Agam 02 Ang 02 Sutrakrutang Sutra Shwetambar Agam Guna Manjusha

SR No.: 003252
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 55
Language: Prakrit
Classification: Book_Devnagari, Agam, Canon, & agam_sutrakritang
File Size: 6 MB

Page 25

MO.95555555555555559 (२) सूयगडी प.सु.५ अ./१० अ.समाही/११ अ. मग [१३] 1555555555555555FOXOS
१० दसमं अज्झयणं समाही' ४७३. आघं मइमं अणुवीति धम्म, अंजू समाहिं तमिणं सुणेह। अपडिण्णे भिक्खूतु समाहिपत्ते, अणियाणभूतेसु परिव्वएज्जा ॥१|| ४७४. उड्ढढं अहे य तिरियं दिसासु, तसा य जे थावर जे य पाणा । हत्थेहि पाएहि य संजमेत्ता, अदिण्णमन्नेसु य नो गहेज्जा ।।२।। ४७५. सुअक्खातधम्मे वितिगिच्छतिण्णे, लाढे चरे आयतुले पयासु। आयं न कुज्जा इह जीवियट्ठी, चयं न कुज्जा सुतवस्सि भिक्खू ॥३।। ४७६. सव्विदियऽभिनिव्वुडे पयासु, चरे मुणी सव्वतो विप्पमुक्के । पासाहि पाणे य पुढो वि सत्ते, दुक्खेण अट्टे परिपच्चमाणे ॥४॥ ४७७. एतेसुबाले य पकुव्वमाणे, आवट्टती कम्मसु पावएसु। अतिवाततो कीरति पावकम्म, निउंजमाणे उकरेति कम्मं ॥५॥ ४७८. आदीणभोई वि करेति पावं, मंतातु एगंतसमाहिमाहु। बुद्धे समाहीय रते विवेगे, पाणातिपाता विरते ठितप्पा ।।६।। ४७९. सव्वं जगं तू समयाणुपेही, पियमप्पियं कस्सइ नो करेजा। उट्ठाय दीणे तु पुणो विसण्णे, संपूयणं चेव सिलोयकामी ||७|| ४८०. आहाकडं चेव निकाममीणे, निकामसारी य विसण्णमेसी। इत्थीसु सत्ते य पुढो य बाले, परिग्गहं चेव पकुव्वमाणे ||८॥ ४८१. वेराणुगिद्धे णिचयं करेति, इतो चुते
से दुहमट्ठदुग्गं । तम्हा तु मेधावि समिक्ख धम्म, चरे मुणी सव्वतो विप्पमुक्के ॥९|| ४८२. आयं न कुज्जा इह जीवितट्ठी, असज्जमाणो य परिव्वएज्जा। णिसम्मभासी जय विणीय गिद्धिं, हिंसण्णितं वा ण कह करेज्जा ॥१०|| ४८३. आहाकडं वा ण णिकामएज्जा, णिकामयंते य ण संथवेज्जा । धुणे उरालं अणुवेहमाणे, चेच्चाण सोयं
अणपेक्खमाणे ॥११॥ ४८४. एगत्तमेव अभिपत्थएज्जा, एवं पमोक्खो ण मुसं ति पास । एसप्पमोक्खो अमुसे वरे वी अकोहणे सच्चरते तवस्सी ॥१२॥ ४८५.
इत्थीसुया आरत मेहुणा उ, परिग्गहं चेव अकुव्वमाणे । उच्चावएसु विसएसु ताई, णिस्संसयं भिक्खू समाहिपत्ते ॥१३॥ ४८६. अरति रतिं च अभिभूय भिक्खू, 4 तणाइफासं तह सीतफासं। उण्हं च दंसं च हियासएज्जा, सुन्भिं च दुब्भिं च तितिक्खएज्जा ।।१४।। ४८७. गुत्तो वईए य समाहिपत्ते, लेसं समाहट्ट परिवएज्जा । गिहं
न छाए ण वि छावएज्जा, संमिस्सभावं पजहे पयासु ॥१५॥ ४८८. जे केइ लोगंसि उ अकिरियाया, अण्णेण पुट्ठा धुतमादिसति । आरंभसत्ता गढिता य लोए, धम्म न याणंति विमोक्खहेउं ॥१६।। ४८९. पुढो य छंदा इह माणवा उ, किरियाकिरीणं च पुढो य वायं । जायस्स बालस्स पकुव्व देहं, पवडती वेरमसंजतस्स ॥१७॥ ४९०. आउक्खयं चेव अबुज्झमाणे, ममाति से साहसकारि मंदे। अहो य रातो परितप्पमाणे, अट्टे सुमूढे अजरामर व्व ।।१८।। ४९१. जहाहि वित्तं पसवो य सव्वे, जे बांधवा जे य पिता य मित्ता। लालप्पती सो वि य एइ मोहं, अन्ने जणा तं सि हरति वित्तं ॥१९|| ४९२. सीहं जहा खुद्दमिगा चरंता, दूरे चरंती परिसंकमाणा । एवं तु मेधावि समिक्ख धम्म, दूरेण पावं परिवज्जएज्जा ||२०|| ४९३. संबुज्झमाणे तुणरे मतीमं, पावातो अप्पाण निवट्टएज्जा। हिंसप्पसूताई दुहाई मंता, वेराणुबंधीणि महब्भयाणि ॥२१॥ ४९४. मुस न बूया मुणि अत्तगामी, णिव्वाणमेयं कसिणं समाहिं । सयं न कुज्जा न वि कारवेज्जा, करेंतमन्नं पि य नाणुजाणे ।।२२।। ४९५. सुद्धे सिया जाए न दूसएज्जा, अमुच्छिते ण य अज्झोववण्णे । धितिमं विमुक्के ण य पूयणट्ठी, न सिलोयकामी य परिव्वएज्जा।।२३।। ४९६. निक्खम्म गेहाउ निरावकंखी,
कायं विओसज्ज नियाणछिण्णे । नो जीवितं नो मरणाभिकंखी, चरेज्ज भिक्खू वलया विमुक्के ।।२४।। त्ति बेमि । समाही सम्मत्ता । दशममध्ययनं ॥ समाप्तम् ॥ ११ एगारसमं अज्झयणं मग्गे ४९७. कयरे मग्गे अक्खाते, माहणेण मतीमता। जं मग्गं उज्जु पावित्ता, ओहं तरति दुत्तरं ॥१॥
४९८. तं मग्गं अणुत्तरं सुद्धं, सव्वदुक्खविमोक्खणं । जाणासि णं जहा भिक्खू, तंणे बूहि महामुणी ॥२।। ४९९. जइणे केइ पुच्छिज्जा, देवा अदुव माणुसा। तेसिं तु कतरं मग्गं, आइक्खेज्ज कहाहि णे ॥३।। ५००. जइ वो केइ पुच्छिज्जा,देवा अदुव माणुसा। तेसिमं पडिसाहेज्जा, मग्गसारं सुणेह मे ॥४॥ ५०१. अणुपुव्वेण महाघोरं कासवेण पवेदियं । जमादाय इओ पुव्वं, समुदं व ववहारिणो॥५॥ ५०२. अतरिसुतरतेगे, तरिस्संति अणागता । तं सोच्चा पडिवक्खामि, जंतवो तं सुणेह
मे ।।६।। ५०३. पुढवीजीवा पुढो सत्ता, आउजीवा तहागणी । वाउजीवा पुढो सत्ता, तण रुक्ख सबीयगा ||७|| ५०४. अहावरा तसा पाणा, एवं छक्काय आहिया। के इत्ताव ताव जीवकाए, नावरे विज्जती काए ।।८॥ ५०५. सव्वाहि अणुजुत्तीहिं, मतिमं पडिलेहिया । सव्वे अकंतदुक्खा य, अतो सव्वे न हिंसया ।।९।। ५०६. एयं खु
णाणिणो सारं, जं न हिंसति कंचणं । अहिंसा समयं चेव, एतावंतं विजाणिया॥१०॥ ५०७. उड्डे अहे तिरियं च, जे केइ तस-थावरा । सव्वत्थ विरतिं विज्जा, संति निव्वाणमाहियं ॥११॥ ५०८. पभू दोसे निराकिच्चा, ण विरुज्झेज केणति । मणसा वयसा चेव, कायसा चेव अंतसो ॥१२॥ ५०९. संवुड़े से महापण्णे, धीरे ROOFF#5555555555555555555 श्री आगमगणमंजूषा ६७ 545555555555555555555555555OR
CO乐乐听听听听听听听听听听听听听听听听听听听听听听听听听听听听听听听听听听听听乐乐乐乐乐乐听听
卐555555555555555559