Agam 03 Ang 03 Sthanang Sutra Shwetambar Agam Guna Manjusha

SR No.: 003253
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 89
Language: Prakrit
Classification: Book_Devnagari, Agam, Canon, & agam_sthanang
File Size: 8 MB

Page 27

Ro99555555555555
(३) ठाणं ३ -अ. तिहाणं उ - २-३१७)
555555555%ACE
乐乐乐听听听听听听听听听听听听听听听听听听听听听听听听听听听听听听听听听听听听听听乐乐
र तंजहा अस्सिं लोगे पसत्थे भवति, उववाते पसत्थे भवति, आयाती पसत्था भवति । १७०. तिविधा संसारसमावन्नगा जीवा पन्नत्ता, तंजहा इत्थी, पुरिसा, नपुंसगा । तिविधा सव्वजीवा पन्नत्ता, तंजहा सम्मद्दिट्ठी, मिच्छदिट्ठी, सम्मामिच्छदिट्ठी। अहवा तिविधा सव्वजीवा पन्नत्ता, तंजहा पज्जत्तगा, अपज्जत्तगा, णो पज्जत्तगो, णो ॥ अपज्जत्तगा। एवं सम्मद्दिट्ठि परित्ता, पज्जत्तगा सुहम सन्नि भविया य। १७१. तिविधा लोगट्टिती पन्नत्ता, तंजहा आगासपतिहिते वाते, वातपतिट्टिए उदही, उदहिपतिहिता पुढवी। तओ दिसाओ पन्नत्ताओ, तंजहा उड्ढा, अहा, तिरिया १ । तिहिं दिसाहिं जीवाणं गती पवत्तति, तंजहा उड्डाते, अहाते, तिरियाते २ । एवं आगती ३,वक्कंती ४, आहारे ५, वुड्डी ६, णिवुड्डी ७, गतिपरियाते ८, समुग्धाते ९, कालसंजोगे १०, दंसणाभिगमे ११, णाणाभिगमे १२, जीवाभिगमे १३ । तिहिं दिसाहिं जीवाणं अजीवाभिगमे पन्नत्ते, तंजहा उड्ढाते अहाते तिरियाते १४ । एवं पंचेदियतिरिक्खजोणियाणं, एवं मणुस्साण वि । १७२. तिविधा तसा पन्नत्ता, तंजहा तेउकाइया, वाउकाइया, उराला तसा पाणा । तिविधा थावरा पन्नत्ता, तंजहा पुढविकाइया, आउकाइया, वणस्सतिकाझ्या । १७३. ततो अच्छेज्जा पन्नत्ता, तंजहा समये, पदेसे, परमाणू १ । एवमभेज्जा २, अडज्झा ३, अगिज्झा ४, अणद्धा ५, अमज्झा ६, अपएसा ७। ततो अविभातिमा पन्नत्ता, तंजहा समते पएसे परमाणू ८1१७४. अज्जो त्ति समणे भगवं महावीरे गोतमादी समणे णिग्गंथे आमंतेत्ता एवं वयासी किंभया पाणा समणाउसो!, गोयमादी समणा णिग्गंधा समणं भगवं महावीरं उवसंकमंति, उवसंकमित्ता वंदंति नमसंति, वंदित्ता नमंसित्ता एवं वयासी णो खलु वयं देवाणुप्पिया ! एतमढे जाणामो वा पासामो वा, तं जदिणं देवाणुप्पिया एतमटुंणो गिलायंति परिकहित्तते तमिच्छामोणं देवाणुप्पियाणं अंतिए एयमढे जाणित्तए, अज्जो त्ति समणे भगवं महावीरे गोतमाती समणे निग्गंथे आमंतेत्ता एवं वयासी दुक्खभया पाणा समणाउसो!। सेणं भंते ! दुक्खे केण कडे ? जीवेणं कडे पमादेण । से णं भंते ! दुक्खे कहं वेइज्जति ? अप्पमादेण। १७५. अन्नउत्थिता णं भंते ! एवं आतिक्खंति एवं भासंति एवं पन्नति एवं परूवेति कहन्नं समणाणं निग्गंथाणं किरिया कज्जति ? तत्थ जा सा कडा कज्जति नो तं पुच्छंति, तत्थ जा सा कडा नो कज्जति नो तं पुच्छंति, तत्थ जा सा अकडा नो कज्जति नो तं पुच्छंति, तत्थ जा सा अकडा कज्जति तं पुच्छंति, से एवं वत्तव्वं सिया अकिच्चं दुक्खं अफुसं दुक्खं अकज्जमाणकर्ड दुक्खं अकट्ट अकट्ट पाणा भूता जीवा सत्ता वेयणं वेदेति त्ति वत्तव्वं । जे ते एवमाहंसु मिच्छा ते एवमाहंसु मिच्छा ते एवमाहंसु, अहं पुण एवमाइक्खामि एवं भासामि एवं पन्नवेमि एवं परूवेमि-किच्चं दुक्खं फुसं दुक्खं कज्जमाणकडं दुक्खं कट्ट कट्ट पाणा भूया जीवा सत्ता वेयणं वेयंति त्ति वत्तव्वं सिया ॥ [तइयट्ठाणस्स बीओ उद्देसओ समत्तो] ॥ [तइओ उद्देसओ] १७६. तिहिं ठाणेहिं मायी मायं कटु णो आलोएज्जा णो पडिक्कमेज्जा णो णिदिज्जा णो गरहेज्जा णो विउद्देज्जा णो विसोहेज्जा णो अकरणताते अब्भुटेज्जा णो अहारिहं पायच्छित्तं तवोकम्मं पडिवज्जेज्जा, तंजहा अकरिंसु चाहं, करेमि चाहं, करिस्सामि चाहं । तिहिं ठाणेहिं मायी मायं कटू णो आलोएज्जा णो पडिक्कमिज्जा जाव णो पडिवज्जेज्जा, तंजहा अकित्ती वा मे सिया, अवण्णे वा मे सिया, अविणए वा मे सिया । तिहिं ठाणेहिं मायी मायं कट्ठ णो आलोएज्जा जाव नो पडिवज्जेज्जा, तंजहा-कित्ती वा मे परिहायिस्सति, जसे वा मे परिहायिस्सति, पूयासक्कारे वा मे परिहायिस्सति । तिहिं ठाणेहिं मायी मायं कट्ट आलोएज्जा पडिक्कमेज्जा निदज्जा जाव पडिवज्जेज्जा, तंजहा मायिस्सणं अस्सिं लोगे गरहिते भवति, उववाते गरहिए भवति, आयाती गरहिता भवति । तिहिं ठाणेहि मायी मायं कट्ट आलोएज्जा जाव पडिवज्जेज्जा, तंजहा अमायिस्सणं अस्सिं लोगे पसत्थे भवति, उववाते पसत्थे भवति, आयाई पसत्था भवति । तिहिं ठाणेहिमायी मायं कट्ट आलोएज्जाजाव पडिवज्जेज्जा, तंजहा णाणकृताते, दंसणट्ठताते, चरित्तकृताते। १७७. तओ पुरिसजाता पन्नत्ता, तंजहा सुत्तधरे अत्थधरे तदुभयधरे। १७८. कप्पति णिगंथाण वा णिग्गंथीण वा ततो वत्थाई धारित्तए वा परिहरित्तए वा, तंजहा जंगिते भंगिते खोमिते । कप्पति णिग्गंथाण वा णिग्गंथीण वा ततो पायाई धारित्तत्ते वा परिहरित्तत्ते वा, तंजहा लाउयपादे वा दारुपादे वा मट्टियापादे वा । १७९. तिहिं ठाणेहिं वत्थं धरेज्जा, तंजहा हिरिवत्तियं दुगुंछावत्तियं परीसहवत्तियं । १८०. तओ आयरक्खा पन्नत्ता, तंजहा धम्मियाते पडिचोयणाते पडिचोएत्ता भवति, तुसिणीतो वा सिता, उठेत्ता वा आताते एकंतमंतमवक्कमेज्जा। णिग्गंथस्सणं गिलायमाणस्स कप्पंति ततो वियडदत्तीओ पडिग्गहित्तते, तंजहा उक्कोसा मज्झिमा जहन्ना। तिहिं ठाणेहि समणे निग्गंथे साहम्मियं संभोगियं विसंभोगियं करेमाणे ------TricNELLE
श्री आगमगुणमंजूषा - ११५555555555555555555 5555
乐乐听听听听听听听听听听听听听听听听听听听听听听听听听听听听听听听听听听听听听听听听听听听听听C
595