Page Text
________________
(५) भगवई १ सतं उद्देसक २ [६]
२
7666666666.COM असण्णिभूतं अणिदाए वेयणं वेदेति । से तेणद्वेणं ० । (३) पुढविक्कइया णं भंते! समकिरिया ? हंता, समकिरिया । से केणट्टेणं गोयमा ! पुढविकाइया सव्वे माईमिच्छदिट्ठी, ताणं नेयतियाओ पंच किरियाओ कज्नंति, तं जहा आरंभिया १ जाव मिच्छदंसणवत्तिया ५ । से तेणट्टेणं० समकिरिया । (४) समाउया, समोववन्नगा जधा नेरइया तथा भाणियव्वा । ८. जधा पुढविक्काइया तुधा जाव चउरिदिया । ९. (१) पंचिंदियतिरिक्खजोणिया जहा नेरइया । नाणत्तं किरियासु पंचिदियतिरिक्खजोणिया णं भंते! सव्वे समकिरिया ? गोयमा ! णो इणट्ठे समट्ठे । से केणट्ठेणं ? गोयमा ! पंचिदियतिरिक्खजोणिय तिविधा पण्णत्ता । तं जहा सम्मद्दिट्ठी, मिच्छादिट्ठी, सम्मामिच्छादिट्ठि ! तत्थ णं जे ते सम्मद्दिट्ठी ते दुविहा पण्णत्ता, तं जहा अस्संजता य, संजताऽसंजता य । तत्थ णं जे ते संजताऽसंजता सिणं तिन्नि किरियाओ कज्जंति, तं जहा आरंभिया १ पारिग्गहिया २ मायावत्तिया ३ । असंजताणं चत्तारि । मिच्छादिट्टीणं पंच। सम्मामिच्छादिद्वीणं पंच । १०. (१) मणुस्सा जहा नेरइया (सु. ५) नाणत्तं जे महासरीरा ते आहच्च आहारेति । जे अप्पसरीरा ते अभिक्खणं आहारेति ४ । सेसं जहा नेरइयाणं जाव वेयणा। (२) मस्सा णं भंते! सव्वे समकिरिया ? गोयमा ! णो इणट्ठे समट्ठे । से केणट्टेणं ? गोयमा ! मणुस्सा तिविहा पण्णत्ता। तं जहा सम्मद्दिट्ठी मिच्छादिट्ठी सम्मामिच्छादिट्ठी । तत्थ जे सम्मट्ठी तिविधा पण्णत्ता, तं जहा संजता अस्संजता संजतासंजता य । तत्थ णं जे ते संजता ते दुविहा पण्णत्ता, तं जहा सरागसंजता य राजता । तत्थणं जे ते वीतरागसंजता ते णं अकिरिया । तत्थ णं जे ते सरागसंजता ते दुविहा पण्णत्ता, तं जहा पमचसंजता य अपमत्तसंजता य । तत्थ जे ते पमत्तसंजता तेसि णं एगा मायावत्तिया किरिया कज्जति । तथ णं जे ते पमत्तसंजता तेसि णं दो किरियाओ कज्नंति, तं० आरंभिया य १ मायावत्तिया यर । तत्थ णं जे ते संजतासंजता तेसि णं आइल्लाओ तिन्नि किरियाओ कज्जति । अस्संजताणं चत्तारि किरियाओ कज्जति आरं० ४ । मिच्छादिट्ठिणं पंच । सम्मामिच्छादिट्ठीणं पंच ५ । ११. वाणमंतर जोतिस - वेमाणिया जहा असुरकुमारा (सु. ६)। नवरं वेयणाए नाणत्तं मायामिच्छादिट्ठीउववन्नगा य अप्पवेदणतरा, अमायिसम्मद्दिट्ठीउववन्नगा य महावेयणतरागा भाणिय जोतिस-वेमाणिया । [सु. १२. चउवीसदंडएस लेसं पडुच्च समाहाराइसत्तदारपरूवणं] १२. सलेसा णं भंते ! नेरइया सव्वे समाहारगा ? ओहियाणं, सलेसाणं, सुक्कलेसाणं, एएसि णं तिण्हं एक्को गमो । कण्हलेस नीललेसाणं पि एक्को गमो, नवरं वेदणाए - मायिमिच्छादिट्ठीउववन्नगा य, अमायिसम्मद्दिट्ठीउववण्णगा य भाणियव्वा । मणुस्सा किरियासु सराग वीयराग पमत्तापमत्ता ण भाणियव्वा । काउलेसाण वि एसेव गमो, नवरं नेरइए जहा ओहिए दंडए तहा भाणियव्वा । तेउलेसा पम्हलेसा जस्स अत्थि जहा ओहिओ दंडओ तहा भाणियव्वा, नवरं मणुस्सा सरागा वीयरागा यन भाणिय्वा । गाहा दुक्खाऽऽउए उदिण्णे, आहारे, कम्म-वण्ण-लेस्सा य । समवेदण समकिरिया समाउए चेव बोद्धव्व ॥ १॥ [सु. १३. लेसाभेयपरूवणं ] १३. कति णं भंते ! लेसाओ पण्णत्ताओ ? गोयमा छल्लेसाओ पण्णत्ताओं । तं जहा लेसाणं बीओ उद्देसओ भाणियव्वो जाव इड्डी [सु. १४-१७. जीवाईणं संसारसंचिट्ठणकालस्स भेय पभेया अप्पाबहुयं च] १४. जीवस्स णं भंते! तीतद्धाए आदिट्ठस्स कइविहे संसारसंचिट्ठणकाले पण्णत्ते ? गोयमा ! चउव्विहे संसारसंचिट्ठणकाले पण्णत्ते । तं जहा णेरइयासंसारसंचिट्टणकाले, तिरिक्खजोणियसंसारसंचिट्टणकाले, मणुस्ससंसारसंचिट्ठणकाले, देवसंसारसंचिट्टणकाले य पण्णत्ते । १५. (१) नेरइयसंसारसंचिट्टणकाले णं भंते ! कतिविहे पण्णत्ते ? गोयमा ! तिविहे पण्णत्ते । तं जहा सुन्नकाले, असुन्नकाले मिस्सकाले । २ तिरिक्खजोणियसंसारसंचिट्ठणकाले पुच्छा। गोयमा ! दुविहे पण्णत्ते । तं जहा असुन्नकाले य मिस्सकाले य । ३ मणुस्साण य, देवाण य जहा नेरइयाणं । १६. (१) एयस्स णं भंते! नेरड्यसंसारसंचिट्टणकालस्स सुन्नकालस्स असुन्नकालस्स मीसकालस्स य कयरे कयरेहिंतो अप्पे वा, बहुए वा तुल्ले वा, विसेसाहिए वा, गोयमा ! सव्वत्थोवे असुन्नकाले, मिस्सकाले अणंतगुणं, सुन्नकाले अणंतगुणे । २ तिरिक्खजोणियाणं सव्वत्थोवे असुन्नकाले मिस्सकाले अणंतगुणे । ३
स- देवाण य जहा रइयाणं । १७. एयस्स णं भंते! नेरइयसंसारसंचिट्ठणकालस्स जाव देवसंसारसंचिट्ठण जाव विसेसाधिए वा ? गोयमा ! सव्वत्थोवे मणुस्ससंसारसंचिट्ठणकाले नेरइयसंसारसंचिट्ठणकाले असंखेज्जगुणे, देवसंसारसंचिट्टणकाले असंखेज्जगुणे तिरिक्खजोणियसंसारसंचिट्टणकाले अनंतगुणे ।
Pan
फ्र श्री आगमगणमंजुषा २२१ फफफफफफफफफ 45454545454EVELS LEA
KGRO
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |