Agam 03 Ang 03 Sthanang Sutra Shwetambar Agam Guna Manjusha

SR No.: 003253
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 89
Language: Prakrit
Classification: Book_Devnagari, Agam, Canon, & agam_sthanang
File Size: 8 MB

Page 82

虽听听听听听听听听听听听听听听听听听听听听听听听听听听听听听听听听听听听听明明听听听听听听乐乐86O
SON C55555555555558
(३) ठाणं ९-अ./ १० -अ. दसट्ठाणं [७२]
65555555555520 उच्चुतेसु कप्पेसु विमाणा णव जोयणसताई उहुंउच्चत्तेणं पन्नत्ता । ६९६. विमलवाहणे णं कुलकरे णव धणुसताइं उहृउच्चत्तेणं होत्था । ६९७. उसभेणं अरहा म कोसलितेणं इमीसे ओसप्पिणीए णवहिं सागरोवमकोडाकोडीहिं वितिक्कंताहिं तित्थे पवत्तिते । ६९८. घणदंत लट्ठदंत-गूढदंत-सुद्धदंतदीवा णं दीवा णव णव
जोयणसताइं आयामविक्खंभेणं पण्णत्ता । ६९९. सुक्कस्स णं महागहस्स णव वीहीओ पन्नत्ताओ, तंजहा हयवीही, गतवीही, णागवीही, वसभवीही, गोवीही, जरग्गववीही, अयवीही, मितवीही, वेसाणरवीही । ७००. नवविधे नोकसायवेयणिज्जे कम्मे पन्नत्ते, तंजहा इत्थिवेदे, पुरिसवेदे, णपुंसगवेदे, हासे रती, अरई, भये, सोगे, दुगुंछा । ७०१. चउरिदियाणं णव जाइकुलकोडीजोणिपमुहसयसहस्सा पण्णत्ता । भुयगपरिसप्पथलचरपंचेंदियतिरिक्खजोणियाणं नव जाइकुलकोडीजोणिपमुहसयसहस्सा पण्णत्ता । ७०२. जीवा णं णवठ्ठाणनिव्वत्तिते पोग्गले पावकम्मत्ताते चिणिसु वा ३, [तंजहा-] पुढविकाइयनिव्वत्तिते जाव पंचेदियनिव्वत्तिते । एवं चिण उवछिण जाव णिज्जरा चेव ।। ७०३. णवपएसिता खंधा अणंता पण्णत्ता जाव णवगुणलुक्खा पोग्गला अणंता पण्णत्ता । । नवट्ठाणं समत्तं ॥ १० दसमं अज्झयणं 'दसट्ठाणं' ७०४. दसविधा लोगट्ठिती पन्नत्ता, तंजहा जण्णं जीवा उद्दाइत्ता २, तत्थेव २ भुज्जो २ पच्चायंति, एवं पेगा लोगट्ठिती पण्णत्ता १ । जण्णं जीवाणं सता समिते पावे कम्मे कज्जति, एवं पेगा लोगट्ठिती पण्णत्ता २४ जण्णं जीवाणं सता समितं मोहणिज्जे पावे ॥ कम्मे कज्जति, एवं पेगा लोगद्विती पण्णत्ता ३ । ण एतं भूतं वा भव्वं वा भविस्सति वा जं जीवा अजीवा भविस्संति अजीवा वा जीवा भविस्संति, एवं पेगा लोगद्विती पण्णत्ता ४ । ण एतं भूतं वा भव्वं वा भविस्सति वा जं तसा पाणा वोच्छिज्जिस्संति थावरा पाणा भविस्संति, थावरा वा पाणा वोच्छिजिस्संति तसा पाणा भविस्संति, एवं पेगा लोगट्ठिती पण्णत्ता ५। ण एतं भूतं वा भव्वं वा भविस्सति वा जं लोगे अलोगे भविस्सति अलोगे वा लोगे भविस्सति, एवं पेगा लोगद्विती पण्णत्ता ६ । ण एतं भूतं वा भव्वं वा भविस्सति वा जंलोए अलोए पविस्सति अलोए वा लोए पविस्सति, एवं पेगा लोगद्विती [पण्णत्ता] ७। जाव ताव लोगे ताव ताव जीवा, जाव ताव जीवा ताव ताव लोए, एवं पेगा लोगट्टिती [पण्णत्ता] ८ । जाव ताव जीवाण त पोग्गलाण त गतिपरिताते ताव ताव लोए, जाव ताव लोगे ताव ताव जीवाण य पोग्गलाण त गतिपरिताते, एवं पेगा लोगद्विती [पण्णत्ता] ९। सव्वेसु विणं लोगंतेसु अबद्धपासपुट्ठा पोग्गला लुक्खत्ताते कजंति, जेणं जीवा त पोग्गला त नो संचायति बहिता लोगंता गमणताते, एवं पेगा लोगहिती पण्णत्ता १०/७०५. दसविधे सद्दे पन्नत्ते, तंजहा - "नीहारि पिडिमे लुक्खे, भिन्ने जज्जरिते ति त । दोहे रहस्से पुहुत्ते त, काकणी खिखिणिस्सरे" ॥१५०॥ ७०६. दस इंदियत्था तीता पण्णत्ता, पन्नत्ता, तंजहा देसेण वि एगे सद्दाइं सुणिंसु, सव्वेण वि एगे सद्दाइं सुणिंसु, देसेण वि एगे रूवाइं पासिंसु, सव्वेण वि एगे रूवाई पासिंसु, एवं गंधाइं रसाइं फासाइं जाव सव्वेण वि एगे फासाइं पडिसंवेदेसुं । दस इंदियत्था पडुप्पन्ना पन्नत्ता, तंजहा देसेण वि एगे सद्दाइं सुणेति, सव्वेण वि एगे सद्दाई सुणेति, एवं जाव फासाई। दस इंदियत्था अणागता पन्नत्ता, तंजहा देसेण वि एगे सद्दाई सुणिस्सति, सव्वेण विएगे सद्दाइंसुणिस्सति, एवं जाव सव्वेण विएगे फासाइं पडिसंवेतेस्सति। ७०७. दसहि ठाणेहिमच्छिन्ने पोग्गले चलेज्जा, तंजहा आहारेज्जमाणे वा चलेज्जा, परिणामेज्जमाणे वा चलेज्जा, उस्ससिज्जमाणे वा चलेज्जा, निस्ससिज्जमाणे वा चलेज्जा, वेदेज्जमाणे वा चलेज्जा, णिज्जरिज्जमाणे वा चलेज्जा, विउव्विज्जमाणे वा चलेज्जा, परितारिज्जमाणे वा चलेज्जा, जक्खातिढे वा चलेज्जा, वातपरिगते वा चलेज्जा । ७०८. दसहि ठाणेहिं कोधुप्पत्ती सिया, तंजहा मणुन्नाई मे सद्दफरिस-रस-रूव-गंधाइमवहरिंसु-१, अमणुन्नाइं मे सद्द-फरिस-रस-रूव-गंधाइं उवहरिंसु २, मणुण्णाई मे सद्द-फरिस-रस-रूव-गंधाई अवहरति ३, अमुणुन्नाइं मे सद्दफरिस जाव गंधाई उवहरिति ४, मणुण्णाई मे सद्द जाव अवहरिस्सति ५, अमणुण्णाइं मे सद्द जाव उवहरिस्सति ६, मणुण्णाई मे सद्द जाव गंधाइं अवहरिंसु अवहरइ अवहरिस्सति ७, अमणुण्णाइं मे सद्द जाव रस-रूव-गंधाइं उवहरिसु उवहरति उवहरिस्सति ८, मणुण्णामणुण्णाइं मे सद्द जाव अवहरिसु अवहरति अवहरिस्सति उवहरिसु उवहरति उवहरिस्सति ९, अहं च णं आयरियउवज्झायाणं सम्मं वट्टामि ममं च णं आयरियउवज्झाया मिच्छं विप्पडिवन्ना १०
GO乐乐5555听听听听听听听听听听听听听听听听听听听听听听听听听听听听听听听听听听听听听听听听乐乐明显
reOS995
55555555 श्री आगमगुणमंजूषा-१०95555555555555555555555 9425TIGER