Page Text
________________
FOR95555555555555555
(५) भगवई ९सतं उ - ३३ [१४२]
$$$5555555520图
COC$乐乐听听听听听听听听听听听听听听听听听听听听听听听听听听听听听听听
असुयपुव्वं गिरं सोच्चा निसम्म सेयागयरोमकूवपगलंतविलीणगत्ता सोगभरपवेवियंगमंगी नित्तेया दीणविमणवयणा करयलमलिय व्व कमलमाला तक्खणओलुग्गदुब्बलसरीरलायन्नसुन्ननिच्छाया गयसिरीया पसिढिलभूसणपडतखुण्णियसंचुण्णियधवलवलयपन्भट्ठउत्तरिज्जा मुच्छावसणट्ठचेतगुरूई सुकुमालविकिण्णकेसहत्था परसुणियत्त व्व चंपगलता निव्वत्तमहे व्व इंदलट्ठी विमुक्कसंधिबंधणा कोट्टिमतलंसि ‘धसत्ति सव्वंगेहिं सन्निवडिया। [सु. ३५-४४. पव्वज्जिउकामस्स जमालिस्स पव्वज्जागहणानिवारएहिं अम्मा-पिईहिं सह संलावो] ३५. तएणं सा जमालिस्स खत्तियकुमारस्स माया ससंभमोयत्तियाए तुरियं कंचणभिंगारमुहविणिग्गयसीयलजलविमल-धारापसिच्चमाणनिव्ववियगायलट्ठी उक्खेवगतालियंटवीयणगजणियवाएणं सफुसिएणं अंतेउरपरिजणेणं आसासिया समाणी रोयमाणी कंदमाणी सोयमाणी विलवमाणी जमालिं खत्तियकुमारं एवं वयासी तुम सिणं जाय ! अम्हं एगे पुत्ते इढे कंते पिए मणुण्णे मणामे थेज्जे वेसासिए सम्मए बहुमए अणुमए भंडकरंडगसमाणे रयणे रयणब्भूए जीविऊसविये हिययनंदिजणणे उंबरपुप्फ पिव दुल्लभे सवणयाए किमंग पुण पासणयाए ? तं नो खलु जाया! अम्हे इच्छामो तुब्भं खणमवि विप्पओगं, तं अच्छाहि ताव जाया ! जाव ताव अम्हे जीवामो; तओ पच्छा अम्हेहिं कालगएहिं समाणेहिं परिणयवये वड्डिय कुलवंसतंतुकज्जम्मि निरवयक्खे समणस्स भगवओ महावीरस्स अंतियं मुंडे भवित्ता अगाराओ अणगारियं पव्वइहिसि । ३६. तए णं से जमाली खत्तियकुमारे अम्मा -पियरो एवं वयासी तहा विणं तं अम्म ! ताओ ! जं णं तुम्भे मम एवं वदह 'तुमं सि णं जाया ! अम्हं एगे पुत्ते इढे कंते तं चेव जाव पव्वइहिसि', एवं खलु अम्म ! ताओ ! माणुस्सए भवे अणेगजाइ-जरा-मरण-रोग-सारीर-माणसपकामदुक्खवेयण-वसण सतोवद्दवाभिभूए अधुवे अणितिए असासए संझब्भरागसरिसे जलबुब्बुदसमाणे कुसग्गजलबिंदुसन्निभे सुविणगदसणोवमे विज्जुलयाचंचले अणिच्चे सडण-पडण -विद्धंसणधम्मे पुव्विं वा पच्छा वा अवस्सविप्पजहियव्वे भविस्सइ, से केस णं जाणइ अम्म ! ताओ ! के पुब्विं गमणयाए ? के पच्छा गमणयाए ? तं इच्छामि णं अम्मं ! ताओ ! तुब्भेहिं अब्भणुण्णाए समाणे समणस्स भगवओ महावीरस्स जाव पव्वइत्तए। ३७. तए णं तं जमालिं खत्तियकुमारं अम्मा -पियरो एवं वयासी इमं च ते जाया ! सरीरगं पविसिट्ठरूवं लक्खण -वंजण - गुणोववेयं उत्तमबल-वीरियसत्तजुत्तं विण्णाणवियक्खणं ससोहग्गगुणसमुस्सियं अभिजायमहक्खमं विविहवाहिरोगरहियं निरुवहयउदत्तलठ्ठपंचिदियपहुं, पढमजोव्वणत्थं अणेगउत्तमगुणेहिं जुत्तं, तं अणुहोहि ताव जाव जाया ! नियगसरीररूवसोहग्गजोव्वणगुणे, तओ पच्छा अणुभूयनियगसरीररूवसोभग्गजोव्वणगुणे
अम्हेहिं कालगएहिं समाणेहिं परिणयवये वड्डिय कुलवंसतंतुकज्जम्मि निरवयक्खे समणस्स भगवओ महावीरस्स अंतियं मुंडे भवित्ता अगाराओ अणगारियं # पव्वइहिसि । ३८. तए णं से जमाली खत्तियकुमारे अम्मा -पियरो एवं वयासी तहा वि णं तं अम्म ! ताओ ! जंणं तुब्भे ममं एवं वदह 'इमं च णं ते जाया! म सरीरगं० तं चेव जाव पव्वइहिसि एवं खलु अम्म ! ताओ ! माणुस्सगं सरीरं दुक्खाययण विविवाहिसयसन्निकेतं अट्ठियकलुट्ठियं छिरा-प्रहारुजालओणद्धसंपिणद्धं
मट्टियभंडं व दुब्बलं असुइसंकिलिट्ठ अणिट्ठवियसव्वकालसंठप्पयं जराकुणिम -जज्जरघरं व सडण-पडण विद्धंसणधम्म पुव्विं वा पच्छा वा अवस्सविप्पजहियव्वं भविस्सइ, से केस णं जाणति अम्म ! ताओ ! के पुब्बिं० ? तं चेव जाव पव्वइत्तए। ३९. तए णं तं जमालिं खत्तियकुमारं अम्मा-पियरो एवं वयासी -इमाओ य ते जाया ! विपुलकुलबालियाओ कलाकु सलसव्वकाललालियसुहोचियाओ मद्दवगुणजुत्तनिउणविणओवयारपंडियवियक्खणाओ मंजुलमियमुंरभणियविहसियविप्पेक्खियगतिविलासचिट्ठियविसारदाओ अविकलकुलसीलसालिणीओ विसुद्धकुलवंससंताणतंतुवद्धणपगब्भवयभाविणीओ मणाणुकूलहियइच्छियाओ अट्ठ तुज्झ गुणवल्लभाओ उत्तमाओ निच्चं भावाणुरत्तसव्वंगसुंदरीओ भारियाओ, तं भुंजाहि ताव जाया ! एताहिं सद्धिं विउले माणुस्सए
कामभोगे, तओ पच्छा भुत्तभोगी विसयवियवोच्छिन्नकोउहल्ले अम्हेहिं कालगएहिं जाव पव्वइहिसि । ४०. तए णं से जमाली खत्तियकुमारे अम्मा -पियरो एवं 3 वयासी तहा विणं तं अम्म ! ताओ ! जंणं तुब्भे मम एवं वयह 'इमाओ ते जाया ! विपुलकुल० जाव पव्वइहिसि' एवं खलु अम्म ! ताओ ! माणुस्सगा कामभोगा उच्चार पासवण-खेल-सिंघाणगवंतपित्त-पूय-सुक्क-सोणियसमुन्भवा अमणुण्णदुरूवमुत्त-पूइपुरीसपुण्णा मयगंधुस्सासअसुभनिस्सासा उव्वेयणगा बीभच्छा LEVELECu 4 55555555555555 श्री आगमगुणमंजूषा - ३५७5555555555555555555555555556ORY
AG95555555555555555555555555555555555555555555555555OOKS
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |