Page Text
________________
XCK
(५) भगवई ११ सतं . १ [१५८]
हावा, एवं अभंगा । दारं १६ । [सु. २२. उप्पलपत्तजीवे पडुच्च सत्तरसमं विरइदारं ] २२. ते णं भंते ! जीवा किं विरया, अविरया विरयाविरया ? गोयमा ! नो विरया, नो विरयाविरया, अविरए वा अविरता वा । दारं १७ । [सु. २३. उप्पलपत्तजीवे पडुच्च अट्ठारसमं किरियादारं ]२३. ते णं भंते! जीवा किं सकिरिया, अकिरिया ? गोयमा ! नो अकिरिया, सकिरिया, सकिरिया वा । दारं १८ । [सु. २४. उप्पलपत्तजीवे पडुच्च एगूणवीसइमं सत्तविह अट्ठविहबंधगदारं ] २४. ते णं भंते ! जीवा किं सत्तविहबंधगा, अट्ठविहबंधगा ? गोयमा ! सत्तविहबंधए वा अट्टविहबंधए वा, अट्ठ भंगा। दारं १९ । [सु. २५-२६. उप्पलपत्तजीवे पडुच्च २०२१ तमाणि सण्णा-कसायदाराई ] २५. ते णं भंते ! जीवा किं आहारसण्णोवउत्ता, भयसण्णोवउत्ता, मेहुणसन्नोवउत्ता, परिग्गसहसन्नोवउत्ता ? गोयमा ! आहारसण्णोवउत्ता वा, असीती भंगा। दारं २० । २६. ते णं भंते! जीवा किं कोहकसायी, माणकसायी, मायाकसायी, लोभकसायी ? असीती भंगा। दारं २१ । [ सु. २७-२८. उप्पलपत्तजीवे पडुच्च २२-२३ तमाई इत्थिवेदादिवेदगबंधगाई दाराई ] २७. ते णं भंते! जीवा किं इत्थिवेदगा, पुरिसवेदगा, नपुंसगवेदगा ? गोयमा ! नो इत्थवेदगा, नो पुरिसवेदगा, नपुंसगवेदए वा नपुंसगवेदगा वा । दारं २२ । २८. ते णं भंते ! जीवा किं इत्थिवेदबंधगा, पुरिसवेदबंधगा, नपुंसगवेदबंधगा ? गोयमा ! इत्थिवेदबंधए वा पुरिसवेदबंधए वा नपुंसगवेदबंधए वा, छव्वीसं भंगा। दारं २३ । [ सु. २९-३०. उप्पलपत्तजीवे पडुच्च २४-२५ तमाइं सण्णिइंदियदारई ] २९. ते णं भंते! जीवा किं सण्णी, असण्णी ? गोयमा ! नो सण्णी, असण्णी वा असण्णिणो वा । दारं २४ । ३०. ते णं भंते ! जीवा किं सइंदिया,
दिया ? गोयमा ! नो अणिदिया, सइंदिए वा सइंदिया वा । दारं २५ । [ सु. ३१-३९. उप्पलजीवं पडुच्चं २६-२७ तमाई अणुबंध - संवेहदाराई] ३१. से णं भंते ! ‘उप्पलजीवे’ त्ति कालओ केवचिरं होति ? गोयमा ! जहन्नेणं अंतोमुहुत्तं, उक्कोसेणं असंखेज्जं कालं । दारं २६ ३२. से णं भंते ! उप्पलजीवे 'पुढविजीवे' पुणरवि 'उप्पलजीवे' त्ति केवतियं कालं से हवेज्जा ? केवतियं कालं गतिरागतिं करेज्जा ? गोयमा ! भवादेसेणं जहन्नेणं दो भवग्गहणारं, उक्कोसेणं असंखेज्जाइं भवग्गहणाई । कालादेसेणं जहन्नेणं दो अंतोमुहुत्ता, उक्कोसेणं असंखेज्जं कालं । एवतियं कालं से हवेज्जा, एवतियं कालं गतिरागतिं करेज्जा । ३३. से णं भंते ! उप्पलजीवे
उजवे एवं चेव । ३४. एवं जहा पुढविजीवे भणिए तहा जाव वाउजीवे भाणियव्वे । ३५. से णं भंते ! उप्पलजीवे से वणस्सइजीवे, से वणस्सइजीवे पुणरवि उप्पलजीवेत्ति केवतियं कालं से हवेज्जा, केवतियं कालं गतिरागतिं करेज्जा ? गोयमा ! भवाएसेणं जहन्नेणं दो भवग्गहणाई, उक्कोसेणं अणंताइं भवग्गहणाई । कालाएसेणं जहन्नेणं दो अंतोमुहुत्ता, उक्कोसेणं अणंतं कालं तरुकालो, एवतियं कालं से हवेज्जा, एवइयं कालं गइरागई करेज्जा । ३६. से णं भंते ! उप्पलजीवे इंदियजीवे, बेइंदियजीवे पुणरवि उप्पलजीवे त्ति केवतियं कालं से हवेज्जा ? केवतियं कालं गतिरागतिं करेज्जा ? गोयमा ! भवादेसेणं जहनेणं दो भवग्गहणाई, उक्कोसेणं संखेज्जाई भवग्गहणाई । कालादेसेणं जहन्नेणं दो अंतोमुहुत्ता, उक्कोसेणं संखेज्जं कालं । एवतियं कालं से हवेज्जा, एवतियं कालं गतिरागतिं करेज्जा । ३७. एवं तेइंदियजीवे, एवं चउरिदियजीवे वि । ३८. से णं भंते! उप्पलजीवे पंचेदियतिरिक्खजोणियजीवे, पंचिदियतिरिक्खजोणियजीवे पुणरवि उप्पलजीवे त्ति० पुच्छा । गोयमा ! भवादेसेणं जहन्नेणं दोभवग्गहणाई, उक्कोसेणं अट्ठ भवग्गहणाई। कालाएसेणं जहन्त्रेणं दो अंतोमुहुत्ता, उक्कोसेणं पुव्वकोडिपुहत्तं । एवतियं कालं से हवेज्जा, एवतियं कालं गतिरागतिं करेज्जा । ३९. एवं मणुस्सेण वि समं जाव एवतियं कालं गतिरागतिं करेज्जा दारं २७ । [सु. ४०-४४. उप्पलपत्तजीवे पडुच्च २८-३१ तमाई आहार-ठिइ-समुग्धाय चयणदाराई] ४०. ते णं भंते! जीवा किमाहारमाहारेति ? गोयमा ! दव्वओ अणंतपदेसियाइं दव्वाइं०, एवं जहा आहारुद्देसए वणस्सतिकाइयाणं आहारो तहेव जाव सव्वप्पणयाए आहारमाहारेति, नवरं नियमं छद्दिसिं, सेसं तं चेव । दारं २८ । ४१. तेसि णं भंते! जीवाणं केवतियं कालं ठी पत्ता ? गोयमा ! जहन्नेणं अंतोमुहुत्तं, उक्कोसेणं दस वाससहस्साइं । दारं २९ । ४२. तेसि णं भंते ! जीवाणं कति समुग्धाता पन्नत्ता ? गोयमा ! तओ समुग्धाया पन्नत्ता, तं जहा वेदणासमुग्धाए कसायसमुग्धाए मारणंतियसमुग्धाए । दारं ३० । ४३. ते णं भंते! जीवा मारणंतियसमुग्धाएणं किं समोहया मरंति, असमोहया मरंति ? गोयमा ! समोहया वि मरंति, असमोहया वि मरंति । ४४. ते णं भंते ! जीवा अणंतरं उव्वट्ठित्ता कहिं गच्छति ?, कहिं उववज्जंति ?, किं नेरइएस फफफफा श्री आगमगणमजुषा - ३७३
LEVEL
666666
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |