Page Text
________________
(५) भगवई रा. १७ उ १-२ [२४५]
जाव पंचहि किरियाहिं पुट्ठे। जेसिं पि य णं जीवाणं सरीरेहिंतो ताले निव्वत्तिए तालफले निव्वत्तिए ते वि णं जीवा काइयाए जाव पंचहिं किरियाहिं पुट्ठा। ९. अहे भंते! से तालफले अप्पणो गरुययाए जाव पच्चोवयमाणे जाई तत्थ पाणाइं जाव जीवियाओ ववरोवेति ततो णं भंते! से पुरिसे कतिकिरिए ? गोयमा ! जावं च णं से पुरिसे तालफले अप्पणो गरुययाए जाव जीवियाओ ववरोवेति तावं च णं से पुरिसे काइयाए जाव चउहिं किरियाहिं पुट्ठे । जेसिं पि य णं जीवाणं सरीरेहिंतो ताले निव्वत्तिए ते विणं जीवा काइयाए जाव चउहिं किरियाहिं पुट्ठा। जेसिं पि य णं जीवाणं सरीरेहिंतो तालफले निव्वत्तिए ते वि णं जीवा काइयाए जाव पंचहिं किरियाहिं पुट्ठा | जेविय से जीवा अहे वीससाए पच्चोवतमाणस्स उवग्गहे वट्टंति ते वि णं जीवा काइयाए जाव पंचहिं किरियाहिं पुट्ठा। [सु. १०-१४. रुक्खमूल- कंद- बीयाई पचालेमाणाइम्मि पुरिसम्मि रुक्खमूलकंद - बीयजीवेसु य किरियापरूवणाइ ] १०. पुरिसे णं भंते! रुक्खस्स मूलं पचालैमाणे वा पवाडेमाणे वा कतिकिरिए ? गोयमा ! जावं चणं से पुरिसे रुक्खस्स मूलं पचालेति वा पवाडेति वा तावं च णं से पुरिसे काइयाए जाव पंचहिं किरियाहिं पुट्ठे। जेसिं पि य णं जीवाणं सरीरेहिंतो मूले निव्वत्तिए जाव बीए निव्वत्तिए ते वि णं जीवा काइयाए जाव पंचहि किरियाहिं पुट्ठा। ११. अहे णं भंते ! से मूले अप्पणो गरुययाए जाव जीवियाओ वववेति ओणं भंते! से पुरिसे कतिकिरिए ? गोयमा ! जावं च णं से मूले अप्पणो जाव ववरोवेति तावं च णं से पुरिसे काइयाए जाव चउहिं किरियाहिं पुट्ठे । जेसिं पियणं जीवा सरीरेहिंतो कंदे निव्वत्तिए जाव बीए निव्वत्तिए ते वि णं जीवा काइयाए जाव चउहिं० पुट्ठा। जेसिं पि य णं जीवाणं सरीरेहिंतो मूले निव्वत्तिए ते वि णं जीवा काइयाए जाव पंचहिं किरियाहिं पुट्ठा। जे वि य से जीवा अहे वीससाए पच्चोवयमाणस्स उवग्गहे वट्टंति ते वि णं जीवा काइयाए जाव पंचहिं किरियाहिं पुट्ठा। १२. पुरिसे णं भंते! रुक्खस्स कंदं पचालेइ० ? गोयमा ! जावं च णं से पुरिसे जाव पंचहिं किरियाहिं पुट्टे । जेसि पि य णं जीवाणं सरीरेहिंतो कंदे निव्वत्तिते ते वि णं जीवा जाव पंचहिं किरियाहिं पुट्ठा | १३. अहे णं भंते ! कंदे अप्पणो जाव चउहिं० पुट्ठे । जेसि पि य णं जीवाणं सरीरेहिंतो मूले निव्वत्तिते, खंधे निवत्तिते जाव चउहिं० पुट्ठा। जेसिं पियणं जीवाणं सरीरेहिंतो कंदे निव्वत्तिते ते वि णं जाव पंचहिं० पुट्ठा। जे वि य से जीवा अहे वीससाए पच्चोवयमाणस्स जाव पंचहिं० पुट्ठा। १४. जहा कंदो एवं जाव बीयं। [सु. १५-१७. सरीर इंदिय जोगभेयपरूवणं ]१५. कति णं भंते! सरीरगा पन्नत्ता ? गोयमा ! पंच सरीरगा पन्नत्ता, तं जहा ओरालिए जाव कम्मए । १६. कति णं भंते! इंदिया पन्नत्ता ? गोयमा ! पंच इंदिया पन्नत्ता, तं जहा सोतिंदिए जाव फासिदिए । १७. कतिविधे णं भंते! जोए पन्नत्ते ? गोयमा ! तिविधे जोए पन्नत्ते, तं जहा मणजोए वइजोए कायजोए । [सु. १८-२५. ओरालियाइसरीरपंचगं निव्वत्तेमाणेसु जीव- चउवीसइदंडएस एगत्त-पुहत्तेणं किरियापरूवणं ] १८. जीवे णं भंते! ओरालियसरीरं निव्वत्तेमाणे कतिकिरिए ? गोयमा ! सिय तिकिरिए, सिय चउकिरिए, सिय पंचकिरिए । १९. एवं पुढविकाइए वि । २०. एवं जाव मणुस्से । २१. जीवाणं भंते! ओरालिसरीरं निव्वत्तेमाणा कतिकिरिया ? गोयमा ! तिकिरिया वि, चउकिरिया वि, पंचकिरिया वि । २२. एवं पुढविकाइया वि । २३. एवं जाव मस्सा । २४. एवं वेउव्वियसरीरेण वि दो दंडगा, नवरं जस्स अत्थि वेउव्वियं । २५. एवं जाव कम्मगसरीरं । [सु. २६-२७. इंदियपंचगं जोगितियं च निव्वत्तेमाणेसु जीव- चउवीसइदंडएस किरियापरूवणं ] २६. एवं सोतिदियं जाव फासिदियं । २७. एवं मणजोगं, वइजोगं, कायजोगं, जस्स जं अत्थि तं भाणियव्वं । एते एगत्तपुहत्ते छव्वीसं दंडगा । [सु. २८. भावस्स भेयछक्कं ]२८. कतिविधे णं भंते ! भावे पन्नत्ते ? गोयमा ! छव्विहे भावे पन्नत्ते, तं जहा उदइए उवसभिए जाव सन्निवातिए। [सु. २९. भावभेय - पभेयजाणणत्थं अणुओगद्दारसुत्तावलोयणनिद्देसो ] २९. से किं तं उदइए भावे ? उदइए भावे दुविहे पन्नत्ते, तं जहा उदए य उदए य उदयनिप्फन्ने य । एवं एतेणं अभिलावेणं जहा अणुओगद्दारे छन्नामं तहेव निरवसेसं भाणियव्वं जाव से तं सन्निवातिए भावे । सेवं भंते! सेवं भंते! ति० । ।।१७.१।।★★★ बीओ उद्देसओ 'संजय' ★★★ [सु. १-३. संजय - असंजय - संजयासंजएसु कमेणं धम्म - अधम्म- धम्माधम्म - ठितत्ताइपरूवणं ]१. से नूणं भंते! संयतविरयपडिहयपच्चक्खायपावकम्मे धम्मे ठिए, अस्संजयअविरयपडिहयअपच्चक्खायपावकम्मे अधम्मे ठिए, संजयासंजये धम्माधम्मे ठिए ?
T!
श्री आगमगुणमंजूषा - ४६०
תוב בתור.
原
666666666666
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |