Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha

SR No.: 003255
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 394
Language: Prakrit
Classification: Book_Devnagari, Agam, Canon, & agam_bhagwati
File Size: 35 MB

Page 25

Mo:0555555555555555
(५) भगवई १ सतं उद्देसक -३
[८]
15555555555555555NOR
COCs听听听听听听听听听听听听听听听听听听听听听听听听听听听听听听听听听听听听听听听听听听听听听听
चिट्ठमाणे, एवं सवरेमाणे आणाए आराहए भवति? हंता, गोयमा ! एवं मण धारेमाणे जाव भवति। [सु.७. अत्थित्तनत्थित्तपरिणामो] ७. (१) से नूणं भंते ! अत्थित्तं अत्थित्ते परिणमइ, नत्थित्तं नत्थित्ते परिणमति ? हंता, गोयमा ! जाव परिणमति। (२) जंतं भंते ! अत्थित्तं अत्थित्ते परिणमइ, नत्थित्तं नत्थित्ते परिणमति तं किं पयोगसा वीससा? गोयमा ! पयोगसा वि तं, वीससा वि तं। (३) जहा ते भंते ! अत्थित्तं अत्थित्ते परिणमइ तथा ते नत्थित्तं नत्थित्ते परिणमति ? जहा ते नत्थित्तं नत्थित्ते परिणमति तहा ते अत्थित्तं अत्थित्तेपरिणमति ? हंता, गोयमा ! जहा मे अत्थित्तं अत्थित्ते परिणमति तहा मे नत्थित्तं नत्थित्ते परिणमति, जहा मे नत्थित्तं नत्थित्ते परिणमति तहा मे अत्थित्तं अत्थित्ते परिणमति । (४) से णूणं भंते ! अत्थित्तं अत्थित्ते गमणिज्ज ? जधा परिणमइ दो आलावगा तधा गमणिज्जेण वि दो आलावगा माणितव्वा जाव तथा मे अत्थित्तं अत्थित्ते गमणिज्ज । (५) जहा ते भंते ! एत्थं गमणिज्ज तथा ते इहं गमणिज्ज ? जधा ते इहं गमणिज्जं तधा ते एत्थं गमणिज्ज ? हंता, गोयमा ! जहा मे एत्थं गमणिज्जं जाव तहा मे एत्थं गमणिज्ज । [सु.८-९. कंखामोहणिज्जकम्मबंधहेउपरूवणं] ८. जीवा णं भंते ! कंखामोहणिज्ज कम्मं बंधंति ? हंता, बंधंति । ९. (१) कहं णं भंते ! जीवा कंखामोहणिज्ज कम्मं बंधंति ? गोयमा ! पमादपच्चया जोगनिमित्तं च । (२) से णं भंते ! पमादे किंपवहे ? गोयमा ! जोगप्पवहे। (३) सेणं भंते ! जोगे किंपवहे ? गोयमा ! वीरियप्पवहे। (४) से णं भंते ! वीरिए किंपवहे ? गोयमा ! सरीरप्पवहे । (५) सेणं भंते ! सरीरे किंपवहे ? गोयमा ! जीवप्पवहे । एवं सति अत्थि उट्ठाणे ति वा, कम्मे ति वा बले ति वा, वीरए ति वा, पुरिसक्कारपरक्कमे ति वा। [सु. १०-११. कंखामोहणिज्जस्स उदीरणा-उवसामणाइ] १०.(१) सेणूणं भंते ! अप्पणा चेव उंदीरेइ, अप्पणा चेव गरहइ, अप्पणा चेव संवरेइ ? हंता, गोयमा ! चेव तं चेव उच्चारेयव्वं ३। (२) जंतं भंते ! अप्पणा चेव उदीरेइ अप्पणा चेव गरहेइ, अप्पणा चेव संवरेइ तं किं उदिण्णं उदीरेइ १ अणुदिण्णं उदीरेइ २ अणुदिण्णं उदीरणाभवियं कम्मं उदीरेइ ३ . उदयाणंतरपच्छाकडं कम्मं उदीरेइ ४ ? गोयमा! नो उदिण्णं उदीरेइ १, नो अणुदिण्णं उदीरेइ २, अणुदिण्णं उदीरणाभवियं कम्मं उंदीरेइ ३, णो उदयाणंतरपच्छाकडं कम्मं उदीरेइ ४। (३) जंतं भंते ! अणुदिण्णं उदीरणाभवियं कम्मं उदीरेइं तं किं उट्ठाण;णं कम्मेणं बलेण वीरिएणं पुरिसक्कारपरक्कमेणं अणुदिण्णं उदीरिणाभवियं कम्मं उदीरेइ ? उदाहु तं अणुट्ठाणेणं अकम्मेणं अबलेणं अवीरिएणं अपुरिसक्कारपरक्कमेणं अणुदिण्णं उदीरणाभवियं कम्मं उदीरेइ ? गोयमा ! तं उठाणेण वि कम्मेण वि बलेण वि वीरिएण वि पुरिसक्कारपरक्कमेण वि अणुदिण्णं उदीरणाभवियं कम्मं उदीरेइ, णो तं अणुट्ठाणेणं अकम्मेणं अबलेणं अवीरिएणं अपुरिसक्कारपरक्केणं अणुदिण्णं उदीरणाभवियं कम्मं उदीरेइ । एवं सति अत्थि उठाणेइ वा कम्मेइ वा बलेइ वा वीरिएइ वा पुरिसक्कारपरक्कमेइ वा । ११. (१) से नूणं भंते ! अप्पणा चेव उवसामेइ, अप्पणा चेव गरहइ, अप्पणा चेव संवरेइ ? हंता, गोयमा ! एत्थ वि तं चेव भाणियव्वं, नवरं अणुदिणं उवसामेइ, सेसा पडिसेहेयव्वा तिण्णि। (२) जं तं भंते ! अणुदिण्णं उवसामेइ तं किं उट्ठाणेणं जाव पुरिसक्कारपरक्कमेण वा। [सु. १२-१३. कंखामोहणिज्जस्स वेयण-णिज्जरणाइं] १२. से नूणं भंते ! अप्पणा चेव वेदेइ अप्पणा चेव गरहइ ? एत्थ वि व च्चेव परिवाडी। नवरं उदिण्णं वेएइ, नो अणुदिण्णं वेएइ । एवं जाव पुरिसक्कारपरक्कमे इ वा। १३. से नूणं भंते ! अप्पणा चेब निज्जरेति अप्पणा चेव गरहइ ? एत्थ वि स च्चेव परिवाडी । नवरं उदयाणंतरपच्छाकडं कम्मं निजरेइ, एवं जाव परक्कमेइ वा। [सु. १४. चउवीसदंड्यसु कंखामोहणिज्जकम्मवेदेण-निज्जरणाई ] १४. (१) नेरइया णं भंते ! कंखामोहणिज्ज कम्मं वेएंति ? जधा ओहिया जीवा तथा नेरइया जाव थणितकुमारा । (२) पुढविक्काइया णं भंते ! कंखामोहणिज्ज कम्मं वेदेति ? हंता, वेदेति। (३) कहं णं भंते ! पुढविक्काइया कंखामोहणिज्ज कम्मं वेदेति ? गोयमा ! तेसिणं जीवाणं णो एवं तक्का इ वा सण्णा इ वा पण्णा इ वा मणे इ वा वई ति वा 'अम्हेणं कंखामोहणिज्ज कम्मं वेदेमो' वेदेति पुण ते। (४) से णूणं भंते ! तमेव सच्चं नीसंकं जं जिणेहिं. पवेदियं । सेसंतं चेव जाव पुरिसक्कारपरक्केणं ति वा । (५) एवं जाव चउरिदिया। (६) पंचिदियतिरिक्खजोणिया जाव वेमाणिया जधा ओहिया जीवा। [सु. १५. निग्गंथे पडुच्च कंखामोहणिज्जवेदणवियारो ] १५. (१) अत्थि णं भंते ! समणा वि निग्गंथा कंखामोहणिज्ज कम्मं वेदेति ? हंता, अत्थि। (२) कह णं भंते! समणावि निग्गंथा कंखामोहणिज्ज कम्मं वेदेति ? गोयमा ! तेहिं तेहिं नाणंतरेहिं दसणंतरेहिं चरितंतरेहिं लिंगंतरेहिं पवयणंतरेहिं पावयणंतरेहिं कप्पंतरेहिं चरितंतरेहि OF######5 5555555555555 श्री आगमगुणमंजूषा - २२३ 555555555555555555555555OOK
SO乐乐乐明明听听听听听听听听听听听听听听听听听听听听听听听听听听听听听听听听听听听听