Page Text
________________
(५) भगवई स. १४ उ
-५ ६[२१०] उाणकम्बलवीरयपुरिसक्कारपरक्क मे । ११. असुरकुमारा दस ठाणाई पच्चणुभवमाणा विहरंति, तं जहा इट्ठा सद्दा, इट्ठा रूवा जाव इट्ठे उाणकम्बलवी रियपुरिसक्कारपरक्कमे । १२. एवं जाव थणियकुमारा । १३. पुढविकाइया छट्टाणाई पच्चणुभवमाणा विहरति, तं जहा इट्टाणिट्टा फासा, इट्ठाणिट्ठा गती, एवं जाव परक्कमे । १४. एवं जाव वणस्सइकाइया । १५. बेइंदिया सत्त द्वाणाई पच्चणुभवमाणा विहरंति, तं जहा इट्ठाणिट्ठा रसा, सेसं जहा एगिदियाणं । १६. तेइंदिया णं अट्ठट्ठाणाई पच्चणुभवमाणा विहरंति, तं जहा इट्ठाणिट्ठा गंधा, सेसं जहा बेइंदियाणं । १७. चउरिदिया नव ट्ठाणाइं पच्चणुभवमाणा विहरंति, तं जहा इट्ठाणिट्ठा रूवा, सेसं जहा तेइंदियाणं । १८. पंचिदियतिरिक्खजोणिया दस द्वाणाई पच्चणुभवमाणा विहरंति, तं जहा इट्ठाणिट्ठा सद्दा जाव परक्कमे । १९. एवं मणुस्सा वि । २०. वाणमंतर - जोतिसिय-वेमाणिया जहा असुरकुमारा । [सु. २१-२२. देवस्स तिरियपव्वतउल्लंघणविसए बज्झपोग्गलाऽणायाणआयाणेहिं अणुक्कमेण असामत्थं सामत्थं च ] २१. देवे णं भंते ! महिड्डीए जाव महेसक्खे बाहिरए पोग्गले अपरियादिइत्ता पभू तिरियपव्वतं वा तिरियभित्तिं बा उल्लंघेत्तए वा पल्लंघेत्तए वा ? गोयमा ! नो इणठ्ठे समठ्ठे । २२. देवे णं भंते! महिड्डीए जाव महेसक्खे बाहिरए पोग्गले परियादिइत्ता पभू तिरियप० जाव पल्लंघेत्तए वा ? हंता, पभू। सेवं भंते ! सेवं भंते ! त्ति० । ।। १४.५॥ ★★★ छट्ठो उद्देसओ 'किमाहारे' ★★★ [ सु. १. छट्टुद्देसस्सुवुग्घाओ] १. रायगिहे जाव एवं वदासी [ सु. २-३. चउवीसइदंडएसु आहार-परिणाम जोणि- ठितिपरूवणं ] २. नेरतिया णं भंते! किमाहारा, किंपरिणामा, किंजोणीया, किंठितीया पन्नत्ता ? गोयमा ! नेरइया पोग्गलाहारा, पोग्गलपरिणामा, पोग्गलजोणीया, पोग्गलठितीया, कम्मोवगा, कम्मनियाणा, कम्मद्वितीया, कम्मुणा मेव विप्परियासमेति । ३. एवं जाव वेमाणिया । [सु. ४-५. चउवीसइदंडएसु वीचिदव्व अवीचिदव्वाहारपरूवणं ] ४. (१) नेरइया णं भंते ! किं वीचिदव्वाइं आहारेति, अवीचिदव्वाइं आहारेति ? गोयमा ! नेरतिया वीचिदव्वाई पि आहारेति, अवीचिदव्वाइं पि आहारेति । (२) से केणट्टेणं भंते ! एवं वुच्चति 'नेरतिया वीचि० तं चेव जाव आहारेति' ? गोयमा ! जेणं नेरइया एगपदेसूणाई पि दव्वाइं आहारेति ते णं नेरतिया वीचिदव्वाइं आहारेति, जे णं नेरतिया पडिपुण्णाई दव्वाइं आहारेति ते णं नेरइया अवीचिदव्वाइं आहारेति । सेतेणट्टेणं गोयमा ! एवं वुच्चति जाव आहारेति । ५. एवं जाव वेमाणिया । [सु. ६-९. सक्कदेविंदाइ अच्चुयइंदपज्जंतेसु इंदेसु भोगनिरूवणं ] ६. जाहे णं भंते ! सक्के देविदे देवराया दिव्वाइं भोगभोगाई भुंजिउकामे भवति से कहमिदाणि पकरेति ? गोयमा ! ग्रं० ९००० ताहे चेव णं से सक्के देविदे देवराया एवं महं नेमिपडिरूवगं विउव्वति, एवं जोयणसयसहस्सं आयामविक्खभेणं, तिण्णि जोयणसयसहस्साइं जाव अर्द्धगुलं च किंचिविसेसाहियं परिक्खेवेणं, तस्स णं नेमिपडिरूवगस्स अवरं बहुसमरमणिज्जे भूमिभागे पन्नत्ते जाव मणीणं फासो । तस्स णं नेमिपडिरूवगस्स अवरिं बहुसमरमणिज्जे भूमिभागे पन्नत्ते जाव मणीणं फासो । तस्स णं नेमिपडिरूवगस्स बहुमज्झदेसेभागे, तत्थ णं महं एगं पासायवडेंसगं विउव्वति, पंच जोयणसयाई उड्वं उच्चत्तेणं, अड्डाइज्जाइं जोयणसयाई विक्खंभेणं अब्भुग्गयमूसिय० वण्णओ जाव पडिरूवं । तस्स णं पासायवडेंसगस्स उल्लोए पउमलयाभत्तिचित्ते जाव पडिरूवे । तस्स णं पासायवडेंसगस्स अंतो बहुसमरमणिज्जे भूमिमागे जाव णी फासो मणिपेढिया अट्ठजोयणिया जहा वेमाणियाणं । तीसे णं मणिपेढियाए उवरिं महं एगे देवसयणिज्जे विउव्वति । सयणिज्जवण्णओ जाव पडिरूवे । तत्थ णं से सक्के देविंदे देवराया अट्ठहिं अग्गमहिसीहिं सपरिवाराहिं, दोहि य अणिएहिं नट्ठाणिएण य गंधव्वाणिएण य-सद्धिं महयाहयनट्ट जाव दिव्वाइं भोगभोगाई भुंजमाणे विहरति । ७. जाहे णं ईसाणे देविदे देवराया दिव्वाइं० जहा सक्के तहा ईसाणे वि निरवसेसं । ८. एवं सणकुमारे वि, नवरं पासायवडेंसओ छज्जोयणसयाई उड्डुं उच्चत्तेणं, तिण्णि जोयणसयाई विक्खंभेणं । मणिपेढिया तहेव अट्ठजोयणिया। तीसे णं मणिपेढियाए उवरिं एत्थ णं महेगं सीहासणं विउव्वति, सपरिवारं भाणियव्वं । तत्थ णं सणकुमारे देविंदे देवराया बावत्तरीए सामाणियसाहस्सीहिं जाव चउहि य बावत्तरीहिं आयरक्खदेवसाहस्सीहिं बहूहिं सणंकुमारकप्पवासीहिं वेमाणिएहिं देवेहि य देवीहि य सद्धिं संपरिवुडे महया जाव विहरति । ९. एवं जहा सणकुमारे तहा जाव पाणतो अच्चुतो, नवरं जो जस परिवारो सो तस्स भाणियव्वो । पासायउच्चत्तं जं सएसु कप्पेसु विमाणाणं उच्चत्तं, अद्धद्धं वित्थारो जाव अच्चुयस्स नव जोयणसयाई उड्ड उच्चत्तेणं, अद्धपंचमाई श्री आगमगुणमंजूषा - ४२५
674
GRO
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |