Agam 03 Ang 03 Sthanang Sutra Shwetambar Agam Guna Manjusha

SR No.: 003253
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 89
Language: Prakrit
Classification: Book_Devnagari, Agam, Canon, & agam_sthanang
File Size: 8 MB

Page 64

६- अ. छट्टाणं [ ५४ ] मोहणिज्जस्स चे कम्मस्स उदएणं ६ । ५०२. छव्विधे पमाते पन्नत्ते, तंजहा मज्जपमाते णिद्दपमाते विसयपमाते कसायपभाते जूतपमाते पडिलेहणापमाए । ५०३. छव्विधा पमायपडिलेहा पन्नत्ता, तंजहा- "आरभडा संमद्दा, वज्जेतव्वा य मोसली ततिता । पप्फोडणा चउत्थी, वक्खित्ता, वेतिया छट्ठा ॥४५॥ छव्विधा अप्पमायपडिलेहा पन्नत्ता, तंजहा- "अणच्चावितं, अवलितं, अणाणुबंधिं, अमोसलिं चेव । छप्पुरिमा नव खोडा, पाणीपाणविसोहणी ॥ ४६ ॥ ५०४. छलेसाओ पन्नत्ताओ, तंजहा कण्हलेसा जाव सुक्कलेसा । पंचेदियतिरिक्खजोणियाणं छ लेसाओ पन्नत्ताओ, तंजहा कण्हलेसा जाव सुक्कलेसा, एवं मणुरूस देवाण वि । ५०५. सक्कस्स णं देविंदस्स देवरण्णो सोमस्स महारण्णो छ अग्गमहिसीतो पन्नत्ताओ । सक्कस्स णं देविंदस्स देवरण्णो जमस्स महारन्नो छ अग्गमहिसीओ पन्नत्ताओ । ५०६. ईसाणस्स णं देविंदस्स मज्झिमपरिसाए देवाणं छ पलिओवमाइं ठिती पन्नत्ता । ५०७. छ दिसाकुमारिमहत्तरितातो पन्नत्ताओ, तंजहा रूता रूतंसा सुरूवा रूयावती रूयकंता रूतप्पभा । छ विज्जुकुमारिमहत्तरितातो पन्नत्ताओ, तंजहा अला मक्का सतेरा सोतामणी इंदा घणविज्जुया । ५०८. धरणस्स णं नागकुमारिंदस्स नागकुमाररण्णो छ अग्गमहिसीओ पन्नत्ताओ, तंजहा अला मक्का सतेरा सोतामणी इंदा घणविज्जुया । भूताणंदस्स णं नागकुमारिंदस्स नागकुमाररण्णो छ अग्गमहिसीओ पन्नत्ताओ, तंजहा रूता रूतंसा सुरूता रूतावती रूतकंता रूतप्पभा । जधा धरणस्स तथा सव्वेसिं दाहिणिल्लाणं जाव घोसस्स । जधा भूताणंदस्स तथा सव्वेसिं उत्तरिल्लाणं जाव महाघोसस्स । ५०९. धरणस्स णं नागकुमारिंदस्स नागकुमाररन्नो छ सामाणियसाहस्सीओ पण्णत्तातो, एवं भूताणंदस्स वि जाव महाघोसस्स । ५१०. छव्विहा उग्गहमती पन्नत्ता, तंजहा खिप्पमोगिण्हति, बहुमोगिण्हति, बहुविधमोगिण्हति, धुवमोगिण्हति, अणिस्सियमोगिण्हति, असंदिद्धमोगिण्हति । छव्विहा ईहामती पन्नत्ता, तंजहा खिप्पमीहति, बहुमीहति जाव असंदिद्धमीहति । छव्विधा अवायमती पन्नत्ता, तंजहा खिप्पमवेति जाव असंदिद्धं अवेति । छव्विधा धारणा पन्नत्ता, तंजहा बहुंधरेति, बहुविधं धरेति, पोराणं धरेति, दुद्धरं धरेति, अणिस्सितं धरेति, असंदिद्धं धरेति । ५११. छव्विधे बाहिरते तवे पन्नत्ते, तंजहा अणसणं, ओमोदरिता, भिक्खातरिता, रसपरिच्चाते, कायकिलेसो, पडिसंलीणता । छव्विधे अब्भंतरते तवे पन्नत्ते, तंजहा पायच्छित्तं, विणओ, वेयावच्चं, सज्झाओ, झाणं, विउस्सग्गो । ५१२. छव्विहे विवादे पन्नत्ते, तंजहा ओसक्कतित्ता, उसक्कइत्ता, अणुलोमइत्ता, पडिलोमतित्ता, भत्ता, भेलतित्ता । ५१३. छव्विहा खड्डा पाणा पन्नत्ता, तंजा बेदिता, तेदिता, चउरिदिता, संमुच्छिमपंचेदिततिरिक्खजोणिता, तेउकातिता, वाउकातिता । ५१४. छव्विधा गोयरचरिता पन्नत्ता, तंजहा पेडा, अद्धपेडा, गोमुत्तिता, पतंगवीहिया, संबुक्कवट्टा, गंतुं पच्चागता । ५१५. जंबुद्दीवे दीवे मंदरस्स पव्वतस्स दाहिणेणमिमीसे रतणप्पभाते पुढवीए छ अवक्कंतमहानिरता पन्नत्ता, तंजा लोले लोलुए, उद्दढे, निदढे, जरते, पज्जरते । चउत्थीए णं पंकप्पभाते पुढवीते छ अवक्कंतमहानिरता पन्नत्ता, तंजहा आरे, वारे, मारे, रोरे, रोरुते, खाडखडे । ५१६. बंभलोगे णं कप्पे छ विमाणपत्थडा पन्नत्ता, तंजहा अरते, विरते, णिरते, निम्मले, वितिमिरे, विसुद्धे । ५१७. चंदस्स णं जोतिसिंदस्स जोतिसरन्नो छ णक्खता पुव्वंभागा समखेत्ता तीसतिमुहुत्ता पन्नत्ता, तंजहा पुव्वा भद्दवया, कत्तिता, महा, पुव्वा फग्गुणी, मूलो, पुव्वा आसाढा । चंदस्स णं जोतिसिंदस्स जोतिसरण्णो छ णक्खत्ता णत्तंभागा अवढखेत्ता पन्नरसमुहुत्ता पन्नत्ता, तंजहा सतभिसता, भरणी, अद्दा, अस्सेसा, साती, जेट्ठा। चंदस्स णं जोतिसिंदस्स जोतिसरन्नो छ णक्खत्ता उभयंभागा दिवखेत्ता पणयालीसमुहुत्ता पन्नत्ता, तंजहा रोहिणी, पुणव्वसू, उत्तरा फग्गुणी, विसाहा, उत्तरा आसाढा, उत्तरा भद्दवया । ५१८. अभिचंदे णं कुलकरेछ धणुसयाई उड्डुंउच्चत्तेणं होत्था । ५१९. भरहे णं राया चाउरंतचक्कवटी छ पुव्वसतसहस्साई महाराया होत्था । ५२०. पासस्स णं अरहओ पुरिसादाणियस्स छस्सता वादीणं सदेवमणुयासुराते परिसाते अपराजिताणं संपया होत्था । वासुपुज्जे णं अरहा छहिं पुरिससतेहिं सद्धिं मुंडे जाव पव्वइते । चंदप्पभे णं अरहा छम्मासा छउमत्थे होत्था । ५२१. तेतिंदिया णं जीवा असमारभमाणस्स छव्विधे संजमे कज्जति, तंजहा घाणामातो सोक्खातो अववरोवेत्ता भवति, घाणामतेणं दुक्खेणं असंजोगेत्ता भवति, जिब्भामातो सोक्खातो अववरोवेत्ता भवति एवं चेव, एवं फासामातो वि । तेइंदिया णं जीवा समारभमाणस्स छव्विहे असंजमे कज्जति, तंजा घाणामातो सोक्खातो ववरोवेत्ता भवति, घाणामएणं दुक्खेणं संजोगेत्ता भवति, जाव फासामतेणं दुक्खेणं संजोगेत्ता भवति । ५२२. जंबूदीवे दीवे छ DOKOR श्री आगमगुणमंजूषा - १५२
ON
(KO
(३) ठाणं