Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha

SR No.: 003255
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 394
Language: Prakrit
Classification: Book_Devnagari, Agam, Canon, & agam_bhagwati
File Size: 35 MB

Page 122

95555555555555555
(५) भगवई ८ सतं उ.२ [१०३]
b55555555555555 HOTOS
9555555555555555555555555555555555555555555555foY
२२. कतिविहे णं भंते ! नाणे पण्णत्ते ? गोयमा ! पंचविहे नाणे पण्णत्ते, तं जहा आभिणिबोहियनाणे सुयनाणे ओहिनाणे मणपज्जवनाणे केवलनाणे । २३. (१) से किं तं आभिणिबोहियनाणे ? आभिणिबोहियनाणे चतुविहे पण्णत्ते, तं जहा उग्गहो ईहा अवाओ धारणा। (२) एवं जहा रायप्पसेणइए णाणाणं भेदो तहेव इह विभाणियव्वो जाव से तं केवलनाणे। [सु. २४-२८. अण्णाणाणं भेय-पभेयपरूवणा] २४. अण्णाणे णं भंते ! कतिविहे पण्णत्ते? गोयमा ! तिविहे पण्णत्ते, तं, जहा मइअन्नाणे सुयअन्नाणे विभंगनाणे। २५. से किं तं मइअण्णाणे? मइअण्णाणे चउव्विहे पण्णत्ते, तं जहा उग्गहो जाव धारणा। २६. (१) से किं तं उग्गहे ? उग्गहे दुविहे पण्णत्ते, तं जहा अत्थोग्गहे य वंजणोग्गहे य। (२) एवं जहेव आभिणिबोहियनाणं तहेव, नवरं एगट्ठियवज्जं जाव नोइंदियधारणा, सेत्तं धारणा। सेत्तं मतिअण्णाणे। २७. से किं तं सुयअण्णाणे? सुतअण्णाणे जं इमं अण्णाणिएहिं मिच्छद्दिट्ठिएहिं जहा नंदीए जाव चत्तारि वेदा संगोवंगा। सेत्तं सुयअन्नाणे।२८. से किं तं विभंगनाणे ? विभंगनाणे अणेगविहे पण्णत्ते, तं जहा गामसंठिए नगरसंठिए जाव संन्निवेससंठिए दीवसंठिए समुद्दसंठिए वाससंठिए वासहरसंठिए पव्वयसंठिए रूक्खसंठिए थूभसंठिए हयसंठिए गयसंठिए नरसंठिए किन्नरसंठिए किंपुरिससंठिए महोरगसंठिते गंधव्वसंठिए उसभसंठिए पसु-पसय-विहगवानरणाणासंठाणसंठिते पण्णत्ते। [सु. २९-३८. जीव चउवीसदंडय-सिद्धेसु नाणि-अण्णाणिवत्तव्वया ]२९. जीवाणं भंते ! किं नाणी, अन्नाणी ? गोयमा ! जीवा नाणी वि, अन्नाणी वि । जे नाणी ते अत्थेगतिया दुन्नाणी, अत्थेगतिया तिन्नाणी, अत्थेगतिया चउनाणी, अत्थेगतिया एगनाणी । जे दुन्नाणी ते आभिणिबोहियनाणी य सुयनाणी य। जे तिन्नाणी ते आभिणिबोहियनाणी सुतनाणी ओहिनाणी, अहवा आभिणिबोहियणाणी सुतणाणी मणपज्जवनाणी। जे चउणाणी ते आभिणिबोहियणाणी सुतणाणी ओहिणाणी मणपज्जवणाणी । जे एगनाणी ते नियमा केवलनाणी । जे अण्णाणी ते अत्थेगतिया दुअण्णाणि, अत्थेगतिया तिअण्णाणी । जे दुअण्णाणी ते मइअण्णाणी य सुयअण्णाणी य। जे तिअण्णाणी ते मतिअण्णाणी सुयअण्णाणी विभंगनाणी। ३०. नेरइया णं भंते ! किं नाणी, अण्णाणी ? गोयमा ! नाणी वि अण्णाणी वि। जे नाणी ते नियमा तिन्नाणी, तं जहा आभिणिबोहि० सुयनाणी ओहिनाणी। जे अण्णाणी ते अत्थेगतिया दुअण्णाणी, अत्थेगतिया तिअण्णाणी । एवं तिण्णि
अण्णाणाणि भयणाए। ३१. (१) असुरकुमारा णं भंते किं नाणी अण्णाणी? तहेव नेरइया तहेव तिण्णि नाणाणि नियमा, तिण्णि य अण्णाणाणि भयणाए। (२) ई एवं जाव थणियकुमारा। ३२. (१) पुढविक्काइया णं भंते ! किं नाणी अण्णाणी ? गोयमा ! नो नाणी, अण्णाणी मतिअण्णाणी य, सुतअण्णाणी य। (२) एवं ई
जाव वणस्सइकाइया। ३३. (१) बेइंदियाणं पुच्छा। गोयमा ! णाणी वि, अण्णाणी वि । जे नाणी ते नियमा दुण्णाणी, तं जहा-आभिणिबोहियनाणी य सुयणाणी य । जे अण्णाणी ते नियमा दुअण्णाणी-आभिणिबोहियअण्णाणी य सुयअण्णाणी य। (२) एवं तेइंदिय-चउरिदिया वि | ३४. पंचिदियतिरिक्खजोणियाणं पुच्छा। -गोयमा! नाणी वि अण्णाणी वि। जे नाणी ते अत्थेगतिया दुण्णाणी, अत्थेगतिया तिन्नाणी । एवं तिण्णिनाणाणि तिण्णि अण्णाणाणि य भयणाए। ३५. मणुस्सा जहा
जीवा तहेव पंच नाणाणि तिण्णि अण्णाणाणि य भयणाए। ३६. वाणमंतरा जहा नेरइया । ३७. जोतिसिय-वेमाणियाणं तिण्णिनाणा तिण्णिअन्नाणा नियमा । ३८. सिद्धाणं भंते! पुच्छा। गोयमा ! णाणी, नो अण्णाणी। नियमा एगनाणी-केवलनाणी। सु. ३९-१५९. गइआइवीसइदारेसुनाणि-अण्णाणिवत्तव्वया [सु. ३९-४३. पढमं गइदारं पडुच्च नाणि-अन्नाणिपरूवणा] ३९. निरयगतिया णं भंते ! जीवा किं नाणी, अण्णाणी ? गोयमा ! नाणी वि, अण्णाणी वि । तिण्णिनाणाई नियमा, तिण्णिअन्नाणाई भयणाए। ४०. तिरियगतिया णं भंते ! जीवा किं नाणी, अण्णाणी ? गोयमा ! दो नाणा, दो अन्नाणा नियमा। ४१. मणुस्सगतिया णं भंते ! जीवा किं नाणी, अन्नाणी ? गोयमा ! तिण्णिनाणाई भयणाए, दो अण्णाणाई नियमा। ४२. देवगतिया जहा निरयगतिया। ४३. सिद्धगतिया णं भंते ! ० । जहा सिद्धा (सु.
३८)। १। [सु. ४४-४८. बिइयं इंदियदारं पडुच्च नाणि-अन्नाणिपरूवणा] ४४. सइंदिया णं भंते ! जीवा किं नाणी, अण्णाणी ? गोयमा ! चत्तारि नाणाई, तिण्णि + अण्णाणाई भयणाए। ४५. एगिदिया णं भंते ! जीवा किं नाणी० ? जहा पुढविक्काइया। ४६. बेइंदिय-तेइंदिय-चतुरिदियाणं दो नाणा, दो अण्णाणा नियमा । ४७.
पंचिंदिया जहा सइंदिया। ४८. अणिदिया णं भंते ! जीवा किं नाणी०? जहा सिद्धा (सु. ३८)।२। [सु.४९-५२. तइयं कायदारं पडुच्च नाणि-अन्नाणिपरूवणा] ४९. voxo5555555555555555555555॥ श्री आगमगुणमजूषा-३१८55555555555555555555555555OOR
deso555555555555555555555555555555555555555555555555OOR