Agam 03 Ang 03 Sthanang Sutra Shwetambar Agam Guna Manjusha

SR No.: 003253
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 89
Language: Prakrit
Classification: Book_Devnagari, Agam, Canon, & agam_sthanang
File Size: 8 MB

Page 16

२- अ. विद्वाणं उ ३ [६]
एवमेक्वेक्के छ आलावगा भाणियव्वा । ७६. दुविहे आयारे पन्नत्ते, तंजहा णाणायारे चेव नोनाणायारे चेव १ | णोनाणायारे दुविहे पन्नत्ते, तंजहा दंसणायारे चेव नोदंसणायारे चेव २ । नोदंसणायारे दुविहे पन्नत्ते, तंजहा चरित्तायारे चेव नोचरित्तायारे चेव ३ | णोचरित्तायारे दुविहे पन्नत्ते, तंजहा तवायारे चेव वीरियायारे चेव ४ । ७७. दो पडिमाओ पन्नत्ताओ, तंजहा समाहिपडिमा चेव उवहाणपडिमा चेव १ । दो पडिमाओ पन्नत्ताओ, तंजहा विवेगपडिमा चेव विउसग्गपडिमा चेव २ | दो डिमाओ पत्ताओ, तंजहा भद्दा चेव सुभद्दा चेव ३ | दो पडिमाओ पन्नत्ताओ, तंजहा महाभद्दा चेव सव्वतोभद्दा चेव ४ । दो पडिमाओ पन्नत्ताओ, तंजहा खुड्डिया चेव मोयपडिमा, महल्लिया चेव मोयपडिमा ५ । दो पडिमाओ पन्नत्ताओ, तंजहा जवमज्झा चेव चंदपडिमा वइरमज्झा चेव चंदपडिमा ६ । ७८. दुविधे सामाइए पन्नत्ते, तंजा अगारसामाइए चेव अणगारसामाइए चेव । ७९. दोण्हं उववाते पन्नत्ते, तंजहा देवाण चेव नेरइयाण चेव १ । दोण्हं उव्वट्टणा पन्नत्ता, तंजहा रइयाण व भवणवासी व २ । दोण्हं चयणे पन्नत्ते, तंजहा जोइसियाण चेव वेमाणियाण चेव ३ । दोण्हं गब्भवक्कंती पन्नता, तंजहा मणुस्साण चेव पंचेंदियतिरिक्खजोणियाण चेव ४ । दोण्हं गब्भत्थाणं आहारे पन्नत्ते, तंजहा मणुस्साण चेव पंचेदियतिरिक्खजोणियाण चेव ५ । दोण्हं गब्भत्थाणं बुड्डी पन्नत्ता, तंजहा मणुस्साण चेव पंचेंद्रियतिरिक्खजोणियाण चेव ६ । एवं निवुड्डी ७, विगुव्वणा ८, गतिपरियाए ९, समुग्धाते १०, कालसंजोगे ११, आयाती १२, मरणे १३ । दोण्हं छविपव्वा पन्नत्ता, तंजहा मणुस्साण चेव पंचेदियतिरिक्खजोणियाण चेव १४ । दो सुक्क सोणितसंभवा पन्नत्ता, तंजहा मणुस्सा चेव पंचेदियतिरिक्खजोणिया चेव १५ | ठिती पन्नत्ता, तंजा कायद्विती चेव भवट्ठिती चेव १६ । दोण्हं कायद्विती पन्नत्ता, तंजहा मणुस्साण चेव पंचेदियतिरिक्खजोणियाण चेव १७ । दोण्हं भवट्ठिती पन्नत्ता, तंजहा देवाण चेव नेरइयाण चेव १८ । दुविहे आउए पन्नत्ते, तंजहा अद्वाउए चेव भवाउए चेव १९ । दोण्हं अद्धाउए पन्नत्ते, तंजहा मणुस्साण चेव पंचेदियतिरिक्खजोणियाण चेव २० । दोण्हं भवाउए पन्नत्ते, तंजहा देवाण चेव णेरइयाण चेव २१ । दुविहे कम्मे पन्नत्ते, तंजहा पदेसकम्मे चेव अणुभावकम्मे चेव २२ । दो अहाउयं पालेति, तंजा देवच्चेव नेरइयच्चेव २३ । दोण्हं आउयसंवट्टए पन्नत्ते, तंजहा मणुस्साण चेव पंचेंदियतिरिक्खजोणियाण चेव २४ । ८०. जंबुद्दीवे दीवे मंदरस्स पव्वयस्स उत्तरदाहणेणं दो वासा पन्नत्ता बहुसमतुल्ला अविसेसमणाणत्ता अन्नमन्नं णातिवट्टंति आयाम विक्खंभ-संठाण-परिणाहेणं, तंजहा भरहे चेव एरवते चेव । एवमेतेणमभिलावेणं हेमवते चेव हरेत्रवते चेव, हरिवासे चेव रम्मयवासे चेव । ८१. जंबुद्दीवे दीवे मंदरस्स पव्वयस्स पुरत्थिमपच्चत्थिमेणं दो खेत्ता पन्नत्ता बहुसमतुल्ला अविसेस जाव पुव्वविदेहे चेव अवरविदेहे चेव । ८२. जंबूमंदरस्स पव्वतस्स उत्तरदाहिणेणं दो कुराओ पन्नत्ताओ बहुसमतुल्लाओ जाव देवकुरा चेव उत्तरकुरा । तत्थ णं दो महतिमहालया महादुमा पन्नत्ता बहुसमतुल्ला अविसेसमणाणत्ता अन्नमन्नं णाइवट्टंति आयाम - विक्खंभुच्चतोव्वेध - संठाण - परिणाहेणं, जहा कूड चेव, जंबू चेव सुदंसणा । तत्थ णं दो देवा महिड्डिया जाव महासोक्खा पलिओवमद्वितीया परिवसंति, तंजहा गरूले चेव वेणुदेवे, अणाढिते चेव जंबूदीवाहिवती । ८३. जंबूमंदरस्स पव्वयस्स उत्तरदाहिणेणं दो वासहरपव्वया पन्नत्ता बहुसमतुल्ला अविसेसमणाणत्ता अन्नमन्नं णातिवट्टंति आयामविक्खंभुच्चत्तोव्वेधसंठाण - परिणाहेणं, तंजा चुल्लहिमवंते चेव सिहरी चेव, एवं महाहिमवंते चेव रूप्पी चेव, एवं णिसढे चेव णीलवंते चेव । ८४. जंबूमंदरस्स पव्वयस्स उत्तरदाहिणेणं हेमवतेरण्णवतेसु वासेसु दो वट्टवेयढपव्वता पन्नत्ता बहुसमतुल्ला अविसेसमणाणत्ता जाव सद्दावती चैव वियडावती चेव, तत्थ णं दो देवा महिड्डिया जाव पलिओवमट्ठितीया परिवसंति, तंजा साती चेव पभासे चेव । जंबूमंदरस्स उत्तरदाहिणेणं हरिवरिस-रम्मतेसु वासेसु दो वट्टवेयढपव्वया पन्नत्ता बहुसमतुल्ला अविसेसमणाणत्ता जाव गंधावती चेव मालवंतपरियाए चेव, तत्थ णं दो देवा महिड्डिया जाव पलिओवमद्वितीया परिवसंति, तंजहा अरुणे चेव पउमे चेव । ८५. जंबूमंदरस्स पव्वयस्स दाहिणेणं देवकुराए कुराए पुव्वावरे पासे एत्थ णं आसक्खंधगसरिसा अद्धचंदसंठाणसंठिया दो वक्खारपव्वता पन्नत्ता बहुसम जाव सोमणसे चेव विज्जुप्पभे चेव । जंबूमंदरउत्तरेण उत्तरकुराए कुराए पुव्वावरे पासे एत्थ णं आसक्खंधगसरिसा अद्धचंदसंठाणसंठिया दो वक्खारपव्वया पन्नत्ता बहुसम जाव गंधमादणे चेव मालवंते चेव । ८६. जंबूमंदरस्स पव्वयस्स उत्तरदाहिणेणं दो दीहवेयहुपव्वया पन्नत्ता बहुसमतुल्ला जाव भारहए चेव दीहवेयड्डे, एरावयते चेव दीहवेयड्डे । भारहए णं दीहवेयड्डे दो
ॐ श्री आगमगुणमंजूषा १०४
NORO
(३) ठाणं
X