Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha

SR No.: 003255
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 394
Language: Prakrit
Classification: Book_Devnagari, Agam, Canon, & agam_bhagwati
File Size: 35 MB

Page 132

959555555555555555555555555555555555555555555FFQOE
PRO:055555555555555
(५) भगवई ८ सनं उ - ७-८ [११३]
55555555555555550.or अम्हे णं अज्जो! दिज्जमाणे दिन्ने, पडिगहेज्जमाणे पडिग्गहिए, निसिरिजमाणे निसट्टे । अम्हंणं अज्जो ! दिजमाणं पडिग्गहगं असंपत्तं एत्थ णं अंतरा केइ अवहरेजा, अम्हंणं तं णो खलु तं गाहावइस्स, तएणं अम्हे दिन्नं गेण्हामो दिन्नं भुजामो, दिन्नं सातिज्जमो, तए णं अम्हे दिन्नं गेण्हमाणा जाव दिन्नं सातिजमाणा तिविहं तिविहेणं संजय जाव एगंतपंडिया यावि भवामो। तुब्भे णं अज्जो ! अप्पणा चेव तिविहं तिविहेणं अस्संजय जाव एगंतबाला यावि भवह । १२. लए णं ते अन्नउत्थिया ते थेरे भगवंते एवं वयासी केण कारणेणं अज्जो ! अम्हे तिविहं जाव एगंतबाला यावि भवामो ? १३. तए णं ते थेरा भगवंतो ते अन्नउत्विं वयासी तुब्भे णं अज्जो ! अदिन्नं गेण्हह, अदिन्नं भुंजह, अदिन्नं साइज्जह, तए णं अज्जो ! तुब्भे अदिन्नं गे० जाव एगंतबाला यावि भवह । १४. तए णं ते अन्नउत्थिया ते थेरे भगवंते एवं वयासी केण कारणेणं अज्जो ! अम्हे अदिन्नं गेण्हामो जाव एगंतबाला यावि भवामो ? १५. तए णं थेरा भगवंतो ते अन्नउत्थिए एवं वयासी तुब्भे णं अज्जो ! दिज्जमाणे अदिन्ने तं चेव जाव गाहावइस्स णं तं, णो खलु तं तुब्भं, तए णं तुब्भे अदिन्नं गेण्हह, तं चेव जाव एगंतबाला यावि भवह। [सु. १६-२४. अन्नउत्थियाणं निग्गंथथेरेहि सह पुढविहिंसाविसओ विवादो] १६. तए णं ते अन्नउत्थिया ते थेरे भगवंते एवं वयासी तुब्भे णं अज्जो ! तिविहं तिविहेणं अस्संजय जाव एगंतबाला यावि भवह । १७. तए णं ते थेरा भगवंतो ते अन्नउत्थिए एवं वयासी केण कारणेणं अम्हे तिविहं तिविहेणं जाव एगंतबाला यावि भवामो ? १८. तए णं ते अन्नउत्थिया ते थेरे भगवंते एवं वयासी तुब्भे णं अज्जो ! रीयं रीयमाणा पुढवि पेच्चेह अभिहणह वत्तेह लेसेह संघाएह संघट्टेह परितावेह किलामेह उवद्दवेह, तए , णं तुन्भे पुढविं पेच्चमाणा जाव उवद्दवेमाणा तिविहं तिविहेणं असंजयअविरय जाव एगंतबाला यावि भवह। १९. तए णं ते थेरा भगवंतो ते अन्नउत्थिए एवं वयासी नो खलु अज्जो ! अम्हे रीयं रीयमाणा पुढविं पेच्चेमो अभिहणामो जाव उवद्दवेमो, अम्हे णं अज्जो ! रीयं रीयमाणा कायं वा जोगं वा रियं वा पडुच्च देसं देसेणं वयामो,पएसंपएसेणं वयामो, तेणं अम्हे देसं देसेणं वयमाणा पएसं पएसेणं वयमाणानो पुढवि पेच्चेमो अभिहणामो जाव उवहवेमो, तए णं अम्हे पुढविं अपेच्चमाणा अणभिहणेमाणा जाव अणुवद्दवेमाणा तिविहं तिविहेणं संजय जाव एगंतपंडिया यावि भवामो, तुब्भे णं अज्जो ! अप्पणा चेव तिविहं तिविहेणं अस्संजय जाव बाला यावि भवह । २०. तएणं ते अन्नउत्थिया ते थेरे भगवंते एवं वयासी केणं कारणेणं अज्जो ! अम्हे तिविहं तिविहेणं जाव एगंतबाला यावि भवामो? २१. तए णं ते थेरा भगवंतो ते अन्नउत्थिए एवं वयासी तुब्भे णं अज्जो ! रीयं रीयमाणा पुढविं पेच्चेह जाव उवद्दवेह, तए णं तुब्भे पुढविं पेच्चेमाणा जाव उवद्दवेमाणा तिविहं तिविहेणं जाव एगंतबाला यावि भवह । २२. तए णं ते अन्नउत्थिया ते थेरे भगवंते एवं वयासी तुब्भे णं अज्जो ! गम्ममाणे अगते, वीतिक्कमिज्जमाणे अवीतिक्कते है रायगिहं नगरं संपाविउकामे असंपत्ते ? २३. तए णं ते थेरा भगवंतो ते अन्नउत्थिए एवं वयासी नो खलु अज्जो ! अम्हं गम्ममाणे अगए, वीइक्कमिज्जमाणे अवीतिकंते रायगिह नगरं जाव असंपत्ते, अम्हं णं अज्जो ! गम्ममाणे गए, वीतिक्कमिज्जमाणे वीतिकंते रायगिहं नगरं संपाविउकामे संपत्ते, तुब्भं णं अप्पणा चेव गम्ममाणे अगए वीतिक्कमिज्जमाणे अवीतिकंते रायगिहं नगरं जाव असंपत्ते । २४. तए णं ते थेरा भगवंतो ते अन्नउत्थिए एवं पडिहणेति, पडिहणित्ता गइप्पवायं नाममज्झयणं पन्नवइंसु। (सु. २५. गइप्पवायभेयपरूवणत्थं पण्णवणासुत्तावलोयणनिद्देसो] २५. कइविहे णं भंते ! गइप्पवाए पण्णत्ते ? गोयमा ! पंचविहे गइप्पवाए पण्णत्ते, तं जहा पयोगगती ततगती बंधणछेयणगती उववायगती विहायगती । एत्तो आरब्भ पयोगपयं निरवसेसं भाणियव्वं, जाव से तं विहायगई। सेवं भंते ! सेवं भंते ! त्तिक । अट्ठमसयस्स सत्तमो ॥८.७|| ★★★ अट्ठमो उद्देसो 'पडिणीए'** [सु. १. अट्ठमुद्देसगस्सुवुग्घाओ] १. रायगिहे नयरे जाव एवं वयासी [सु. २-७. गुरु-गइ-समूह-अणुकंपा-सुय-भावपडिणीयभेयपरूवणा] २. गुरू णं भंते ! पडुच्च कति पडिणीया पण्णता ?
गोयमा ! तओ पडिणीया पण्णत्ता, तं जहा आयरियपडिणीए उवज्झायपडिणीए थेरपडिणीए। ३. गई णं भंते ! पडुच्च कति पड़िणीया पण्णत्ता ? गोयमा ! तओ फू पडिणीया पण्णत्ता, तं जहा इहलोगपडिणीए परलोगपडिणीए दुहओलोगपडिणीए। ४. समूह णं भंते ! पडुच्च कति पडिणीया पण्णत्ता ? गोयमा ! तओ पडिणीया :
PHOTO5555555555555555555555555555555555555555555555956IOR
aers55555
5 श्री आगमगुणमंजूषा - ३०८455555555555555555555555OOK