Page Text
________________
OKKKKKKKK********
(५) भगवई ९ १-२-३-३१ (१२८] ********KK जंबुद्दीवपण्णत्ती भाणियव्वा जाव एवामेव सपुव्वावरेणं जंबुद्दीवे दीवे चोद्दस सलिलासयसहस्सा छप्पन्नं च सहस्सा भवंतीति मक्खाया। सेवं भंते ! सेवं भंते । ति० ★ ★ ★ । नवमस्स पढमो ।। ९.१ ।। ★★★ बितिओ उद्देसो 'जोइस' ★★★ [सु. १. बितिउद्देसस्सुवुग्धाओ] १. रायगिहे जाव एवं वयासी [सु. २- ५. जंबुद्दीव - लवणसमुह धायडरांड कालोदसगुद्द पुक्रवरवरदीवाई चंद्रसंखाजाणणत्यं जीवाभिगगसत्तावलोयणनिद्देसो] २. जंबुद्दीवे णं भंते! दीवे केवदया चंदा पभासिसु वा पभासेति वा पभासिस्संति वा ? एवं जहा जीवाभिगमे जाव - 'नव य सया पण्णासा तारागणकोडिकोडीणं ॥ सोभं सोभिंसु सोभिति सोभिस्संति । ३. लवणे णं भंते! समुद्दे केवतिया चंदा पभासिंसु वा पभासिति वा पभासिस्संति वा ? एवं जहा जीवाभिगमे जाव ताराओ । ४. धायइसंडे कालोदे पुक्खरवरे अभिंतरपुक्खरद्धे मणुस्सखेते, एएस सव्वेसु जहा जीवाभिगमे जाव 'एग ससी परिवारो तारागणकोडिकोडीणं ।। ५. पुक्खरन्दे णं भंते । समुद्दे केवइया चंदा पभासिसु वा पभासंति वा पभासिस्संति वा ? एवं सव्वेसु दीव - समुद्देसु जोतिसियाणं भाणियव्वं जाव सयंभूरमणे जाव सोभं सोभिसु वा सोभंति वा सोभिस्संति वा । सेवं भंते ! सेवं भंते ! ति० ॥ ★★★ नवमसए बीओ उद्देसो समत्तो ॥ ९.२ ॥ ★★★ त उद्देसाइतीसइमपज्जंता उद्देसा 'अंतरदीवा' ★★★ [सु. १. तइयाइतीसइमपज्जं तउद्दे साणमुवुग्धाओ] ९. रायगिहे जाव एवं वयासी [ सु. २-३. एगोरूयादिअट्टावीसइअंतरदीववत्तव्वयाजाणणत्थं जीवाभिगमसुत्तावलोयणनिद्देसो] २. कहि णं भंते ! दाहिणिल्लाणं एगोरुयमणुस्साणं एगोरुयदीवे णामं दीवे पन्नत्ते ? गोयमा ! जंबुद्दीवे दीवे मंदरस्स पव्वयस्स दाहिणेणं एवं जहा जीवाभिगमे जाव सुद्धदंदीवे जाव देवलोगपरिग्गहा णं ते मया पण्णत्ता समणाउसो ! । ३. एवं अट्ठावीस पि अंतरदीवा सएणं सएणं आयाम विक्खंभेणं भाणियव्वा, नवरं दीवे दीवे उद्देसओ । एवं सव्वे वि अट्ठावीस उद्देसगा। सेवं भंते! सेवं भंते ! ति० । ★★★ नवमस्स तइयाइआ तीसंता उद्देसा समत्ता । ९.३ ३० ॥ ★★★ एगत्तीसइमों उद्देसो 'असोच्च' ★★★ [सु. १. एगत्तीसइमुद्देसस्सुवुग्घाओ] १. रायगिहे जाव एवं वयासी [सु. २ १२. केवलि - केवलिसावगाईहिंतो असोच्चा सुद्धधम्म- बोहि अणगारिता- बंभचेरवाससंजम-संवर-आभिणिबोहियाइपंचनाणाणं लाभलाभवत्तव्वया] २ (१) असोच्चा णं भंते! केवलिस्स वा केवलिसावगस्स वा केवलिसावियाए वा केवलिउवासंगस्स वा केवलिउवासियाए वा तप्पक्खियस्स वा तप्पक्खियसावगस्स वा तप्पक्खियसावियाए वा तप्पक्खियउवासगस्स वा तप्पक्खियउवासियाए वा केवलिपण्णत्तं धम्मं लभेज्जा सवणयाए ? गोयमा ! असोच्चा णं केवलिस्स वा जाव तप्पक्खियउवासियाए वा अत्थेगइए केवलिपण्णत्तं धम्मं लभेज्जा सवणयाए, अत्थेगतिए 1. केवलिपण्णत्तं धम्मं नो लभेज्जा सवणयाए । (२) से केणट्टेणं भंते! एवं वुच्चइ- असोच्चा णं जाव नो लभेज्जा सवणयाए ? गोयमा ! जस्स णं नाणावर णिज्जाणं कम्माणं खओवसमे कडे भवइ से णं असोच्चा केवलिस्स वा जाव तप्पक्खियउवासियाए वा केवलिपण्णत्तं धम्मं लभेज्ज सवणयाए, जस्स णं नाणावर णिज्जाणं कम्माणं खओवसमे नो कडे भवइ से णं असोच्चा केवलिस्स वा जाव तप्पक्खियउवासियाए वा केवलिपण्णत्तं धम्मं नो लभेज्ज सवणयाए, से तेणट्टेणं गोयमा ! एवं वुच्चइ-तं चैव जाव नो लभेज्ज सवणयाए । ३ (१) असोच्चा णं भंते! केवलिस्स वा जाव तप्पक्खियउवासियाए वा केवलं बोहिं बुज्झेज्जा ? गोयमा ! असोच्चाणं केवलिस्स वा जाव अत्थेगतिए केवलं बोहिं बुज्झेज्जा, अत्थेगइए केवलं बोहिं णो बुज्झेज्जा । (२) से केणद्वेणं भंते! जाव नो बुज्झेज्जा ? गोयमा ! जस्स णं दरिसणावरणिज्जाणं कम्माणं खओवसमे कडे भवइ से णं असोच्चा केवलिस्स वा जाव केवलं बोहिं बुज्झेज्जा, जस्स णं दरिसणावरणिज्जाणं कम्माणं खओवसमे णो कडे भवड़ से णं असोच्चा केवलिस्स वा जाव केवलं बोहिं णो बुज्झेजा, से तेणद्वेणं जाव णो बुज्झेज्जा । ४. (१) ' असोच्चा णं भंते! केवलिस्स वा जाव तप्पक्खियउवासियाए वा केवलं, मुंडे भवित्ता अगाराओ अणगारियं पव्वज्जा ? गोयमा ! असोच्चा णं केवलिस्स वा जाव उवासियाए वा अत्थेगतिए केवलं मुंडे भवित्ता अगाराओ अणगारियं पव्वज्जा, अत्थेगतिए केवलं मुंडे भवित्ता अगाराओ अणगारियं नो पव्वएजी । (२) से केणट्टेणं जाव नो पव्वज्जा ? गोयमा ! 05 श्री आगमगुणमंजूषा
1
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |