Page Text
________________
XGIC555555555555555
(५) भगवई
मनं उ. ३३ [१४०]
$$$$
$$$$$$$$$
25
समणं भगवं महावीरं तिक्खुत्तो आया० जाव नमंसित्ता एवं वयासी-एवमेयं भंते ! तहमेयं भंते !' जहा खंदओ (स०२ उ०१ सु० ३४) जाव ‘से जहेयं तुब्भे वदह' त्ति कट्ट उत्तरपुरस्थिमं दिसीभागं अवक्कमइ, उत्तरपुरस्थिमं दिसीभागं अवक्कमित्ता सयमेव आभरण-मल्लालंकारं ओमुयइ, सयमेव आभरण-मल्लालंकारं ओमुइत्ता ययमेव पंचमुट्ठिय लोयं करेति, सयमेव पंचभुट्टियं लोयं करिना जेणेव समणे भगवं महावीरे नेणेव उवागच्छइ, उवागच्छित्ता समणं भगवं महावीरं तिक्खुत्तो आयाहिणं पयाहिणं जाव नमंसित्ता एवं वयासी-आलित्ते णं भंते ! लोए, पलिते णं भंते ! लोए, एवं जहा खंदओ (स०२ उ०१ सु० ३४) तहेव पब्वइओ जाव सामाइयमाझ्याइं इक्कारस अंगाई अहिज्जइ जाव बहूहिं चउत्थ-छट्ठ-ऽट्ठम-दसम जाव विचित्तेहिं तवोकम्मेहिं अप्याणं भावमाणे बहूई वासाइं सामण्णपरियाय पाउणइ, पाउणित्ता मासियाए संलेहणाए अत्ताणं झूसेति, मासियाए संलेहणाए अत्ताणं झूसित्ता सट्ठि भत्ताई अणसणाए छेदेति, सट्ठि भनाई अणसणाए छेदेत्ता जस्सट्ठाए कीरति नग्गभावो जाव तमट्ठ आराहेइ, २ जाव सव्वदुक्खप्पहीणे। १७. तए णं सा देवाणंदा माहणी समणस्स भगवओ महावीरस्स अंतियं धम्मं सोचा निसम्म हट्टतुट्ठा० समणं भगवं महावीरं तिक्खुत्तो आयाहिणपयाहिणं जाव नमंसित्ता एवं वयासि-एवमेयं भंते !, तहमेयं भंते !, एवं जहा उसमदत्तो (सु०१६) तहेव जाव धम्ममाइक्खियं । १८. तए णं समणे भगवं महावीरे देवाणंदं माहणिं सयमेव पव्वावेति, सयमेव मुंडावेति, सयमेव अजचंदणार अज्जाए सीसिणित्ताए दलयइ।१९. तए णं सा अज्जचंदणा अज्जा देवाणंदं माहणि सयमेव पवावेति, सयमेव मुंडावेति, सयमेव सेहावेति, एवं जहेब उसमदत्तो तहेव अज्जचंदणाए अज्जाए इमं एयारूवं धम्मियं उवदेसं सम्मं संपडिवज्जइ-तमाणाए तहा गच्छइ जाव संजमेणं संजमति । २०. तए णं सा देवाणंदा अन्जा अजचंदणाए अजाए अंतियं सामाइयमाइयाई , एक्कारस अंगाई अहिज्जइ। सेसं तं चेव जाव सव्वदुक्खप्पहीणा। सु. २१-११२. जमालिअहियारो] २१. तस्सणं माहणकुंडग्गामस्स नगरस्स पच्चत्थिमेणं, एत्थ णं खत्तियकुंडग्गामे नामं नगरे होत्था । वण्णओ। [सु. २२. जमालिस्स भोगोवभोगाइविभववण्णणं] २२. तत्थ णं खत्तियकुंडग्गामे नयरे जमाली नाम खत्तियकुमारे परिवसति, अड्ढे दित्ते जाव अपरिभूए उप्पिं पासायवरगए फुट्टमाणेहिं मुइंगमत्थएहिं बत्तीसतिबद्धेहिं नाडएहिं वरतरुणीसंपउत्तेहिं उवनच्चिज्जमाणे उवनच्चिज्जमाणे उवगिज्जमाणे उवगिज्जमाणे उवलालिज्जमाणे उवलालिज्जमाणे पाउस-वासारत्त-सदर-हेमंत-वसंत-गिम्हपज्जते छप्पि उऊ जहाविभवेणं माणेमाणे माणेमाणे कालं गालेमाणे इढे सद्द-फरिस-रस-रूव-गंधे पंचविहे माणुस्सए कामभोगे पच्चणुभवमाणे विहरइ । [सु.२३-२८. भगवंतागमणसवणाणंतरं जमालिस्स खत्तियकुंडग्गामाओ माहणकुंडग्गामे भगवओ समीवमागर्मणं] २३. तएणं खत्तियकुंडग्गामे नगरे सिंघाडग-तिय-चउक्क-चच्चर जाव बहुजणसद्दे इ वा जहा उववाइए जाव एवं पण्णवेइ, एवं परूवेइ-एवं खलु देवाणुप्पिया ! समणे भगवं महावीरे आइगरे जाव सव्वण्णू सव्वदरिसी माहणकुंडग्गामस्स नगरस्स बहिया बहुसालए चेइए अहापडिरूवं जाव विहरइ। तं महप्फलं खलु देवाणुप्पिया ! तहारूवाणं अरहंताणं भगवंताणं जहा उववाइए जाव एगाभिमुहे खत्तियकुंडग्गामं नगरं मज्झमज्झेणं निग्गच्छंति, निग्गच्छित्ता जेणेव माहणकुंडग्गामे नगरे जेणेव बहुसालए चेइए एवं जहा उववाइए ज़ाव तिविहाए पज्जुवासणाए पज्जुवासंति । २४. तए णं तस्स जमालिस्स खत्तियकुमारस्सतं महया जणसई वा जाव जणसन्निवायं वा सुणमाणस्स वा पासमाणस्स वा अयमेयारूवे अज्झत्थिए जाव समुप्पज्जित्था-किं णं अज्ज खत्तियकुंडग्गामे नगरे इंदमहे इ वा, खंदमहे इ वा, मुगुंदमहे इ वा, नागमहे इ वा, जक्खमहे इ वा, भूयमहे इ वा. कूवमहे इ वा, तडागमहे इ वा, नइमहे इ वा दहमहे इवा, पव्वयमहे इवा, रुक्खमहे इ वा, चेइयमहे इ वा, थूभमहे इ वा, जंणं एए बहवे उग्गा भोगा राइन्ना इक्खागा णाया कोरव्वा खत्तिया खत्तियपुत्ता भडा भडपुत्ता सेणावइ २ पसत्थारो २ लेच्छई २ माणा २ इन्भा २ जहा उववाइए जाव सत्थवाहप्पभिइओ ण्हया कयबलिकम्मा जहा उववाइए जाव निग्गच्छंति ? एवं संपहेइ, एवं संपेहित्ता कंचुइज्जपुरिसं सद्दावेति, कंचुइज्जपुरिसं सद्दावेत्ता एवं वयासि-किं णं देवाणुप्पिया ! अज्न खत्तियकुंडग्गामे नगरे इंदमहे इ वा जाव निग्गच्छंति ? २५. तएणं से कंचुइज्जपुरिसे जमालिणा खत्तियकुमारेणं एवं वुत्ते समाणे हट्टतुट्ठ० समणस्स भगवओमहावीरस्स आगमणगहियविणिच्छए करयल० जमालिं खत्तियकुमारं
जएणं विजएणं वद्धावेइ, वद्धावेत्ता एवं वयासी-'णो खलु देवाणुप्पिया! अज्ज खत्तियकुंडग्गामे नयरे इंदमहे इजाव निग्गच्छंति । एवं खलु देवाणुप्पिया! अज्ज समणे Mor
फा श्री आगमगणामंजघा - ३५५ cruncucuc neurnima मा १ -------- -
NGO5555555555555555555555555555555555555555555555555QEHORE
GRO955555555555555555555555555555555555555555555555FOTO
Education International 2010-03
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |