Page Text
________________
PAGRO5455555555555555
(५) भगवई ८सतं उ. १.२ [१०१]
b5555555555555 FOO
5555555555555555552
NOTR955555555555555555555555555555555555555555555555hero
आरंभसच्चमणप्पयोगपरिणया जाव असमारंभसच्चमणप्पयोगपरिणता ? गोयमा ! आरंभसच्चमणप्पयोगपरिणया वा जाव असमारंभसच्चमणप्पयोगपरिणया वा। अहवेगे आरंभसच्चमणप्पयोगपरिणते, एगे अणारंभसच्चमणप्पयोगपरिणते। एवं एएणं गमएणं दुयसंजोएणं नेयव्वं । सव्वे संयोगा जत्थ जत्तिया उद्वेति ते भाणियव्वा जाव सव्वट्ठसिद्धग त्ति। ८४. जदि मीसापरिणता किं मणमीसापरिणता ? एवं मीसापरिणया वि। ८५. जदि वीससापरिणया किं वण्णपरिणया, गंधपरिणता०? । एवं वीससापरिणया वि जाव अहवेगे चउरंससंठाणपरिणते, एगे आययसंठाणपरिणए वा। [सु. ८६-८८. विविहभेय-पभेयविभागपुव्वयंतिण्हं दव्वाणं पयोग-मीसवीससापरिणतत्तपरूवणा] ८६. तिण्णि भंते ! दव्वा किं पयोगपरिणता ? मीसापरिणता ? वीससापरिणता ? गोयमा ! पयोगपरिणया वा, मीसापरिणया वा, वीससापरिणया वा १ । अहवेगे पयोगपरिणए, दो मीसापरिणता १ । अहवेगे पयोगपरिणए. दो वीससापरिणता २। अहवा दो पयोगपरिणया, एगे मीसापरिणए ३। अहवा दो पयोगपरिणता, एगे वीससापरिणते ४ । अहवेगे मीसापरिणए, दो वीससापरिणता ५ । अहवा दो मीससापरिणता, एगे वीससापरिणते ६ । अहवेगे पयोगपरिणते, एगे मीसापरिणते, एगे वीससापरिणते ७।८७. जदि पयोगपरिणता किं मणप्पयोगपरिणया? वइप्पयोगपरिणता ? कायप्पयोगपरिणता ? गोयमा ! मणप्पयोगपरिणया वा० एवं एक्कगसंयोगो, दुयसंयोगो तियसंयोगो य भाणियब्वो। ८८. जदि मणप्पयोगपरिणता किं सच्चमणप्पयोगपरिणया ४ । गोयमा ! सच्चमणप्पयोगपरिणया वा जाव असच्चामोसमणप्पयोगपरिणया वा ४ । अहवेगे सच्चमणप्पयोगपरिणए, दो मोसमणप्पयोगपरिणया एवं द्यसंयोगो, तियसंयोगो भाणियव्वो । एत्थ वि तहेव जाव अहवा एगे तंससंठाणपरिणए वा एगे चउरंससंठाणपरिणए वा एगे आययसंठाणपरिणए वा। [सु. ८९-९०. विविहभेयपभेयविभागपुव्वयं चतुप्पभितिअणंतदव्वाणं पयोग-मीस-वीससापरिणतत्तपरूवणा] ८९. चत्तारि भंते ! दव्वा किं पओगपरिणया ३? गोयमा ! पयोगपरिणया वा, मीसापरिणया वा. वीससापरिणया वा । अहवेगे पओगपरिणए, तिणि मीसापरिणया १ । अहवा एगे पओगपरिणए, तिण्णि वीससापरिणया २। अहवा. दो पयोगपरिणया, दो मीसापरिणया ३ । अहवा दो पयोगपरिणया, दो वीससापरिणया ४ । अहवा तिणि पओगपरिणया, एगे मीससापरिणए ५ । अहवा तिण्णि पओगपरिणया, एगे वीससापरिणए ६ । अहवा एगे मीससापरिणए, तिण्णि वीससापरिणया ७ । अहवा दो मीसापरिणया, दो वीससापरिणया ८ । अहवा तिण्णि मीसापरिणया, एगे वीससापरिणए ९1 अहवेगे पओगपरिणए एगे मीसापरिणए, दो वीससापरिणया १; अहवेगेपयोगपरिणए,, दो मीसापरिणया, एगे वीससापरिणए २; अहवा दो पयोगपरिणया, एगे मीसापरिणए, एगे वीससापरिणए ३।९०. जदि पयोगपरिणया किं मणप्पयोगपरिणया ३? एवं एएणं कमेणं पंच छ सत्त जाव दस संखेज्जा असंखेज्जा अणंता य दव्वा भाणियव्वा । दुयासंजोएणं, तियासंजोगेणं जाव दससंजोएणं बारससंजोएणं उवजुंजिऊणं जत्थ जत्तिया संजोगा उडेति ते सव्वे भाणियव्वा । एए पुण जहा नवमसए पवेसणए भणीहामि तहा उवजुंजिऊण भाणियव्वा जाव असंखेज्जा । अणंता एवं चेव, नवरं एक्वं पदं अब्भहियं जाव अहवा अणंता परिमंडलसंठाणपरिणया जाव अणंता आययसंठाणपरिणया। [सु. ९१. पयोग-मीस-वीससापरिणताणं पोग्गलाणमप्पाबहुयं] ९१. एएसि णं भंते ! पोग्गलाणं पयोगपरिणयाणं मीसापरिणयाणं वीससापरिणयाण य कतरे कतरेहिंतो जाव विसेसाहिया वा ? गोयमा ! सव्वत्थोवा पोग्गला पयोगपरिणया, मीसापरिणया अणंतगुणा, वीससापरिणया अणंतगुणा । सेवं भंते ! सेवं भंते ! त्तिा अट्ठमसयस्स पढमो उद्दसो समत्तो ॥८.१॥ XXXबीओ उद्देसो 'आसीविसे' [सु. १. आसीविसाणं भेयदुयपरूवणा] १. कतिविहा णं भंते ! आसीविसा पण्णत्ता, गोयमा ! दुविहा आसीविसा पन्नत्ता, तं जहा जातिआसीविसा य, कम्मआसीविसा य। [सु. २. जातिआसीविसाणं चउभेयपरूवणा] २. जातिआसीविसा णं भंते ! कतिविहा पण्णत्ता ? गोयमा ! चउव्विहा पण्णत्ता, तं जहा विच्छुयजातिआसीविसे, मंडुक्कजातिआसीविसे, उरगजातिआसीविसे, मणुस्सजातिआसीविसे । [सु. ३-६. विच्छुयआईणं चउण्हं जातिआसीविसाणं विसयपरूवणा] ३. विच्छ्यजातिआसीविसस्स णं भंते ! केवतिए विसए पण्णत्ते? गोयमा ! पभूणं विच्छुयजातिआसीविसे अद्धभरहप्पमाणमेत्तं
555555555555555555555555555552
xeo5555
5555 श्री आगमगुणमं नृपा - ३१६ 5555555555555OOR
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |