससयसहस्सेसु एगमेगंसि निरयावासंसि जहन्नियाए ओगाहणाए वट्टमाणा नेरतिया किं कोहोवउत्ता० ? असीति भंगा भाणियव्वा जाव संखिज्जपदेसाधिया जहन्निया ओगाहणा । असंखेज्जपदेसाहियाए जहन्नियाए ओगाहणाए वट्टमाणाणं तप्पाउग्गुक्कोसियाएं ओगाहणाए वट्टमाणाणं नेरइयाणं दोसु वि सत्तावीसं भंगा। [सु. १२-१३. नेरइयाणं कोहोवउत्ताइवत्तव्वयापुव्वं तइयं सरीरदारं ] १२. इमीसे णं भंते! रयण० जाव एगमेगंसि निरयावासंसि नेरतियाणं कति सरीरया पण्णत्ता ? गोयमा ! तिण्णि सरीरया पण्णत्ता । तं जहा वेउव्विए तेयए कम्मए । १३. (१) इमीसे णं भंते ! जाव वेउव्वियसरीरे वट्टमाणा नेरतिया किं कोहोवयुत्ता० |? सत्तावीसं भंगा । २ एतेणं गमेणं तिण्णि सरीरा भाणियव्वा । [सु. १४-१५. नेरइयाणं कोहोवउत्ताइवत्तव्वयापुव्वं चउत्थं संघयणदारं] १४. इमीसे णं भंते ! रयणप्पभाए पुढवाह जाव नेरइयाणं सरीरगा किं संघयणा पण्णत्ता ? गोयमा ! छण्हं संघयणाणं असंघयणा, नेवऽट्ठी, नेव छिरा, नेव ण्हारूणि । जे पोग्गला अणिट्ठा अकंता अप्पिया असुभा अमुणुण्णा अमणामा ते तेसिं सरीरसंघातत्ताए परिणमंति। १५. इमीसे भंते! जाव छह संघयणाणं असंघयणे वट्टमाणा नेरइया किं कोहोवउत्ता० ? सत्तावीसं भंगा। [सु. १६-१७. नेरइयाणं कोहोवउत्ताइवत्तव्वयापुव्वं पंचमं संठाणदारं] १६. इमीसे णं भंते! रयणप्पभा जाव सरीरया किंसंठिता पण्णत्ता ? गोयमा ! दुविधा पण्णत्ता । तं जहा भवधारणिज्जा य उत्तरवेउब्विया । जे ते भवधारिणिज्जाते हुंडसंठिया पण्णत्ता । तत्थ णं उत्तरवेउब्विया ते वि हुंडसंठिया पण्णत्ता । १७. इमीसे णं जाव हुंडठाणे वट्टमाणा नेरइया किं कोहोवउत्ता० ? सत्तावीसं भंगा। [सु. १८-१९. नेरइयाणं कोहोवउत्ताइवत्तव्वयापुव्वं छट्टं लेसादारं] १८. इमीसे णं भंते ! रयणप्पभाए पुढवीए नेरइयाणं कति लेसाओ पण्णत्ताओ ? गोयमा ! एक्का काउलेसा पण्णत्ता । १९. इमीसे णं भंते ! रयणप्पभाए जाव काउलेस्साए वट्टमाणा० ? सत्तावीसं भंगा। [सु. २०-२१. नेरइयाणं कोहोवउत्ताइवत्तव्वयापुव्वं सत्तमं दिट्ठिदारं ] २०. इमीसे णं जाव किं सम्मद्दिट्ठी मिच्छद्दिट्ठी सम्मामिच्छद्दिट्ठी ? तिण्णि वि । २१. (१) इमीसे णं जावसम्म वट्टमाणा नेरइया० ? सत्तावीसं भंगा । (२) एवं मिच्छद्दसंणे वि । (३) सम्मामिच्छद्दसंणे असीति भंगा। [सु. २२-२३. नेरइयाणं कोहोउत्ताइवत्तव्वयापुवं अट्ठमं नाणदारं ] २२. इमीसे णं भंते ! जाव किं णाणी, अण्णाणी ? गोयमा ! णाणी वि, अण्णाणी वि । तिण्णि नाणाणि नियमा, तिण्णि अण्णाणाई भयणाए । २३. (१) इमीसे णं भंते! जाव आभिणिबोहियणाणे वट्टमाणा० ? सत्तावीसं भंगा। (२) एवं तिण्णि णाणाई, तिण्णि य अण्णाणाई भाणियव्वहं । [ सु. २४-२५. नेरइया णं कोहोवउत्ताइवत्तव्वयापुव्वं नवमं जोगदारं ] २४. इमीसे णं जाव किं मणजोगी, वइजोगी, कायजोगी ? तिण्णि वि । २५. ( १ ) इमीसे णं जाव मणजोए वट्टमाणा किं कोहोवउत्ता० ? सत्तावीसं भंगा। (२) एवं वइजोए । एवं कायाजोए । [सु. २६-२७. नेरइयाणं कोहोवउत्ताइवत्तव्वयापुव्वं दसमं उवओगदारं] २६. इमीसे णं जाव नेरइया किं सागरोवयुता, अणागारोवयुत्ता ? गोयमा ! सागरोवउत्ता वि, अणागारोवयुत्ता वि । २७ (१) इमीसे णं जाव सागरोवओगे वट्टमाणा किं कोहोवउत्ता० ? सत्तावीसं भंगा । (२) एवं अणागारोवउत्ते वि सत्तावीसं भंगा। [सु. २८. सत्तविहनेरइयाणं छट्ठे लेसादारे णाणत्तं ] २८. एवं सत्त वि पुढवीओ नेतव्वाओ। णाणत्तं लेस्सासु, गाधा काऊ य दोसु, ततियाए मीसिया, नीलिया चउत्थीए। पंचमियाए मीसा, कण्हा, तो परमकण्हा ॥७॥ [सु. २९. भवणवासीणं कोहोवउत्ताइत्तव्वयापुव्वं ठिति - ओगाहणाइदसदारपरूवणं] २९. चउसट्ठीए णं भंते । असुरकुमारावाससतसहस्सेसु एगमेगंसि असुरकुमारावासंसि असुरकुमाराणं केवतिया ठिइठाणा पण्णत्ता ? गोयमा ! असंखेज्जा ठितिठाणा पण्णत्ता । तं जहा जहन्निया ठिई जहा नेरतिया तहा, नवरं पडिलोभा भंगा भाणियव्वा सव्वे वि ताव होज्ज लोभोवयुत्ता, अधवा लोभोवयुत्ता य मायोवउत्ते य, अहवा लोभोवयुत्ता य मायोवयुत्ता य । एतेणं गमेणं नेतव्वं जाव थणियकुमारा, नवरं णाणत्तं जाणितव्वं । [सु. ३०-३२. एगिदियाणं कोहोवउत्ताइवत्तव्वयापुव्वं ठितिओगाहणाइदसदापरूवणं ] ३०. असंखेज्जेसु णं भंते ! पुढविकाइयावाससतसहस्सेसु एगमेगंसि पुढविकाइयावासंसिस पुढविक्काइयाणं केवतिया ठितिठाणा पण्णत्ता ? गोयमा ! असंखेज्जा ठितिठाणा पण्णत्ता । तं जहा जहन्निया ठिई जाव तप्पा उग्गुक्कोसिया श्री आगमगुणमंजूषा २२६
9
MOKORK
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |