Page Text
________________
16x9 454
(५) भगवई स. २० उ ७-८ [२७८]
कतिविधे बंधे पन्नत्ते ? एवं चेव । ६. एवं जाव वेमाणियाणं । ७. एवं जाव अंतराइयस्स । [सु. ८-११. अट्ठण्हं मुलकम्मपगडीणं उदए बंधभेयतिगं, तस्स य चउवीसइदंडएसु परूवणं ] ८. णाणावरणिज्जोदयस्स णं भंते! कम्मस्स कतिविधे बंधे पन्नत्ते ? गोयमा ! तिविहे बंधे पन्नत्ते । एवं चेव । ९. एवं नेरइयाण वि । १०. एवं जाव वेमाणियाणं । ११. एवं जाव अंतराइओदयस्स । [ सु. १२-१८. वेदतिग-दंसणमोहणिज्ज-चरित्तमोहणिज्जाणं बंधभेयतिगं, तस्स य चउवीसइदंडएसु परूवणं ] १२. इत्थिवेदस्स णं भंते ! कतिविधे बंधे पन्नत्ते ? गोयमा ! तिविधे बंधे पन्नत्ते । एवं चेव । १३. असुरकुमाराणं भंते! इत्थिवेदस्स कतिविधे बंधे पन्नत्ते ? एवं चेव । १४. एवं जाव वेमाणियाणं, नवरं जस्स इत्थिवेदो अत्थि । १५. एवं पुरिसवेदस्स वि; एवं नपुंसगवेदस्स वि; जाव वेमाणियाणं, नवरं जस्स जो अत्थि वेदो । १६. दंसणमोहणिज्जस्स णं भंते! कम्मस्स कतिविधे बंधे पन्नत्ते ? एवं चेव । १७. एवं निरंतरं जाव वेमाणियाणं । १८. एवं चरित्तमोहणिज्जस्स वि जाव वेमाणियाणं । [सु. १९-२१. ओरालियसरीराइपदेसु बंधभेयतिगाइपरूवणं ] १९. एवं एएणं कमेणं ओरालियसरीरस्स जाव कम्मगसरीरस्स, आहारसण्णाए जाव परिग्गहसण्णाए, कण्हलेसाए जाव सुक्कलेसाए, सम्मद्दिट्ठीए मिच्छादिट्ठीए सम्मामिच्छादिट्ठीए, आभिणिबोहियणाणस्स जाव केवलनाणस्स, मतिअन्नाणस्स सुयअन्नाणस्स विभंगनाणस्स । २०. एवं आभिनिबोहियनाणविसयस्स णं भंते! कतिविधे बंधे पन्नत्ते ? जाव केवलनाणविसयस्स, मतिअन्नाणविसयस्स, सुयअन्नाणविसयस्स, विभंगनाणविसयस्स; एएसिं सव्वेसिं पयाणं तिविहे बंधे पन्नत्ते । २१. सव्वेते चउवीसं दंडगा भाणियव्वा, नवरं जाणियव्वं जस्स जं अत्थि; जाव वेमाणियाणं भंते ! विभंगणाणविसयस्स कतिविधे बंधे पन्नत्ते ? गोयमा ! तिविहे बंधे पन्नत्ते, तं जहा जीवप्पयोगबंधे अणंतरबंधे परंपरबंधे । सेवं भंते! सेवं भंते! जाव विहरति । ॥२०.७॥ ★★★ अट्टमो उद्देसओ 'भूमी' ★★★ [सु. १. कम्मभूमिसंखानिरूवणं ] १. कति णं भंते ! कम्मभूमीओ पन्नत्ताओ ? गोयमा ! पन्न कम्मभूमीओ पन्नत्ताओ, तं जहा पंच भरहाई, पंच एरवताई, पंच महाविदेहाइं । [ सु. २. अकम्मभूमिसंखानिरूवणं ]२. कति णं भंते! अकम्मभूमीओ पन्नत्ताओ? गोयमा! तीसं अकम्मभूमीओ पन्नत्ताओ, तं जहा - पंच हेमवयाई, पंच हेरण्णवयाई, पंच हरिवासाईं, पंच रम्मगवासाइं, पंच देवकुरूओ, पंच उत्तरकुरूओ । [ सु. ३-५. अकम्मभुमि-महाविदेहेसु भरहेरवएस य ओसप्पिणि उस्सप्पिणीणं अभाव- सब्भावनिरूवणं ] ३. एयासु णं भंते! तीसासु अकम्मभूमीसु अत्थि ओसप्पिणी ति वा, उस्सप्पिणी ति वा? णो तिणट्ठे समट्ठे । ४. एएसु णं भंते! पंचसु भरहेसु, पंचसु एरवएस अत्थि ओसप्पिणी ति वा, उस्सप्पिणी ति वा? हंता, अत्थि । ५. एएसु णं भंते! पंचसु महाविदेहेसु०? णेवत्थि ओसप्पिणी, नेवत्थि उस्सप्पिणी, अवट्ठिए णं तत्थ काले पन्नत्ते समणाउसो ! [ सु. ६. महाविदेहे भरहेरवएस य 'कमेणं चाउज्जाम- पंचमहव्वइयधम्मनिरूवणं ] ६. एएसु णं भंते! पंचसु महाविदेहेसु अरहंता भगवंतो पंचमहव्वतियं सपडिक्कमणं धम्मं पण्णवयंति ? णो तिणट्टे समट्ठे । एएसु णं पंचसु भरहेसु, पंचसु एरवएस पुरिम पच्छिमगा दुवे अरहंता भगवंतो पंचमहव्वतियं सपडिक्कमणं धम्मं पण्णवयंति, अवसेसा णं अरहंता भगवंतो चाउज्जामं धम्मं पण्णवयंति। एएसु णं पंचसु महाविदेहेसु अरहंता भगवंतो चाउज्जामं धम्मं पण्णवयंति । [सु. ७. भरहखेत्तव माणओसप्पिणीए चउवीसइतित्थयरनामाई] ७. जंबुद्दीवे णं भंते! दीवे भारहे वासे इमीसे ओसप्पिणीए कति तित्थयरा पन्नत्ता ? गोयमा ! चउवीसं तित्थयरा पन्नत्ता, तं जहा उसभअजिय-संभव-अभिनंदण-सुमति - सुप्पभ-सुपास-ससि - पुप्फदंत-सीयल-वासुपुज्ज-विमल - अणंतइ धम्म-संति- कुथुं - अर-मल्लि मुणिसुव्वय-नमि- पासवद्धमाणा । [ सु. ८-९ चउवीसइतित्थयराणं अंतराणि, जिणंतरेसु य कालियसुयवोच्छेयअवोच्छेयनिरूयणं ] ८. एएसि णं भंते । चउवीसाए तित्थयराणं कति जिणंतरा पन्नत्ता ? गोयमा । तेवीसं जिणंतरा पन्नत्ता । ९. एएसु णं भंते! तेवीसाए जिणंतरेसु कस्स कहिं कालियसुयस्स वोच्छेदे पन्नत्ते ? गोयमा ! एएसु णं तेवीसाए जिणंतरेसु पुरिम- पच्छिमएस अट्ठसु अट्ठसु जिणंतरेसु, एत्थ णं कालियसुयस्स अवोच्छेदे पन्नत्ते, मज्झिमएसु सत्तसु जिणंतरेसु एत्थ णं कालियसुयस्स वोच्छेदे पन्नत्ते, सव्वत्थ वि णं वोच्छिन्ने दिट्ठिवाए । [ सु. १०-११. भगवंतं सेसतित्थयरे य पडुच्च पुव्वगयसुय- अणुसज्जाणासमयनिरूवणं ] १०. जंबुद्दीवे णं भंते ! दीवे भारहे वासे इमीसे ओसप्पिणीए देवाणुपियाणं केवितियं कालं पुव्वगए अणुसज्जिस्सति ? गोयमा ! जंबुद्दीवे णं दीवे भारहे वासे इमीसे ओसप्पिणीए ममं एवं वाससहस्स श्री आगमगुणमंजूषा - ४९३
ॐ
फ्र
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |