Agam 03 Ang 03 Sthanang Sutra Shwetambar Agam Guna Manjusha

SR No.: 003253
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 89
Language: Prakrit
Classification: Book_Devnagari, Agam, Canon, & agam_sthanang
File Size: 8 MB

Page 50

KO卐6666666
(३) ठाणं ४ अ. चउद्वाणं उ४ [४०]
सेयंसेत्ति णाममेगे पावंसे त्ति मन्नति ह्व [ = ४] | चत्तारि पुरिसजाता पन्नत्ता, तंजहा सेयंसे णाममेगे सेयंसे त्ति सालिसते मन्नति, सेयंसे णाममेगे पावंसे त्ति सालिसत्ते मन्नति ह्न [=४] । चत्तारि पुरिसजाया पन्नत्ता, तंजहा आघवतित्ता णाममेगे णो परिभावतित्ता, परिभाववित्ता णाममेगे णो आघवतित्ता ह्व [ = ४] । चत्तारि पुरिसजाया पन्नत्ता, तंजहा आघवतित्ता णाममेगे नो उंछजीविसम्पन्ने, उंछजीविसंपन्ने णाममेगे णो आघवतित्ता व [४] । चउविहा रुक्खविगुव्वणा पन्नत्ता, तं जहा पवालत्ताए पत्तत्ताए पुप्फत्ताए फलत्ताए । ३४५. चत्तारि वादिसमोसरणा पन्नत्ता, तंजहा किरियावादी अकिरियावादी अण्णाणियवादी वेणइयवादी । णेरइयाणं चत्तारि वादिसमोसरणा पन्नत्ता, तंजहा किरियावादी जाव वेणतियवादी, एवमसुरकुमाराण वि जाव थणितकुमाराणं, एवं विगलिदियवज्जं जाव वेमाणियाणं । ३४६. चत्तारि मेहा पन्नत्ता, तंजहा गज्जित्ता णाममेगे णो वासित्ता, वासित्ता णाममेगे णो गज्जित्ता, एगे गज्जित्ता वि वासित्ता वि, एगे णो गज्जित्ता णो वासित्ता १ । एवमेव चत्तारि पुरिसजाता पन्नत्ता, तंजहा गज्जित्ता णाममेगे णो वासित्ता ह्व [ = ४], २ । चत्तारि मेहा पन्नत्ता, तंजहा गज्जित्ता णाममेगे णो विज्जुयाइत्ता विज्जुयाइत्ता णामगे हृ [=४], ३ । एवामेव चत्तारि पुरिसजाता पन्नत्ता, तंजहा गज्जित्ता णाममेगे णो विज्जुयाइत्ता ह्व [ = ४] ४ । चत्तारि मेहा पन्नत्ता, तंजहा वासित्ता णाममेगे णो विज्जुयाइत्ता ह्व [= ४], ५ । एवामेव चत्तारि पुरिस जाता पन्नत्ता, तंजहा वासित्ता णाममेगे णो विज्नुयाइत्ता ४, ६ । चत्तारि मेहा पन्नत्ता, तंजहा कालवासी णामगे णो अकालवासी ह्व [=४], ७ । एवामेव चत्तारि पुरिसजाता पन्नत्ता, तंजहा कालवासी णाममेगे नो अकालवासी ह्व [४], ८ । चत्तारि मेहा पन्नत्ता, तंजहा खेत्तवासी णाममेगे णो अखेत्तवासी ह्व [= ४] ९ । एवामेव चत्तारि पुरिसजाता पन्नत्ता, तंजहा खेत्तवासी णाममेगे णो अखेत्तवासी ह्व [४] १० । चत्तारि मेहा पन्नत्ता, तं जहा जणतित्ता णाममेगे णो णिम्भवतित्ता, णिम्मवतित्ता णाममेगे णो जणतित्ता [ ४ ], ११ । एवामेव चत्तारि अम्मापियरो पन्नत्ता, तंजहा जणतित्ता णाममेगे णो णिम्मवतित्ता ह्व [=४] १२ । चत्तारि मेहा पन्नत्ता, तंजहा देसवासी णाममेगे णो सव्ववासी ह्व [ = ४] १३ । एवामेव चत्तारि रायाणो पन्नत्ता, तंजहा देसाधिवती णामगे णो सव्वाधिवाती ह्व [४] १४ । ३४७. चत्तारि मेहा पन्नत्ता, तंजहा पुक्खलसंवट्टते, पज्जुन्ने, जीमूते, झिम्मे । पुक्खलसंवट्टते णं महामेहे एगेणं वासेणं दस वाससहस्साइं भावेति, पज्जुन्ने णं महामेहे एगेणं वासेणं दस वाससताइं भावेति, जीमूते णं महामेहे एगेणं वासेणं दस वासाई भावेति, झिम्मे णं महामेहे बहूहिं वासेहिं एगं वासं भावेति वा ण वा भावेति १५ । ३४८. चत्तारि करंडगा पन्नत्ता, तंजहा सोवागकरंडते, वेसिताकरंडते, गाहावतिकरंडते, रायकरंडते १६ । एवामे चत्तारि आयरिया पन्नत्ता, तंजहा सोवागकरंडगसमाणे वेसिताकरंडगसमाणे गाहावतिकरंडगसमाणे रायकरंडगसमाणे १७ । ३४९. चत्तारि रुक्खा पन्नत्ता, तंजहा साले नाममेगे सालपरियाते, साले नाममेगे एरंडपरियाए, एरंडे० ह्व [ = ४] १८ । एवामेव चत्तारि आयरिया पन्नत्ता, तंजहा साले णाममेगे सालपरिताते, साले णाममेगे एरंडपरिताते, एरंडे णाममेगे० ह्व [ = ४] १९ । चत्तारि रुक्खा पन्नत्ता, तंजहा साले णाममेगे सालपरियाले, साले णामं एगे एरंडपरियाले ह्व [=४], २० । एवामेव चत्तारि आयरिया पन्नत्ता, तंजहा साले नाममेगे सालपरियाले, साले णामं एगे एरंडपरियाले, ह्व [४] २१ । “सालदुममज्झयारे जह साले णाम होति दुमराया । इय सुंदर आयरिए सुंदरसीसे मुणेतव्वे” ॥२२॥ “एरंडमज्झयारे जह साले णाम होति दुमराया । इय सुंदर आयरिए मंगुलसीसे मुणेयव्वे ॥२३॥ “सालदुममज्झयारे एरंडे णाम होति दुमराया । इय मंगुल आयरिए सुंदरसीसे मुणेयव्वे” ||२४|| “एरंडमज्झयारे एरंडे णाम होइ दुमराया । इय मंगुल आयरिए मंगुलसीसे मुणयव्वे” ||२५|| ३५०. चत्तारि मच्छा पन्नत्ता, तंजहा अणुसोतचारी, पडिसोतचारी, अंतचारी, मज्झचारी २२ । एवामेव चत्तारि भिक्खागा पन्नत्ता, तंजहा अणुसोयचारी, पडिसोयचारी, अंतचारी, मज्झचारी २३ । चत्तारि गोला पन्नत्ता, तंजहा मधुसित्थगोले, जउगोले, दारुगोले, मट्टियागोले २४ । एवामेव चत्तारि पुरिसजाता पन्नत्ता, तंजा मधुसित्थगोलसमाणे ह्व [ ४ ], २५ । चत्तारि गोला पन्नत्ता, तंजहा अयगोले, तउगोले, तंबगोले, सीसगोले २६ । एवामेव चत्तारि पुरिसजाता पन्नत्ता, तंजा अयगोलसमाणे जाव सीसगोलसमाणे २७ । चत्तारि गोला पन्नत्ता, तंजहा हिरण्णगोले सुवन्नगोले रयणगोले वयरगोले २८ । एवामेव चत्तारि पुरिसजाता पन्नत्ता, तंजहा हिरण्णगोलसमाणे जाव वइरगोलसमाणे २९ । चत्तारि पत्ता पन्नत्ता, तंजहा असिपत्ते करपत्ते खुरपत्ते कलम्बचीरितापत्ते ३० । एवामेव चत्तारि
श्री आगमगुणमंजूषा १३८