Agam 03 Ang 03 Sthanang Sutra Shwetambar Agam Guna Manjusha

SR No.: 003253
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 89
Language: Prakrit
Classification: Book_Devnagari, Agam, Canon, & agam_sthanang
File Size: 8 MB

Page 71

७ अ. मत्तट्टत्वं (७१)
जावऽच्चुतस्स त्ति नेतव्वं । ५८३. चमरस्स णं असुरिंदस्स असुरकुमाररण्णो दुमस्स पत्ताणिताहिपतिस्स सत्त कच्छाओ पन्नत्ताओ, तंजा पढमा कच्छाव सत्तमा कच्छा | चमरस्स णमसुरिंदस्स असुरकुमाररन्नो दुमस्स पत्ताणिताधिपतिस्स पढमाए कच्छाए चउसट्ठि देवसहस्सा पन्नत्ता, जावतिता पढमा कच्छा तब्बिगुणा दोच्चा कच्छा, जावइया दोच्चा कच्छा तब्बिगुणा तच्चा कच्छा, एवं जाव जावतिता छट्टा कच्छा तब्बिगुणा सत्तमा कच्छा । एवं बलिस्स वि, णवरं महद्दुमे सट्टिं देवसाहस्सितो, सेसं तं चेव । धरणस्स एवं चेव, णवरमट्ठावीसं देवसहस्सा, सेसं तं चेव । जधा धरणस्स एवं जाव महाघोसस्स, नवरं पत्ताणिताधिपती अन्ने, ते पुव्वभणिता । सक्कस्स णं देविंदस्स देवरन्नो हरिणेगमेसिस्स सत्त कच्छाओ पन्नताओ, तंजहा पढमा कच्छा एवं जहा चमरस्स तहा जावऽच्चुतस्स, णाणत्तं पत्ताणिताधिपतीणं, ते पुव्वभणिता । देवपरिमाणमिमं सक्कस्स चउरासीति देवसहस्सा, ईसाणस्स असीतिं देवसहस्सा, देवा इमाते गाथाते अणुगंतव्वा- "चउरासीति असीति बावत्तरि सत्तरीय सट्ठी य । पन्ना चत्तालीसा, तीसा वीसा दस सहस्सा" ||८५ || जावऽच्चुतस्स लहुपरक्कमस्स दस देवसहस्सा जाव जावतिता छट्टा कच्छा तब्बिगुणा सत्तमा कच्छा । ५८४. सत्तविधे वयणविकप्पे पन्नत्ते, तंजहा आलावे, अणालावे, उल्लावे, अणुल्लावे, संलावे, पलावे, विप्पलावे । ५८५. सत्तविधे विणए पन्नत्ते, तंजहा णाणविणए, दंसणविणए, चरित्तविणए, मणविणए, वतिविणए, कायविणए, लोगोवयारविणए। पसत्थमणविणए सत्तविधे पन्नत्ते, तंजहा अपावते, असावज्जे अकिरिते, निरूवक्से, अणण्हवकरे, अच्छविकरे, अभूताभिसंकणे । अपसत्थमणविणए सत्तविधे पत्ते, तंजहा पावते, सावज्जे, सकिरिते, सउवक्केसे, अण्हवकरे, छविकरे, भूताभिसंकणे । पसत्थवइविणए सत्तविधे पन्नत्ते, तंजहा अपावते, असावज्जे, जाव अभूताभिसंकणे । अपसत्थवइविणते सत्तविधे पन्नत्ते, तंजा पावते जाव भूताभिसंकणे । पसत्थकातविणए सत्तविधे पन्नत्ते, तंजहा आउत्तं गमणं, आउत्तं ठाणं, आउतं निसीयणं, आउत्तं तुअट्टणं, आउत्तं उल्लंघणं, आउत्तं पल्लंघणं, आउत्तं सव्विंदियजोगजुंजणता । अपसत्थकातविणते सत्तविधे पन्नत्ते, तंजहा अणाउत्तं गमणं जाव अणाउत्तं सव्विंदियजोगजुंजणता | लोगोवतारविणते सत्तविधे पन्नत्ते, तंजहा अब्भासवत्तितं, परछंदाणुवत्तितं, कज्जहेउं, कतपडिकतिता, अत्तगवेसणता, देसकालण्णता, सव्वत्थेसु अपडिलोमता । ५८६. सत्त समुग्धाता पन्नत्ता, तंजहा वेदणासमुग्धाते, कसायसमुग्धाते, मारणंतियसमुग्धाते, वेउव्वियसमुग्धाते, तेजससमुग्धाते, आहारगसमुग्घाते केवलिसमुग्धाते | मणुस्साणं सत्त समुग्धाता एवं चेव । ५८७. समणस्स णं भगवतो महावीरस्स तित्यंसि सत्त पवतणनिण्हगा पन्नत्ता, तंजहा बहुरता, जीवपतेसिता, अव्वत्तिता, सामुच्छेइता, दोकिरिता, तेरासिता, अबद्धिता । एतेसि णं सत्तण्हं पवयणनिण्हगाणं सत्त धम्मातरिता होत्था, तंजहा जमाली, तीसगुत्ते, आसाढे, आसमित्ते, गंगे, छलुए, गोट्ठामाहिले । एतेसि णं सत्तण्हं पवयणनिण्हगाणं सत्त उप्पत्तिनगरा होत्था, तंजहा- “सावत्थी, उसभपुरं, सेतविता, मिहिल, उल्लुगातीरं । पुरिमंतरंजि, दसपुर, णिण्हगउप्पत्तिनगराई ॥ ८६ ॥ ५८८. सातावेयणिज्जस्स कम्मस्स सत्तविधे अणुभावे पन्नत्ते, तंजहा मणुन्ना सद्दा, मणुण्णा रूवा जाव मणुन्ना फासा, मोहता, वतिसुता । असातावेयणिज्जस्स णं कस्मस्स सत्तविधे अणुभावे पन्नत्ते, तंजहा अमणुण्णासद्दा जाव वतिदुहता । ५८९. महाणक्खत्ते सत्ततारे पन्नत्ते । अभितीयादिता सत्त णक्खता पुव्वदारिता पन्नत्ता, तंजहा अभिती, सवणो, धणिट्ठा, सतभिसता, पुव्वा भद्दवता, उत्तरा भद्दवता, रेवती। अस्सिणितादिता णं सत्त णक्खत्ता दाहिणदारिता, पन्नत्ता, तंजहा अस्सिणी, भरणी, कित्तिता, रोहिणी, मिगसिर, अद्दा, पुणव्वसू । पुस्सादिता णं सत्त णक्खत्ता अवरदारिता पन्नत्ता, तंजा पुसो, असिलेसा, मघा, पुव्वा फग्गुणी, उत्तरा फग्गुणी, हत्थो, चित्ता । सातितातिया णं सत्त णक्खत्ता उत्तरदारिता पन्नत्ता, तंजहा साति, विसाहा, अणुराहा, ट्ठा, मूल, पुव्वा, आसाढा, उत्तरा आसाढा । ५९०. जंबूदीवे दीवे सोमणसे वक्खारपव्वते सत्त कूडा पन्नत्ता, तंजहा- "सिद्धे सोमणसे ता, बोद्धव्वे मंगलावतीकूडे । देवकुरु विमल कंचण, विसिट्ठकूडे त बोद्धव्वे ॥ ८७॥ जंबुद्दीवे दीवे गंधमायणे वक्खारपव्वते सत्त कूडा पन्नत्ता, तंजहा - "सिद्धे त गंधमातण, बोधव्वे गंधिलावतीकूडे । उत्तरकुरु फलिहे, लोहितक्ख आणंदणे चेव ॥८८॥ ५९१. बेतिदिताणं सत्त जातीकुलकोडिजोणिपमुहसतसहस्सा पन्नत्ता । ५९२. जीवा णं सत्तट्ठाणनिव्वत्तिते पोग्गले पावकम्मत्ताते चिणिसु वा चिणंति वा चिणिस्संति वा, तंजहा नेरतियनिव्वत्तिते जाव देवनिव्वत्तिते । एवं चिण जाव णिज्जरा चेव ।। ५९३. सत्तपदेसिता खंधा ॐॐॐॐॐॐॐॐ श्री आगमगुणमजूषा - १५९
फ्र
(३) ठाण