Page Text
________________
फ्र
(५) भगवई रा. १९३८ (२६८]
फफफफफफफफ
९०-९१) तेयगसरीरस्स जाव- सव्ववसिद्ध अणुत्तरोववातियकप्पातीतवेमाणियदेवपंचेदियजीवणिव्वत्ती णं भंते ! कतिविहा पन्नत्ता ? गोयमा ! दुविहा पन्नत्ता, तं जहा - पज्जत्तगसव्वट्टसिद्धअणुत्तरोववातिय जाव देवपंचेदियजीवनिव्वत्ती य अपज्जगसव्वट्टसिद्ध अणुत्तराववाइय जाव देवपंचेदियजीवनिव्वत्तीय । सु. ५-७. कम्मनिव्वत्तिभेया, चउवीसइदंडएस कम्मनिव्वत्तिभेयपरूवणं च ५. कतिविधा णं भंते! कम्मनिव्वत्ती पन्नत्ता? गोयमा ! अडविहा कम्मनिव्वत्ती पन्नत्ता, तं जहानाणावरणिज्जकम्मनिव्वत्ती जाव अंतराइयकम्मनिव्वत्ती । ६. नेरतियाणं भंते! कतिविधा कम्मनिव्वत्ती पन्नत्ता ? गोयमा ! अट्ठविहा कम्मनिव्वत्ती पन्नत्ता, तं जहानाणावर णिज्जकम्मनिव्वत्ती जाव अंतराइयकम्मनिव्वत्ती । ७. एवं जाव वेमाणियाणं । [ सु. ८-१०. सरीरनिव्वत्तिभेया, चउवीसइदंडएस य सरीरनिव्वत्तिभेयपरूवणं] ८. कतिविधा णं भंते! सरीरनिव्वत्ती पन्नत्ता ? गोयमा ! पंचविधा सरीरनिव्वत्ती पन्नत्ता, तं जहा ओरालियसरीरनिव्वत्ती जाव कम्मगसरीरनिव्वत्ती । ९. नेरतियाणं भंते !० एवं चेव । १०. एवं जाव वेमाणियाणं, नवरं नायव्वं जस्स जति सरीराणि । [सु. ११-१४. इंदियनिव्वत्तिभेया, चउवीसइदंडएसु य इंदियनिव्वत्तिभेयपरूवणं] ११. कतिविधा णं भंते! सव्विंदियनिव्वत्ती पन्नत्ता ? गोयमा ! पंचविहा सव्विदियनिव्वत्ती पन्नत्ता, तं जहा सोतिदियनिव्वत्ती जाव फासिदियनिव्वत्ती । १२. एवं जाव नेरइया जाव थणियकुमाराणं । १३. पुढविकाइयाणं पुच्छा। गोयमा! एगा फासिदियसव्विदियनिव्वत्ती पन्नत्ता । १४. एवं जस्स जति इंदियाणि जाव वेमाणियाणं । [सु. १५-१६.भासानिव्वत्तिभेया, चउवीसइदंडएस य भासानिव्वत्तिभेयपरूवणं ] १५. कतिविधा णं भंते ! भासानिव्वत्ती, पन्नत्ता ? गोयमा ! चउव्विहा भासानिव्वत्ती पन्नत्ता, जहा-सच्चभासानिव्वत्ती, मोसभासानिव्वत्ती, सच्चामोसभासानिव्वत्ती, असच्चामोसभासानिव्वत्ती । १६. एवं एगिनियवज्जं जस्स जा भासा जाव वेमाणियाणं । [सु. १७-१८. मणनिव्वत्तिभेया, चउवीसइदंडएसु य मणनिव्वत्तिभेयपरूवणं ] १७ कतिविहा णं भंते! मणनिव्वत्ती पन्नत्ता ? गोयमा ! चउव्विहा मणनिव्वत्ती पन्नत्ता, तं जहा - सच्चभणनिव्वत्ती जाव असच्चामोसमणनिव्वत्ती । १८. एवं एगिदिय-विगलिंदियवज्जं जाव वेमाणियाणं । [ सु. १९-२० कसायनिव्वत्तिभेया, चउवीसइदंडएसु य कसायनिव्वत्तिभेयपरूवणं ] १९. कतिविहा णं भंते! कसायनिव्वत्ती पन्नत्ता ? गोयमा ! चउव्विहा कसायनिव्वत्ती पन्नत्ता, तं जहा- कोहकसायनिव्वत्ती जाव लोभकसायनिव्वत्ती । २०. एवं जाव वेमाणियाणं । [ सु. २१-२५. वण्ण-गंध-रस- फासनिव्वत्तिभेया, तेसिं च चउवीसइदंडएस निरूवणं ] २१. कतिविहा णं भंते ! वण्णनिव्वत्ती पन्नत्ता ? गोयमा ! पंचविहा वण्णनिव्वत्ती पन्न्ता, तं जहा कालावण्णनिव्वत्ती जाव सुक्किलावण्णनिव्वत्ती २२. एवं निरवसेसं जाव वेमाणियाणं । २३. एवं गंधनिव्वत्ती दुविहा जाव वेमाणियाणं । २४. रसनिव्वत्ती पंचविहा जाव वेमाणियाणं । २५. फासनिव्क्त्ती अट्ठविहा जाव वेमाणियाणं । [ सु. २६-३१. संठाणनिव्वत्तिभेया, चउवीसइदंडएस य संठाणनिव्वत्तिभेयनिरूवणं ] २६. कतिविहा णं भंते ! संठाणनिव्वत्ती पन्नत्ता ? गोयमा ! छव्विहा संठाणनिव्वत्ती पन्नत्ता, तं जहा-समचउरंससंठाणनिव्वत्ती जाव हुंडसंठाणनिव्वत्ती । २७. नेरतियाणं पुच्छा । गोयमा ! एगा हुंडसंठाणनिव्वत्ती पन्नत्ता । २८. असुरकुमाराणं पुच्छा। गोयमा ! एगा समचउरंससंठाणनिव्वत्ती पन्नत्ता । २९. एवं जाव थणियकुमाराणं । ३०. पुढविकाइयाणं पुच्छा। गोयमा ! एगा मसूरचंदासंठाणनिव्वत्ती पन्नत्ता ३१. एवं जस्स जं संठाणं जाव वेमाणियाणं । [ सु. ३२-३३. सन्नानिव्वत्तिभेया, चउवीसइदंडएसु य सन्नानिव्वत्तिभेयनिरूवणं ] ३२. कतिविधा णं भंते ! सन्नानिव्वत्ती पन्नत्ता ? गोयमा ! चउव्विहा सन्नाणिव्वत्ती पन्नत्ता, तं जहा आहारसन्नानिव्वत्ती जाव परिग्गहसन्नानिव्वत्ती । ३३. एवं जाव वेमाणियाणं । [ सु. ३४-३५. लेस्सानिव्वत्तिभेया, चउवीसइदंडएसु य लेस्सानिव्वत्तिभेयनिरूवणं ] ३४. कतिविधा णं भंते! लेस्सानिव्वत्ती पन्नत्ता ? गोयमा ! छव्विहा लेस्सानिव्वत्ती पन्नत्ता, तं जहा- कण्हलेस्सानिव्वत्ती जाव सुक्कलेस्सानिव्वत्ती । ३५. एवं जाव वेमाणियाणं, जस्स जति लेस्साओ। [ सु. ३६-३७. दिट्ठिनिव्वत्तिभेया, चउवीसइदंडएस य दिट्ठनिव्वत्तिभेयानिरूवणं ] ३६. कतिविधा णं भंते! दिट्ठिनिव्वत्ती पन्नत्ता ? गोयमा ! तिविहा दिट्ठिनिव्वत्तती पन्नत्ता, तं जहा सम्मद्दिट्ठिनिव्वत्ती, मिच्छानिट्ठिनिव्वत्ती, सम्मामिच्छादिट्ठिनिव्वत्ती। ३७. एवं जाव वेमाणियाणं, जस्स जतिविधा दिट्ठि । [ सु. ३८-४१. नाण- अन्नाणनिव्वत्तिभेया, तेसिं च चउवीसइदंडएस निरूवणं ] ३८. कतिविहाणं भंते! नाणनिव्वत्ती पन्नत्ता? गोयमा ! पंचविहा नाणनिव्वत्ती पन्नत्ता, तं जहा आभिणिबोहियनाणनिव्वत्ती जाव केवलनाणनिव्वत्ती । ३९. एवं एगिदियवज्जं श्री आगमगुणमंजूषा ४८३ फफफफफफ
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |