Page Text
________________
195
(५) भगवई ७ सतं उद्देसक २-३ [८५]
666666666666660
जहा नेरइया । [सु. २३. सव्व देसमूलगुणपच्चक्खाणि अपच्चक्खाणीणं जीव पंचिंदियतिरिक्ख मणुयाणं अप्पाबहुयं ] २३. एतेसि णं भंते ! जीवाणं सव्वमूलगुणपच्चक्खाणीणं देसेमूलगुणपच्चक्खाणीणं अपच्चक्खाणीण य कतरे कतरेहिंतो जाव विसेसाहिया वा ? गोयमा ! सव्वत्थोवा जीवा सव्वमूलगुणपच्चक्खाणी । एवं अप्पाबहुगाणि निष्णि वि जहा पढमिल्लए दंडाए (सु. १४-१६), नवरं सव्वत्योवा पंचिदियतिरिक्खजोणिया देसमूलगुणपच्चक्खाणी, अपच्चक्खाणी असंखेज्जगुणा । [सु. २४-२६. जीव- चउवीसदंडयाणं सव्व देसुत्तरगुणपच्चक्खाणि अपच्चक्खाणीहिं वत्तव्वया] २४. जीवा णं भंते ! किं सव्वुत्तरगुणपच्चक्खाणी ? देसुत्तरगुणपच्चक्खाणी ? अपच्चक्खाणी ? गोतमा ! जीवा सव्वुत्तरगुणपच्चक्खाणी वि, तिण्णि वि । २५. पंचिंदियतिरिक्खजोणिया मणुस्सा य एवं चेव । २६. सेसा अपच्चक्खाणी जाव वेमाणिया । [सु. २७ सव्व देसुत्तरगुणपच्चक्खाणि अपच्चक्खाणीणं जीव- पंचिंदियतिरिक्ख-मणुयाणं अप्पाबहुयं] २७. एतेसि णं भंते! जीवाणं सव्वुत्तरगुणपच्चक्खाणी०, अप्पाबहुगाणि तिण्णि वि जहा पढमे दंडए (सु. १४-१६) जाव मणूसाणं । [सु. २८. जीवचउवीसदंडयाणं संजत-असंजत-संजतासंजतेहिं वत्तव्वया अप्पाबहुयं च । २८. जीवा णं भंते! किं संजता ? असंजता ? संजतासंजता ? गोयमा ! जीवा संजया वि०, तिण्णि वि, एवं जहेव पण्णवणाए तहेव भाणियव्वं जाव वेमाणिया । अप्पाबहुगं तहेव (सु. १४-१६ ) तिण्ह वि भाणियव्वं । [ सु. २९-३२. जीव - चउवीसदंडयाणं पच्चक्खाणि अपच्चक्खाणि -पच्चक्खाणापच्चक्खाणीहिं वत्तव्वया] २९. जीवा णं भंते! किं पच्चक्खाणी ? अपच्चक्खाणी ? पच्चक्खाणापच्चक्खाणी ? गोतमा ! • जीवा पच्चक्खाणी वि, एवं तिण्णि वि । ३०. एवं मणुस्साण वि । ३१. पंचिदियतिरिक्खजोणिया आदिल्लविरहिया । ३२. सेसा सव्वे अपच्चक्खाणी जाव वेमाणिया । [सु. ३३-३५. पच्चक्खाणि अपच्चक्खाणि पच्चक्खाणापच्चक्खाणीणं जीवाईणं अप्पाबहुयं ] ३३. एतेसि णं भंते! जीवाणं पच्चक्खाणीणं जाव विसेसाहिया वा ? गोमा ! सव्वत्थोवा जीवा पच्चक्खाणी, पच्चक्खाणापच्चक्खाणी असंखेज्जगुणा, अपच्चक्खाणी अणंतगुणा । ३४. पंचिंदियतिरिक्खजोणिया सव्वत्थोवा पच्चक्खाणापच्चक्खाणी, अपच्चक्खाणी असंखेज्जगुणा । ३५. मणुस्सा सव्वत्थोवा पच्चक्खाणी, पच्चक्खाणापच्चक्खाणी संखेज्जगुणा, अपच्चक्खाणी असंखेज्जगुणा । [सु. ३६-३८. जीव- चउवीसदंडयाणं सासतासासतपरूवणा ] ३६. (१) जीवा णं भंते! किं सासता ? असासता ? गोयमा ! जीवा सिय सासता, सिय असासता । (२) से केणट्टेणं भंते! एवं वुच्चइ 'जीवा सिय सासता, सिय असासता' ? गोतमा ! दव्वट्ठताए सासता, भावट्टयाए असासता । से तेणट्टेणं गोतमा ! एवं वच्च जाव सिय असासता । ३७. नेरइया णं भंते! किं सासता ? असासता ? एवं जहा जीवा तहा नेरइया वि । ३८. एवं जाव वेमाणिया जाव सिय असासता । सेवं भंते ! सेवं भंते । त्ति० । ★ ★ ★ सत्तमस्स बितिओ उद्देसो समत्तो ॥ ७२॥ ★★★ तइआ उद्देसो 'थावर' ★★★ [सु. १-२. वणस्सतिकाइयाणं हेउपुव्वयं सव्वप्पाहार - सव्वमहाहारकालवत्तव्वया] १. वणस्सतिकाइया णं भंते! किं कालं सव्वप्पाहारगा वा सव्वमहाहारगा वा भवंति ? गोयमा ! पाउस-वरिसारत्तेसु णं एत्थ णं वणस्सतिकाइया सव्वमहाहारगा भवंति, तदाणंतरं च णं सरदे, तयाणंतरं च णं हेमंते, तदाणंतरं च णं वसंते, तदाणंतरं च णं गिम्हे । गिम्हासु णं वणस्सतिकाइया सव्वप्पाहारगा भवंति । २. जति णं भंते! गिम्हासु वणस्सइकाइया सव्वप्पाहारगा भवंति, कम्हा णं भंते! गिम्हासु बहवे वणस्सतिकाइया पत्तिया पुप्फिया फलिया हरितगरेरिज्जमाणा सिरीए अतीव अतीव उवसोभेमाणा उवसोभेमाणा चिट्ठति ? गोयमा ! गिम्हासु णं बहवे उसिणजोणिया जीवाय पुग्गलाय वणस्सतिकाइयत्ताए वक्कमंति विउक्तमंति चयंति उववज्जंति, एवं खलु गोयमा ! गिम्हासु बहवे वणस्सतिकाइया पत्तिया पुफिया जाव चिट्ठति । [सु. ३-४. मूलजीवाइपुट्ठाणं मूलाईणं आहारगहणवत्तव्वया] ३. से नूणं भंते! मूला मूलजीवफुडा, कंदा कंदजीवफुडा जाव बीया बीयजीवफुडा ? हंता, गोतमा ! मूला मूलजीवफुडा जाव बीया बीयजीवफुडा । ४. जति णं भंते! मूला मूलजीवफुडा जाव बीया बीयजीवफुडा, कम्हा णं भंते ! वणस्सतिकाइया आहारेति ? कहा परिणामेति ? गोयमा ! मूला मूलजीवफुडा पुढविजीवपडिबद्धा तम्हा आहारेति, तम्हा परिणामेति । कंदा कंदजीवफुडा मूलजीवपडिबद्धा तम्हा आहारेति, तम्हा
Moon श्री आगमगुणमजूषा ३००
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |